+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Beıjińde «Qytaıdyń bulbuly» atanǵan qazaq ánshisin eske alý sharasy ótti - Sheteldegi qazaq tildi BAQ-qa sholý

2019 jylǵy 2 qarasha 12:13
Bólisińiz:
Beıjińde «Qytaıdyń bulbuly» atanǵan qazaq ánshisin eske alý sharasy ótti - Sheteldegi qazaq tildi BAQ-qa sholý

NUR-SULTAN. QazAqparat- «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar
Qytaıda turatyn qazaq qyzy halyqaralyq baıqaýǵa joldama aldy - Sheteldegi qazaq tildi BAQ-qa sholý Shapan kıip júrý uıat pa? - Óńirlik baspasózge sholý «Altaıdyń kók jaquty» jurtqa kórsetildi - Sheteldegi qazaq tildi BAQ-qa sholý

Beıjińde Qytaıdyń «Bulbuly» atanǵan qazaq ánshisin eske alý sharasy ótti - Qytaıdyń «Ortalyq halyq radıosy» (CNR)

Beıjiń qalasynda qazaq halqynyń birtýar óner juldyzy, Qytaı Halyq Respýblıkasynyń halyq ártisi Kamal Qýanyshqyzynyń ómirden ótýine baılanysty zııaly qaýym ókilderi jınalyp, talantty ánshiniń ónegeli ómirin eske alyp, balalary men týys-týǵandaryna kóńil aıtty, dep jazady Qytaılyq kazakcnr.com saıty.

Qazaqstan Respýblıkasynyń eńbek sińirgen ártisi, qazaqtyń tanymaly opera ánshisi Maıra Muhamedqyzynyń anasy Kamal Qýanyshqyzy 2019 jyly 10 qazanda dúnıeden ozǵan. Osyǵan baılanysty atalǵan BAQ «Ónegeli ómir, óshpes esim» atty maqala jarııalap, ónerli shańyraqtyń ardaqty anasy, bulbul úndi ánshi Kamal Qýanyshqyzynyń ómirbaıanyna sholý jasaǵan.

Kamal Qýanyshqyzy Іshikbaeva - 1934 jyly Qytaı Halyq Respýblıkasynyń Sháýeshek qalasynda dúnıege kelgen. Sondaı-aq, 1951 jyly Altaı aımaǵynyń Óner ujymyna ánshi bolyp óner jolyna qadam basqan. 1955 – 1990 jyldar aralyǵynda Іle Qazaq avtonomııaly oblystyq teatrdyń ánshisi qyzmetin atqarǵan. Óz ómirin ónerge arnaǵan ánshiniń qazaqy saryndy únimen oryndalǵan 50 den astam halyq áni Beıjińdegi Ortalyq halyq radıosy men Shyńjan halyq radıosynyń altyn qorynda saqtalyp qalǵan.

Sonymen birge, Kamal Qýanyshqyzynyń akterlik qyry da ómir shejiresinen «taıǵa tańba basqandaı» anyq kórinedi. Ol 1954 jyly túsirilgen, Qytaıdaǵy qazaqtardyń tuńǵysh fılmi «Hasen-Jámılada» Jámılanyń sheshesiniń rólin somdaǵan. 1955 jyly Úrimji qalasyndaǵy orys klýby uıymdastyrǵan Abaı men Pýshkındi eske alý keshinde Tatıananyń ánin jeke oryndap shyqsa, 1956 jyldary sahanalanǵan «Qalyńmal», «Sálıqa-Sámen», «Anarhan», «Ǵunsham», «Qyzyl shyraq» qatarly mýzykalyq dramalar men operalarda basty rólderdi somdaıdy.

Daryndy ánshi 1980 jyly Beıjińde eldiń Mádenıet mınıstrligi uıymdastyrǵan, Qytaıdaǵy 56 ulttyń ánshileri baq synaǵan baıqaýdyń bas júldesin jeńip alǵan. Al 1991 jyly memleket ánshiniń ónerdegi ónegeli jolyn, uzaq jyldar mádenıet salasyna sińirgen eńbegin baǵalap altyn medalmen marapattaıdy. Sondaı-aq, budan basqada kóptegen óner báıgesine qatysyp, san márte júldeger atanyp, túrli marapat, syılyqtarǵa ıe bolǵan. Qytaı eli óner ıesin «án bulbuly» dep qurmettegen.


Kamal Qýanyshqyzy 1956 jyly Keńes Odaǵynyń 5 respýblıkasyna, 1976 jyly arab, Parsy shyǵanaǵy elderiniń 8 memleketine, 1982 jyly Túrkııa, Marakko, Fransııa, Shveıtsarııa, Pákistan sekildi 6 memleketine óner saparymen baryp, qazaq halqynyń áýezdi ánderin álem halyqtaryna óziniń erekshe bulbul únimen tyńdatyp, nasıhattaǵan.

Etnıkalyq qazaq Elnur Abdýraıymov taǵy Ózbekstan chempıony atandy - «ÓzA» aqparattyq agenttigi


Birneshe kúnge jalǵasqan bokstan Ózbekstan chempıonaty óz máresine jetti, dep habarlaıdy Ózbekstannyń «ÓzA» memlekettik aqparattyq agenttigi.

«Tashkenttegi «Ýnıversal» sport saraıynda ótken bul jarysta Ózbekstannyń úzdik eń myqty degen boksshylary taǵyda iriktelip, fınaldyq kezdesýler kezinde olardyń daıyndyǵy jyldaǵydan ózgeshe kendigin baıqatty. Respýblıka boıynsha 200-ge jýyq boksshylar qolǵap túıistirgen jarysta jaqsy nátıje kórsetip chempıon atanǵan Tashkent oblysynda týǵan boksshylar boldy. Olar qatarynda Tashkent oblysynyń Bostandyq aýdanynda týǵan Elnur Abdýraıymov 64 keli salmaqta jeńimpaz atandy. Elnur qazirde áýesqoı bokspen birge kásipqoılyqty da qatar alyp keledi», - dep jazady «ÓzA» memlekettik aqparattyq agenttigi.

Eske sala keteıik, Ózbekstan quramasynyń múshesi, etnıkalyq qazaq Elnur Abdýraımov 2015 jyly Azııa birinshiliginde júldegerler qatarynan kórinse, 2017 jyly Tashkentte ótken álem chempıonatynda altynnan alqa taqqan.

Erkin Jamantaıuly: Azııa chempıonatyna jeńimpaz bolamyz dep bardyq - kaznews.mn


Jaqynda Birikken Arab Ámirlikterinde ótken bokstan jasóspirimder arasyndaǵy Azııa chempıonatynda Hılchın sport klýbynyń sportshysy Tógsjargalyn Nomın-Erdene qyzdar arasyndaǵy saıysta 57 keli salmaqta chempıon atanǵan. Osy Hılchın sport klýbynyń bapkeri Erkin Jamantaıuly ózi baptaǵan shákirtiniń jeńis joly men bapkerlik jumysynyń qyr-syry týraly Mońǵolııanyń KAZNEWS aqparattyq portalyna suhbat bergen.


«...Bul jolǵy chempıonatqa meniń shákirtim T.Nomın-Erdene sátti qatysty. Biz chempıonatqa jeńimpaz bolamyz degen maqsatpen barǵanbyz. Alǵa qoıǵan maqsatymyz oryndaldy. Qyzdar arasyndaǵy básekede 57 keli salmaqta T.Nomın-Erdene jartylaı fınalda Qazaqstandyq Anar Tursynbekti 5:0 esebimen, fınalda QHR-nyń boksshysy Lııandy 4:1 esebimen utty. Bul salmaqta Azııa qurlyǵyndaǵy boks óneri qarqyndy damyǵan QHR, Qazaqstan, Úndistan, Taıvan sportshylary bolǵan. Nomın-Erdene jasóspirimder arasyndaǵy Azııa chempıonatynda chempıon atanǵan Mońǵolııanyń qyzdar arasyndaǵy alǵashqy sportshy atanyp otyr. Shákirtime bolashaqta Olımpıada, álem chempıonatynyń jeńisin tileımin!», - deıdi Erkin Jamantaıuly.


Sondaı-aq, atalǵan suhbatynda bilikti bapker óziniń jumysy týraly aıtty.

«Alǵash ret úıirme ashqan kezimde 5-6 bala ǵana jınalǵan bolatyn. Іshimnen «men bapker bola alamyn ba?» – dep ózime suraqtar qoıyp, kúdiktengen kezderim de bolǵan. Keshikpeı bapkerlik jumysyma bel sheship kirgen soń, erteńgi jattyǵý tez bolsa ǵoı dep kútetin boldym. Shákirtterimniń jetistigi maǵan qýat syılaıdy. Alda úırenetin jumystarymyz kóp. Tek ǵana eńbektenýimiz kerek. Shetelge jarystarǵa barý úshin óz qaltamyzdan qarajat shyǵaratynymyzdy jasyryp qaıtemiz. Elimizdegi jattyǵý jumystaryn turaqty júrgizip kelemiz. Sonymen qatar, bıyl jazda Qazaqstanǵa baryp jattyǵý jumystaryna qatysyp qaıttyq. Shákirtterimdi ertip, ózim Alfard mashınamnyń tizginin ustap Almaty qalasyna baryp qyzdar quramasymen birge 14 kún birlesip jattyǵý ótkizdik. Kóptegen tájirıbe jınaqtadyq. Bul jerde, meni únemi qoldap júretin basshylarǵa, ujymǵa alǵysym sheksiz ekenin aıtqym keledi», - deıdi Erkin Jamantaıuly.


Germanııa kóshine 58 jyl boldy - TRT


Sheteldegi túrikter jáne aǵaıyn qaýymdastyqtar basqarmasynyń tóraǵasy Abdýllah Eren Túrkııadan Germanııaǵa kóshkenderdiń eldiń tek jumys kúshine ǵana emes, ekonomıkalyq, saıası, áleýmettik jáne mádenı qurylymyna da úles qosqanyn aıtty, dep jazady Túrkııa Radıo Televızııa portaly.

«Ýaqyt tek Germanııanyń jumys kúshine emes, ekonomıkalyq, saıası, áleýmettik jáne mádenı qurylymyna da belsendi úles qosqan úrdis týǵyzdy. Osy úrdiste kóbi tilderin de bilmeıtin osy elde bir-bir tabys hıkaıasynyń keıipkerleri bolǵan alǵashqy býyn búgin tórtinshi býynǵa jetip otyr. Endigi jas jáne qajyrly býyn da ózderi ómir súrgen elde qoǵamǵa paıdaly bola otyryp, atameken men ana tilinen de ajyramaı, eki el qatynastaryna mańyzdy úles qosatynyna senemin»,- deıdi Abdýllah Eren.

Abdýllah Eren sonymen birge 58 jyl buryn 1961 jyldyń 30 qazan kúni Germanııanyń Bonn qalasynda qol qoıylǵan «Jumys kúshi kelisimimen» birinshi satyda 2500 túrik azamatynyń Germanııaǵa kóshkenin atap kórsetti.

Túrik azamattary aradan ótken ýaqyt ishinde Germanııada saıasattan ekonomıkaǵa, mádenıeten sportqa deıin qoǵamnyń barlyq salasynda ózin kórsete bildi. 3,5 mıllıonnan astam túrik azamattar Germanııada tórtinshi býynǵa jetti.

Sheteldegi túrikter jáne aǵaıyn qaýymdastyqtar basqarmasy sheteldegi barlyq azamattar úshin bolǵany sekildi Germanııadaǵy qandastar úshin de bilim berý, mádenıet, quqyq sekildi salalarda jobalar júrgizip keledi.

Ýhan qalasynda 7-shi jazǵy Dúnıejúzilik áskerı oıyndarynyń jabylý saltanaty ótti - «Jenmın jıbao» (People Daily)


Qytaıdyń Ýhan qalasynda 27 qazan kúni 7-shi jazǵy Dúnıejúzilik áskerı oıyndarynyń jabylý saltanaty ótti, dep habarlaıdy kazakh.people.com.cn saıty.

Atalǵan BAQ-tyń jazýynsha, álemdik alamanda áskerı sportshylar sporttyń 27 túri boıynsha jáne 329 shaǵyn túri boıynsha synǵa túsken. Bul jolǵy jarys básekesinde 7 álemdik rekord jańartylsa, Dúnıejúzilik áskerı oıyndar jarysynyń 85 rekordy jańartylǵan. Qytaı quramasy 133 altyn, 64 kúmis, 42 qola medal alyp, jalpy komandalyq esepte 1-oryn ıelengen.


Sońǵy málimetterge súıensek, osy jarysta baqtaryn synaǵan Qazaqstan quramasy jalpy komandalyq esepte 109 eldiń ishinde 11 orynnan kóringen. Ulttyq qurama qorjynynda 4 altyn, 3 kúmis jáne 5 qola medal bar. Qazaqstandyq áskerı sportyshylar sporttyń 11 túri boıynsha baq synaǵan. Atap aıtqanda: taekvondo, erkin kúres, dzıýdo, oq atý, boks, grek-rımdik kúres, qazirgi bes saıys, júzý, sporttyq baǵdarlaý, jeńil atletıka jáne pentatlon bar.




Qazaqstan - qus tumaýy joq el -TRT


Qazaqstan Dúnıejúzilik janýarlar densaýlyǵyn saqtaý uıymy tarapynan qus tumaýy joq el dep jarııalandy, dep jazady Túrkııa Radıo Televızııa portaly.

Qazaqstan Dúnıejúzilik janýarlar densaýlyǵyn saqtaý uıymy tarapynan qus tumaýy joq el dep jarııalandy. Qazaqstan Aýyl sharýashylyǵy mınıstrliginen jasalǵan málimdemede atalmysh mártebeniń Aýyl sharýashylyǵy mınıstrligi men veterınarlyq (mal dárgerlik) uıymdarynyń eńbegimen qolǵa kelgeni atap kórsetildi.

Qus sharýashylyǵy salasy Qazaqstannyń agroónerkásip kesheniniń mańyzdy quramdas bóligi ekeni dáriptelgen málimdemede: «Qazaqstanǵa qus tumaýynan taza el mártebesiniń berilýi Qazaqstannyń agroónerkásip kesheniniń eksporttyq qýatyn iske asyrýyna úlken múmkindik beredi, eldiń ekonomıkalyq damýy men abyroıyn arttyrýǵa oń áserin tıgizedi» dep kórsetildi.

Dúnıejúzinde janýarlardyń densaýlyǵyn jaqsartýǵa jaýapty Dúnıejúzilik janýarlar densaýlyǵyn saqtaý uıymynyń ortalyǵy Frantsııanyń astanasy Parıj qalasynda turady.

AQSh Ózbekstandaǵy bilim reformasyna 50 mıllıon dollar qarjy bólmek - «ÓzA» aqparattyq agenttigi


Aldaǵy bes jyl ishinde AQSh úkimeti Ózbekstandaǵy bilim salasyn damytý úshin 50 mıllıon dollar ınvestıtsııa salmaq, dep habarlaıdy Ózbekstannyń «ÓzA» memlekettik aqparattyq agenttigi.

Atalǵan BAQ-tyń habarlaýynsha, taraptar dál osy sala jóninde eki jaqty kelisimshartqa qol qoıǵan. Bul kelisimdegi negizgi baǵyt Ózbekstandaǵy bilim salasyndaǵy reformalardy qoldaýǵa arnalǵan. Aldaǵy bes jyl ishinde AQSh úkimeti Ózbekstandaǵy bilim salasyn damytý úshin 50 mıllıon dollar ınvestıtsııa salmaq. Oǵan qosa, Ózbekstan aýmaǵynda aǵylshyn tiliniń oqytý metodıkasyn nyǵaıtýǵa 5 mıllıon dollar qarjy bólýdi josparlaǵan.

Bul jóninde keshe Tashkenttegi «Mıran» qonaq úıinde ótken Amerıka ýnıversıtetteri kórmesiniń ashylý saltanatynda AQSh-tyń Ózbekstandaǵy Tótenshe jáne ókiletti elshisi Denıel Rozenblıým málimdedi.

«Education USA Fair» atty kórmede AQSh-tyń 465-ke jýyq JOO men kollejderi jaıynda málimetter berilip, olar arasyndaǵy 16 oqý ordasynyń ókilderi arnaıy qatysqan. Amerıka ýnıversıtet-kolledjderiniń ókilderi ózbekstandyq stýdentterge AQSh JOO-da oqý jáne onda qalaı grantty utyp alý týraly aqparattarmen bólisti.

Bizdiń kanalymyzǵa jazylyńyz:

Basty sózder: Qandastar,
Bólisińiz:

Avtor:

Baqytjol Kákesh

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT