+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

Beıjińde Qurmanǵazy atyndaǵy orkestr kontsert berdi

2019 jylǵy 6 jeltoqsan 09:49
Bólisińiz:
Beıjińde Qurmanǵazy atyndaǵy orkestr kontsert berdi

BEIJІŃ. QazAqparat – Qurmanǵazy atyndaǵy qazaq memlekettik halyq aspaptary akademııalyq orkestri Qytaı astanasynda Ulttyq oryndaý óneri ortalyǵynyń (Úlken ulttyq teatr) sahnalarynyń birinde óner kórsetti, dep habarlaıdy «QazAqparat» HAA menshikti tilshisi.

Uqsas jańalyqtar

«Uly dala sazy» kontserti «Álemdik mýzykalyq toptamalar» jobasy aıasynda ótti. Kontserttik baǵdarlamada qazaq jáne sheteldik kompozıtorlardyń týyndylary: Qurmanǵazy, Túrkesh, N.Tilendıev, Dáýletkereı, Abaı, Motsart, Bramsa jáne taǵy basqalardyń shyǵarmalary kórermenge pash etildi.

QHR-daǵy QR elshisi Ǵabıt Qoıshybaevtyń atap ótýinshe, «biz ekijaqty mádenı baılanysty damytýǵa úlken mán beremiz. Qurmanǵazy orkestriniń shyǵarmashylyq ujymy osy mańyzdy halyqaralyq mýzykalyq sharaǵa qatysqanyna óte qýanyshtymyz. Qytaılyq kórermender Qazaqstannyń baı mádenıetimen tanysa aldy».

«Qytaı halqy bizdi, mýzykamyzdy jáne qazaq kompozıtorlarynyń týyndylaryn jaqsy jáne jyly qabyldady. Ásirese, «Dýdar-aı» halyq áni qatty unady», - dep oı bólisti orkestr solısi Farhat Kýbıev.

Qurmanǵazy atyndaǵy qazaq memlekettik halyq aspaptary akademııalyq orkestriniń dırektory Qýanyshbek Muhanǵalıevtiń aıtýynsha, «kontsert joǵary deńgeıde ótti. Búgin biz 4 myń týyndydan quralǵan repertýarlyq qordyń shaǵyn mýzykalyq nómirin kórsettik».

Q.Muhanǵalıev orkestrdiń aldaǵy gastroldik saparlary týraly aıtty.

«Jeltoqsannyń sońynda ujym Tashkentte ótetin Ózbekstandaǵy Qazaqstan jylynyń jabylý saltanatyna qatysady. Kelesi jyly Abaı Qunanbaevtyń 175 jyldyǵy aıasynda eýropalyq jáne azııalyq týrne ótedi», - dep atap ótti orkestr basshysy.

Bizdiń kanalymyzǵa jazylyńyz:

Basty sózder: Qytaı, Mádenıet, Óner,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT