+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Beıjińde koronavırýstyń taralýy báseńdedi

2020 jylǵy 6 shilde 14:43
Bólisińiz:
Beıjińde koronavırýstyń taralýy báseńdedi

BEIJІŃ. QazAqparat - Qytaı astanasy - Beıjiń qalasynyń 6 shaǵyn aýdanynda epıdemıologııalyq qater deńgeıi ortashadan tómenge deıin báseńdedi. Degenmen, qalada koronavırýstyń taralýyna qatysty epıdemıologııalyq táýekel deńgeıi joǵary qalyp otyrǵan bir eldi meken bar, dep habarlaıdy «QazAqparat» HAA menshikti tilshisi.

Sońǵy resmı derekterge sáıkes, Beıjińde koronavırýs taralýynyń 22 «ortasha táýekel aımaǵy» qalyp otyr.

Ótken jeksenbi kúni Beıjiń Úkimetiniń baspasóz hatshysy Sıýı Hetszıan astanada COVID-19 koronavırýs ınfektsııasynyń aldyn alý jáne baqylaý salasyndaǵy jalpy jaǵdaı turaqtalǵanyn atap ótken bolatyn. Degenmen, onyń aıtýynsha, indettiń taralý qaýpi áli de bar. Biraq, ol baqylanatyn shekte tur.

Beıjiń Aýrýlardy baqylaý jáne aldyn alý ortalyǵynyń málimetterine qaraǵanda, 11 maýsymnan bastap 4 shildege deıingi aralyqta qalada koronavırýs juqtyrýdyń naqtylanǵan jańa 334 jaǵdaıy tirkelgen. Onyń 47 paıyzy «Sınfadı» kóterme bazary qyzmetkerleriniń arasynan shyǵyp otyr.

Beıjiń bıliginiń koronavırýs tasymaldaýshylarmen baılanysty adamdarǵa qatań baqylaý júrgizip otyrǵandyǵyna qaramastan olardyń keıbiri oqshaýlaný erjesin buzyp, vırýstyń taralý qaýpin arttyra túsýde. Al bul mundaı oqıǵalardy epıdemıologııalyq tergeýge jumyldyrylǵan Beıjiń qyzmetterine júktemeni arttyratyndyǵy belgili.

Aıtalyq, ótken aptada Beıjińde oqshaýlaný erejesin buzǵan jas qyzǵa baılanysty oqıǵa qoǵamda úlken narazylyq týyndatqan bolatyn. Keıinnen ol boıjetkennen koronavırýs ınfektsııasy tabylǵan edi. Epıdemıologııalyq tergeý barysynda atalǵan qyzben tyǵyz baılanysta bolǵan 200-den astam adam anyqtaldy. Olardyń 66-sy medıtsına qyzmetkerleri, 47-si saýda úıleriniń biriniń qyzmetkerleri, 15-i taksı júrgizýshisi ekendigi belgili. Qazirgi ýaqytta boıjetkenmen baılanysta bolǵan adamdardyń bári oqshaýlanyp, medıtsınalyq baqylaýǵa alynǵan.

Jeksenbi, 5 shilde kúni Іshki Mońǵolııa avtonomdy aýdanynyń Baıan-Nýr qalalyq okrýgynyń densaýlyq saqtaý isi jónindegi komıteti atalǵan okrýgte oba indetiniń taralý qaýpine baılanysty 3-deńgeıli erte eskertý rejımin jarııa etken bolatyn. Bul rejım 2020 jyldyń sońyna deıin qoldanysta bolady.

Baıan-Nýr medıtsınalyq bıliginiń málimetterine sáıkes, senbi, 4 shilde kúni jergilikti aýrýhanaǵa bez túıini obasyna shaldyǵý kúdigimen bir patsıent túsken. Osyǵan baılanysty Baıan-Nýr ákimshiligi jergilikti turǵyndardy jeke gıgıenany saqtaýǵa, obanyń tabıǵı oshaqtaryna jolamaýǵa, obaǵa tán sımptomdar bilingen jaǵdaıda medıtsınalyq kómekke júginýge shaqyryp otyr.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT