+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Beıjińde qazaq tiliniń mártebesin kótergen baıqaý ótti - Sheteldegi qazaq tildi BAQ-qa sholý

2019 jylǵy 27 shilde 11:00
Bólisińiz:
Beıjińde qazaq tiliniń mártebesin kótergen baıqaý ótti - Sheteldegi qazaq tildi BAQ-qa sholý

ASTANA. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar
Qazaqstanda 19 qarashada ótetin mańyzdy sharalarǵa sholý 9 qarasha kúni Qazaqstanda ótetin mańyzdy is-sharalar 8 qarasha kúni Qazaqstanda ótetin mańyzdy is-sharalar

Beıjińde qazaq tiliniń mártebesin kótergen baıqaý ótti - «Jenmın jıbao» (People Daily)

Beıjiń qalasyndaǵy Ortalyq ulttar ýnıversıtetinde, Qytaıdyń joǵary oqý oryndarynda oqyp jatqan ózge ult stýdentteri arasynda qazaq tilinen respýblıkalyq baıqaý ótti, dep habarlaıdy kazakh.people.com.cn saıty.


«Qytaıda qazirgi kúni ózge ult ókilderiniń arasynda qazaq tilin úırenýge degen qulshynys artyp keledi. Sondyqtan da Qytaıdyń Ortalyq ulttar ýnıversıteti, Shyńjań ýnıversıteti, Іle pedagogıkalyq ýnıversıteti sekildi tanymaly bilim ordalarynda ózge ult stýdentterine arnalǵan qazaq tilin úıretetin synyptar ashylǵan. Mine osy oqý oryndarynyń stýdentteriniń bilim deńgeıin synaýǵa arnalǵan, 2019 jylǵy respýblıkalyq qazaq tili baıqaýyn Beıjińdegi Ortalyq ulttar ýnıversıtetiniń qazaq tili jáne ádebıeti fakýlteti uıymdastyrǵan. Bul atalǵan jaryqsa Beıjiń shetel tili ýnıversıteti, Shyńjan ýnıversıteti, Іle pedagogıkalyq ýnıversıteti jáne Ortalyq ulttar ýnıversıtetiniń 26 stýdenti qatysty»,- dep jazady People Daily.


Atalǵan aqparat kóziniń jazýynsha, qatysýshylardyń deńgeıin ár qyrynan synaǵan baıqaý birneshe kezeńge bólingen. Olar jazbasha, aýyzsha synaq tapsyryp, qytaı, qazaq tilderinde aýyzeki aýdarma jasaý, berilgen qazaqsha mátindi jatyq oqyp, mazmundap berý, jańyltpash aıtý, maqal-mátelderdi aýdarý, berilgen taqyryp aıasynda maqala jazý túrleri boıynsha synaqtardan ótken.


«... Osylaısha, eki kúnge jalǵasqan is-shara sońǵy máresine jetip, qazylar alqasy qazaqtyń tilin jaqsy meńgerip, shyn júırik ekendigin dáleldegen jeńimpazdardy anyqtady. Baıqaýdyń bas júldesin Shyńjań ýnıversıtetiniń stýdenti Ýań Zylı men Іle pedagogıkalyq ýnıversıtetiniń stýdenti Fyń Lılı qanjyǵalady», - dep jazady qytaılyq BAQ.

Qazaqstannyń «El arna» telearnasynda túrik fılmderi kórsetile bastady - TRT

Túrkııa men Qazaqstan arasynda fılm salasynda kelisim jasaldy. Qazaqstannyń «El arna» telearnasynda túrik fılmderi kórsetile bastady, dep jazady Túrkııa Radıo Televızııa portaly.


«Habar Agenttigi» AQ-nyń quramyndaǵy respýblıkalyq telearnalardyń biri «El arna» uıymdastyrǵan «Túrik fılmderi aptalyǵy» aıasynda 10 túrik fılmi qazaq kórermenderine usynylady.

Qazaq kórermenderi aralarynda «Mahabbat pen ólim ýaqyty», «Sýyq, jańbyr jaýyp turdy», «120» jáne «Mommo - qaryndasym» sııaqty týyndylar bar fılmderdi qazaqsha dýblıajimen tamashalaıdy.

Túrik fılm aptalyǵy kórsetilimi Túrkııanyń Qazaqstandaǵy ókiletti elshiliginiń qoldaýymen júzege asýda. Túrkııanyń Qazaqstan elshisi Nevzat Ýıanyk «Maqsatymyz bul is-sharamen eki el arasyndaǵy myqty mádenı baılanysqa úles qospaq» dedi.

Qazaqstannyń fılm telearnasy «El arna» teledıdary tarapynan júzege asyrylatyn túrik fılmderi aptalyǵy 10 kúnge jalǵasady. Atalmysh fılmder Qazaqstan telekanalynda qazaq tilinde dýblıajben kórsetiletin alǵashqy fılmder bolý ereksheligine ıe.

Qytaı eli Tokıo olımpıadasynda boksshy Toqtarbek Tańatqanulyna úmit artady - Qytaıdyń «Ortalyq halyq radıosy» (CNR)

Qytaı eli senim artyp, tańdaý jasaǵan boksshy Toqtarbek Tańatqanuly Tokıo-2020 Olımpıada oıyndaryna irikteý kezeńderinen súrinbeı ótýge tyńǵylyqty daıyndalyp jatyr, dep habarlaıdy Qytaılyq kazakcnr.com saıty.


Atalǵan derekkóziniń jazýynsha, Qytaı memleketi álemdik dodaǵa úkilep qosqaly otyrǵan, eldiń úzdik boksshysy, qandasymyz Toqtarbek Tańatqanuly 1996 jyly Qytaı Halyq Respýblıkasynyń Altaı qalasynda týǵan. Toqtarbek 10 jasynan bastap, Qytaıdaǵy belgili bapker Murat Boshaıulynyń shákirti atanyp, bokstiń qyr-syryn meńgeredi.


«...Toqtarbek Tańatqanuly 2011 jyly Shyńjan qurama komandasyna qabyldanǵan. Ol Shynjań ólkesiniń úsh dúrkin chempıony, QHR-dyń jastar arasyndaǵy birinshiliginde bas júldeni de qanjyǵalaǵan. Sondaı-aq, 2017 jyly Qytaı chempıonatynda 75 keli salmaqta qarsylasyn basymdyqpen utyp, el chempıony atanǵan. Toqtarbek Tańatqanuly osy jeńisinen keıin, 2017 jyly bokstan Qytaı ulttyq qurama komandasyna qabyldanady. Búgingi kúni ol Qytaı ulttyq quramasyndaǵy 75 kg salmaq dárejesindegi eń úzdik bylǵary qolǵap sheberi atanǵan. Sondyqtanda, Toqtarbek Tańatqanuly Qytaıdyń Tokıo-2020 Olımpıada oıyndaryna joldama jeńip alýyna senim artyp, úkilep qosatyn boksshysy mártebesin ıelenip otyr», - dep jazady CNR.

Nur-Sultanda jańartylatyn qýat kózderi týraly úshinshi otyrys ótedi - «Fars» aqparat agenttigi

Qazaqstannyń Energetıka mınıstrligi Nur-Sultan qalasynda ártúrli elderden 300 ókildiń qatysýymen jańartylatyn qýat kózderi týraly úshinshi otyrys (Renewable Energy Summit 2019) ótetinin habarlady, dep jazady parstoday aqparat agenttigi.


Fars aqparat agenttiginiń habarlaýynsha, Qazaqstannyń Energetıka mınıstrligi bul otyrysty ótkizýdegi maqsattyń qaıta qalpyna keletin qýat kózderin paıdalaný máselelerin talqylaý jáne óz eli men álemdik qaýymdastyqtyń jasyl bolashaǵyn jasaýǵa aıtarlyqtaı úles qosý úshin eń úzdik ári tıimdi sheshimder qabyldaý ekenin málimdedi.

Bul jobada, sondaı-aq, qalpyna keletin qýat kózderi salasynda tájirıbemen almasý úshin sarapshylar, ınvestorlar men bilikti mamandardy Qazaqstanǵa tartý qarastyrylǵan.

Bul otyrys Qazaqstannyń energetıka aptalyǵy (Kazakhstan Energy Week 2019 (KEW-2019) aıasynda ótedi.

Ózbekstan Mońǵolııamen ekonomıkalyq baılanystardy nyǵaıtpaq - «ÓzA» aqparattyq agenttigi

Ózbekstan Mońǵolııamen ekonomıkalyq baılanystardy nyǵaıtpaq. Bul jaıynda Ózbekstan Respýblıkasy Prezıdentiniń jarlyǵy jarııalandy, dep habarlaıdy Ózbekstannyń «ÓzA» memlekettik aqparattyq agenttigi.


Atalǵan aqparat kóziniń jazýynsha, Jarlyqta, Ózbekstan Respýblıkasy Mońǵolııa Respýblıkasymen ekonomıkalyq baılanystardy nyǵaıtýǵa qaratylǵan negizgi baǵyttar kórsetilgen. Onda,

-Ózbekstan men Mońǵolııa arasynda áýe joldary men transport qatynasyn ashý;

-Ózbekstannan Mońǵolııaǵa kókenis jáne daqyldar, qaýyn, júzim jáne basqa da ónimderdi jetkizý;

-Mońǵolııadan Ózbekstanǵa et jáne et ónimderi men basqa qajetti zattarda ákelý kózdelgen.

Qujatta, «Ózbekstan áýe joldary» ulttyq avıakompanııasy tarapynan Mońǵolııa Respýblıkasyna baǵyttalǵan áýe joldar dálizi bir aı ishinde ashylsyn. Sondaı-aq taýarlardy tasý jáne ol memleketten ákelinetin et jáne et ónimderin ákelýde kórsetiletin qyzmetteri qolaıly baǵady júzege asyrylsyn», - dep kórsetilgen.

Bizdiń kanalymyzǵa jazylyńyz:

Basty sózder: Qandastar, BAQ,
Bólisińiz:

Avtor:

Baqytjol Kákesh

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT