Beıjiń Olımpıadasy Qazaqstanda tikeleı efırden kórsetiledi
2022 jylǵy 27 qańtar 12:44

Beıjiń Olımpıadasy Qazaqstanda tikeleı efırden kórsetiledi

NUR-SULTAN. QazAqparat - «Qazaqstan» teleradıokorporatsııasy» AQ men «Habar» agenttigi» AQ 2022 jyly Qytaıda ótetin XXIV qysqy Olımpıada oıyndarynan el aýmaǵynda resmı habar taratý quqyǵyna ıe boldy. Bul týraly QR Aqparat jáne qoǵamdyq damý mınıstrliginen málim etti, dep habarlaıdy QazAqparat.

Qazaqstandyqtar 4-20 aqpan aralyǵynda Beıjińde ótetin qysqy Olımpıada oıyndaryn «Qazaqstan», «Qazsport», «Habar» jáne «El arna» telearnalarynan tikeleı efırden kóre alady.

Olımpıada oıyndarynyń irikteý jarystary 2 aqpannan bastalady.
Olımpıadaǵa qatysatyn Qazaqstan quramasynda 34 sportshy bar, olar 87 joldama ıelengen.

Qazaqstandyq sportshylar shańǵy jarysy, frıstaıl akrobatıka jáne mogýl, konkımen júgirý, short-trek, bıatlon, taý shańǵysy, tuǵyrdan sekirý, shańǵy qossaıysy sııaqty 8 sport túrinen synǵa túsedi.

«Qazaqstan» jáne «Qazsport» telearnalarynda translıatsııalarǵa Eseı Jeńisuly, Rýslan Baqytjan, Tımýr Súleımenov, Sergeı Raılıan, Ersin Erikuly, Ýálıhan Qosanbaı, Samat Qanaǵatov, Aleksandr Oleınık, Dıdar Qadyrov, Danıla Malyshev, Jiger Ázbergen, Ásem Nurlanova, Lılıana Áljanova, Indıra Bektenova kommentatorlyq etedi.

Olımpıada oıyndarynyń ashylý jáne jabylý saltanattary, sondaı-aq jarystar barysy «Qazaqstan» telearnasynda tolyqtaı qazaq tilinde júrgiziledi. Kommentatorlarmen birge tikeleı efırge qysqy sport túrleri boıynsha jattyqtyrýshylar men sport sarapshylary shaqyrylady. Árbir jarystyń aldynda jáne jarys kúninen keıin «Beıjiń-2022» ataýymen tikeleı efırdegi stýdııalyq baǵdarlamalar uıymdastyrylady.
Budan bólek, olımpıadalyq jarystardy telearnalardyń www.qazaqstan.tv jáne www.qazsporttv.kz resmı saıtynan, «Qazaqstan.tv» mobıldik qosymshasynan kórýge bolady.
XXIV qysqy Olımpıada oıyndarynyń ashylý saltanaty Nur-Sultan ýaqytymen 4 aqpan kúni, saǵat 17:55-te bastalady.

Efırdegi translıatsııalar kestesi (júktep alý) TV setka OI (qaz)


Uqsas jańalyqtar

Jańalyqtar

MURAǴAT