+7 (701) 759 90 19
USD 429.59 EUR 507.3
RUB 5.62 CNY 64.1
Jańalyqtar

Beırýttaǵy joıqyn jarylystyń neden bolǵany anyqtaldy

2020 jylǵy 5 tamyz 09:00
Bólisińiz:
Beırýttaǵy joıqyn jarylystyń neden bolǵany anyqtaldy

BEIRÝT. VVS - QazAqparat – Lıvan astanasy Beırýt portta bolǵan eki jarylys saldarynan 78 adam qaza taýyp, 4 myńnan astam adam jaraqat alǵan, qalanyń birneshe aýdany tolyqtaı qıraǵan. Bılik málimdemesine sáıkes, ammonıı nıtratynyń úlken partııasy (ammıak selıtrasy dep te atalaıdy) portta uzaq ýaqyt qaýipsizdik sharalarynsyz saqtalǵannan keıin jarylǵan, dep habarlaıdy QazAqparat VVS-ge silteme jasap.

Uqsas jańalyqtar
Almatyda órtenip jatqan tehnıkalyq qyzmet kórsetý stansasynda jarylys boldy Qatty jyldamdyqpen kele jatqan kólik qorshaýǵa soǵyldy - SQO Túrkistan oblysynda joǵalyp qalǵan 3 jasar búldirshin toıhana mańynan tabylǵan

Jarylystyń kóptegen kýágerleri áleýmettik jelilerde porttyń ústinde aldymen tútini kórinip, sodan keıin joıqyn jarylys bolǵany, keıinnen qalany sańyraýqulaq tárizdi bult basqany túsip qalǵan kadrlardy jarııalady. Jarylys tolqyny kóptegen ǵımarattardy, sonyń ishinde porttan birneshe shaqyrym qashyqtyqta ornalasqan nysandardy da qıratyp, kólikterge de zııan keltirgen. Jergilikti buqaralyq aqparat quraldarynyń habarlaýynsha, zardap shekkenderdiń sany áli artýy múmkin, óıtkeni adamdar ǵımarat qırandylarynyń astynda qalǵan.

Bı-bı-sı tilshisi oqıǵa ornynan Beırýt portyna qatty zaqym kelgenin jáne onyń áli jumys istemeıtinin habarlaıdy.

«Jaqyn mańdaǵy barlyq ǵımarattar qırady. Maǵan qarańǵyda áınekter men olardyń synyqtarynyń ústimen júrýge týra keldi», - dedi kýágerlerdiń biri Frans press agenttigine.

Jarylystyń kúshti bolǵany sonshalyq, ol Beırýttan 240 shaqyrym jerde ornalasqan Jerorta teńiziniń Kıpr aralyna da estilgen. Lıvan Qyzyl Kresti Beırýttaǵy aýrýhanalardyń adamǵa tolyp ketkenin habarlady.

Lıvan prezıdenti Mıshel Aýn elde úsh kúnge sozylatyn aza tutý kúnin jarııalady. Sondaı-aq oqıǵanyń saldaryn joıý úshin 100 mıllıard lıra (66 mıllıonAQSh dollary) bólýge ýáde berdi. Beırýt apat aımaǵy dep jarııalandy. Al bılik áskerdi qaýipsizdik úshin paıdalaný quqyǵyn aldy.

Eske sala keteıik, 4 tamyzda Lıvannyń áskerı-teńiz kúshteri (ÁTK) bazasyna jaqyn Beırýt porty aýdanynda joıqyn jarylys boldy.

Jaralys saldarynan Qazaqstannyń SІM Lıvandaǵy Qazaqstannyń dıplomatııalyq mıssııasy ǵımaratyna zııan kelgen.

Jarylys kezinde dıplomatııalyq mıssııanyń qyzmetkerleri jumys kúni aıaqtalǵannan keıin jumys ornynan ketip qalǵan. Konsýl jumysta qalǵan bolatyn jáne jarylys tolqyny saldarynan jeńil jaraqat aldy.

Buǵan deıin habarlaǵandaı, 5 tamyz kúni Beırýt ýaqytymen saǵat 00:30-da Lıvannyń Densaýlyq saqtaý mınıstri Muhammed Hasan jarylystan qaza tapqandar sany 70-ke jetkenin, 4 myńǵa jýyq turǵyn jaraqat alǵanyn málimdedi.

Álem elderiniń, halyqaralyq uıymdardyń basshylary men premer-mınıstrleri 4 tamyzda Lıvannyń áskerı-teńiz kúshteri (ÁTK) bazasyna jaqyn Beırýt porty aýdanynda bolǵan jarylysqa baılanysty Lıvan halqyna kóńil aıtyp, shuǵyl kómek kórsetýge daıyn ekenin bildirdi.

5 tamyz kúni jarylystyń sebebi anyqtaldy. Bılik málimdemesine sáıkes, ammonıı nıtratynyń úlken partııasy (ammıak selıtrasy dep te atalaıdy) portta uzaq ýaqyt saqtalyp, qaýipsizdik talaptary saqtalmaǵan.



Bizdiń kanalymyzǵa jazylyńyz:

#Oqıǵa   #Álem  
Bólisińiz:

Avtor:

Aıaýlym Altynbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT