+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Beırýttaǵy jarylys: Qaza tapqandar 113 adamǵa jetti

2020 jylǵy 5 tamyz 22:18
Bólisińiz:
Beırýttaǵy jarylys: Qaza tapqandar 113 adamǵa jetti

BEIRÝT. QazAqparat - Lıvan qutqarýshylary seısenbi kúni Beırýt portynda oryn alǵan jarylystan keıin qıraǵan ǵımarat qırandylary astynda tiri qalǵan adamdardy izdestirip jatyr. Qaıǵyly oqıǵa saldarynan qaza tapqandar sany qazir 113 adamǵa jetti, dep habarlaıdy QazAqparat tilshisi Reuters agenttigine silteme jasap.

Jarylystan myńnan astam adam jaraqat alyp, ondaǵan myń adam baspanasyz qaldy. Jerorta teńizindegi Beırýt portynan shamamen 160 shaqyrym shalǵaıdaǵy Kıpr aralyndaǵy ǵımarattardyń da teńselip ketkeni habarlandy.

Sheneýnikterdiń aıtýyna qaraǵanda, jarylys Beırýt portyndaǵy jarylǵysh materıaldardyń óte úlken kólemi qaýipsiz jaǵdaıda saqtalǵan qoımada bolǵan.

Qaıǵyly oqıǵa osydan 30 jyl buryn aıaqtalǵan azamattyq soǵystan keıin áli kúnge qaıta qalpyna kelýdi bastan keshirip jatqan Beırýttyń búkil tarıhyndaǵy eń qýatty jarylys sanalady. Buǵan qosa, sońǵy aılarda Lıvanda ekonomıkalyq daǵdarys ýshyǵyp, Covid-19 indetine baılanysty odan ary tereńdeı túsken edi.

Lıvan Prezıdenti Mıshel Aýn halyqqa joldaǵan úndeýinde el Úkimettiń «oqıǵany jiti tergeýge múddeli ekendigin jáne kináliler jaýapqa tartylatyndyǵyn» aıtty.

Reuters agenttigi derekkózine súıene otyryp habarlaýynsha, 2014 jyldan beri materıaldardy saqtaý jáne qorǵaýmen aınalysatyn port qyzmetkerlerin úı tutqyna alý týraly buıryq berilgen.

Eske sala keteıik, 4 tamyzda Lıvannyń áskerı-teńiz kúshteri (ÁTK) bazasyna jaqyn Beırýt porty aýmaǵynda joıqyn jarylys boldy.

Jarylys saldarynan Qazaqstannyń SІM Lıvandaǵy Qazaqstannyń dıplomatııalyq mıssııasy ǵımaratyna zaqym kelgen. Jarylys kezinde dıplomatııalyq mıssııanyń qyzmetkerleri jumys kúni aıaqtalǵannan keıin keńseden ketip qalǵan. Konsýl jumysta bolǵandyqtan jarylys tolqyny kezinde jeńil jaraqat aldy.

QR Prezıdenti Qasym-Jomart Toqaev Lıvan Prezıdenti Mıshel Aýnmen telefon arqyly sóılesýi barysynda Lıvandaǵy qazaqstandyqtardyń qaýipsizdigin qamtamasyz etý jóninde ótinish bildirgen edi.

Buǵan deıin habarlaǵandaı, 5 tamyz kúni Beırýt ýaqytymen saǵat 00:30-da Lıvannyń Densaýlyq saqtaý mınıstri Muhammed Hasan jarylystan qaza tapqandar sany 70-ke jetkenin, 4 myńǵa jýyq turǵyn jaraqat alǵanyn málimdedi.

Álem elderiniń, halyqaralyq uıymdardyń basshylary men premer-mınıstrleri Beırýttaǵy jarylysqa baılanysty Lıvan halqyna kóńil aıtyp, shuǵyl kómek kórsetýge daıyn ekenin bildirdi.

5 tamyz kúni jarylystyń neden shyqqany anyqtaldy. Bılik málimdemesine sáıkes, ammonıı nıtratynyń úlken partııasy (ammıak selıtrasy dep te atalaıdy) portta uzaq ýaqyt saqtalyp, qaýipsizdik talaptary saqtalmaǵan.


Bizdiń kanalymyzǵa jazylyńyz:

#Álem  
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT