Beırýttaǵy jarylys: Beırýt teńiz portynyń 16 qyzmetkeri qamaýǵa alyndy

AMMAN. BEIRÝT. QazAqparat – Sýdıa mindetin atqarýshy, áskerı sottyń úkimettik komıssary Fadı Akıkı beısenbide 137 adam qaza taýyp, 5 myńnan astam adam jaraqat alǵan joıqyn jarylys sebepterine qatysty 16 adamdy, onyń ishinde Beırýt portynyń laýazymdy tulǵalaryn tutqyndaý týraly jarııalady.

Uqsas jańalyqtar

Irak astanasynda eki jarylys bolyp, kem degende 23 adam mert boldy

Madrıdte jarylystan qaza tapqandar arasynda qazaqstandyqtar joq - SІM Madrıdte jarylystan qaza tapqandar arasynda qazaqstandyqtardyń bar-joǵyn anyqtap jatyrmyz - SІM Madrıdte alapat jarylys bolyp, 2 adam qaza tapty

Bul týraly QazAqparat tilshisi Taıaý Shyǵystaǵy arab buqaralyq aqparat quraldaryna silteme jasap habarlaıdy.

«Qazirgi ýaqytta Beırýt portynyń Dırektorlar keńesiniń, keden ákimshiliginiń jáne jóndeý jumystaryna jaýapty laýazymdy tulǵalaryn, sondaı-aq osy jumystardy № 12 qoımada oryndaıtyn adamdardy qosa alǵanda, 18-den astam adamnan jaýap alyndy. Osy qoımada buryn jarylǵan 2750 tonna ammıak selıtrasy kabeldermen jáne basqa da tez tutanatyn materıaldarmen birge saqtalǵan. Onyń 16-sy tergeý aıaqtalǵanǵa deıin qamaýda bolady», - dep túsindirdi F.Akıkı.

Sonymen qatar, Lıvan Ortalyq bankiniń (Banque du Liban) Tergeý jónindegi arnaıy komıssııasy Beırýt teńiz portynyń jeti qyzmetkerine tikeleı nemese janama túrde tıesili banktik qupııany joıý (ashý) jáne shottarǵa tyıym salý týraly buıryq shyǵardy. Olardyń arasynda qazirgi keden qyzmetiniń bas dırektory Hasan Kýraıtam jáne Port kedeniniń dırektory Badrı Daher bar. Atalǵan buıryqtar tıisti sot orderine sáıkes shyǵaryldy. Muny resmı tulǵalar men Banque du Liban derekkózderi rastaıdy.

Banktiń «Aqshany jylystatýǵa qarsy kúres arnaıy tergeý komıssııasy» bólimshesinen alynǵan qujatta jeti qyzmetkerdiń esimderiniń tizimi kórsetilgen. Atap aıtqanda Hasan Kýraıtam, Shafık Margı, Badrı Daher, Naıl ál-Hadj, Mıshel Nahýl, Djordj Daher jáne Nıgmat Ál-Braks. Olardyń kópshiliginiń laýazymdary nemese jumys oryndary kórsetilmegen. Atalǵan tulǵalardyń shottary Lıvanda jumys isteıtin barlyq qarjy mekemelerinde, fılıaldarynda toqtatylady.

Banque du Liban-nyń 2020 jylǵy 6 tamyzdaǵy buıryǵynda «bul shottardyń qupııalylyǵyn quzyretti sot organdary alyp tastaýy kerek» delingen.

Bank Banque du Liban tergeýi jónindegi arnaıy komıssııaǵa shyǵarylǵan sheshimniń kóshirmelerin Kassatsııalyq sottyń prokýroryna, Joǵarǵy banktik komıssııanyń basshysyna, Lıvanda jumys isteıtin barlyq bankter men qarjy mekemelerine jáne basqa da múddeli taraptarǵa usynýdy tapsyrdy.

Avtor: Rızabek Jumajanov