+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Beırýttaǵy jarylys: Álem elderi Lıvanǵa kómek berýge daıyn

2020 jylǵy 5 tamyz 08:50
Bólisińiz:
Beırýttaǵy jarylys: Álem elderi Lıvanǵa kómek berýge daıyn

AMMAN. BEIRÝT. QazAqparat – Álem elderiniń, halyqaralyq uıymdardyń basshylary men premer-mınıstrleri 4 tamyzda Lıvannyń áskerı-teńiz kúshteri (ÁTK) bazasyna jaqyn Beırýt porty aýdanynda bolǵan jarylysqa baılanysty Lıvan halqyna kóńil aıtyp, shuǵyl kómek kórsetýge daıyn ekenderin bildirdi, dep habarlaıdy QazAqparat tilshisi Taıaý Shyǵystaǵy arab BAQ-qa silteme jasap.

Uqsas jańalyqtar
Japonııa qazanda sheteldikterge shekarasyn ishinara ashady 2020 jyly Nobel syılyǵy onlaın formatta tabystalady Qustarmen soqtyǵysqan AQSh vıtse-prezıdentiniń ushaǵy shuǵyl qonýǵa májbúr boldy

Eske sala keteıik, 4 tamyzda Lıvannyń áskerı-teńiz kúshteri (ÁTK) bazasyna jaqyn Beırýt porty aýdanynda joıqyn jarylys bolǵan edi.

5 tamyz kúni Beırýt ýaqytymen saǵat 00:30-da Lıvannyń Densaýlyq saqtaý mınıstri Muhammed Hasan jarylystan qaza tapqandar sany 70-ke jetkenin, 4 myńǵa jýyq turǵyn jaraqat alǵanyn habarlady. Qutqarý jumystary áli de jalǵasýda.

Aq úı AQSh-tyń Beırýttaǵy jarylysty muqııat qadaǵalap otyrǵanyn aıtty. AQSh Memlekettik departamentiniń ókili Qurama Shtattardyń Beırýttaǵy jarylys týraly habarlamalardy muqııat baqylap otyrǵanyn jáne «qoldan kelgen barlyq kómekti» kórsetýge daıyn ekenin málimdedi. AQSh memlekettik departamentinde jarylystyń sebepteri týraly aqparat joq jáne zardap shekkenderdiń arasynda amerıkalyqtardyń bar-joǵyn anyqtaý úshin jergilikti bılikpen jumys júrgizilýde.

Katar ámiri sheıh Tamım bın Hamad ál-Tanı Lıvan prezıdenti Mıshel Aýnǵa qońyraý shalyp, dereý Lıvanǵa jedel qurylatyn aýrýhanalardy jiberýdi buıyrdy.

«Lıvandaǵy jarylys óte úlken alańdaýshylyq týdyrdy, bizde ne bolǵany týraly jáne onyń sebebi nede ekeni, ol kezdeısoqtyq pa, álde adamnyń jasaǵan áreketi me, eshqandaı aqparat joq. Sondyqtan olarǵa jaýap berý úshin bizge bul aqparat qajet», - BUU Bas hatshysy resmı ókiliniń orynbasary Farhan Hak.

Frantsııanyń syrtqy ister mınıstri Jan-Iv Le Drıan Frantsııa Lıvandy jáne lıvandyqtardy árqashan da qoldaıtynyn málimdedi. «Frantsııa Lıvan bıliginiń qajetine qaraı kómek kórsetýge daıyn», - dep jazdy Le Drıan Twitter paraqshasynda.

Túrkııanyń prezıdenti Rejep Erdoǵan óz eliniń Lıvanǵa tolyqtaı qoldaý bildiretinin jáne osy qıyn jaǵdaıda Lıvan halqyna qajetti kómek kórsetýge daıyn ekenin málimdedi. Túrkııa men Irannyń syrtqy ister mınıstrlikteri jarylys saldarynan qaza tapqandar men zardap shekkenderdiń kóptigine baılanysty Lıvan halqyna qaıǵyryp kóńil aıtyp, jaralanǵandardyń tezirek saýyǵyp ketýin tiledi.

Kreml málimdemesinde prezıdent Vladımır Pýtın Mıshel Aýnǵa kóńil aıtý jedelhatyn joldady. Onda Lıvandaǵy jarylystyń zardaptaryn joıýǵa Máskeýdiń qoldaý kórsetýge daıyn ekenin basa aıtty.

Ulybrıtanııanyń premer-mınıstri Borıs Djonson da Ulybrıtanııa Lıvanǵa kez-kelgen jolmen qoldaý kórsetýge daıyn ekenin málimdedi jáne zardap shekkenderge kóńil aıtty.

Eýroodaqtyń Syrtqy ister jáne qaýipsizdik saıasaty jónindegi Joǵarǵy ókili Jozep Borrell Lıvan bıligi men halqyna kóńil aıtty.

Iordanııanyń Syrtqy ister mınıstri Aıman Safadı onyń eli Beırýt portyndaǵy jarylystan keıin Lıvanǵa qajet kez-kelgen kómekti kórsetýge daıyn ekenin málimdedi.

Irak Premer-mınıstri Mustafa ál-Kazemı Irak úkimeti men halqynyń Lıvanmen birge ekenin, Iraktyń Lıvan halqyn qazirgi qıyn jaǵdaıda qoldaýǵa daıyn ekenin basa aıtty.

Aıta keteıik, Qazaqstannyń SІM Lıvandaǵy jarylys saldarynan Qazaqstannyń dıplomatııalyq mıssııasy ǵımaratyna zııan kelgenin habarlaǵan bolatyn.

Jarylys kezinde dıplomatııalyq mıssııanyń qyzmetkerleri jumys kúni aıaqtalǵannan keıin jumys ornynan ketip qalǵan. Konsýl jumysta qalǵan bolatyn jáne jarylys tolqyny saldarynan jeńil jaraqat aldy.


Bizdiń kanalymyzǵa jazylyńyz:

#Oqıǵa   #Álem  
Bólisińiz:

Avtor:

Aıaýlym Altynbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT