+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Beıneýde jarylǵan granatadan jaraqat alǵan sarbazdyń isi prokýratýraǵa qaıtaryldy

2020 jylǵy 21 qańtar 22:50
Bólisińiz:
Beıneýde jarylǵan granatadan jaraqat alǵan sarbazdyń isi prokýratýraǵa qaıtaryldy

AQTÓBE. QazAqparat – Beıneýde oqý-jattyǵý kezinde granatadan jaraqat alǵan áskerı qyzmetshi Sergeı Koshalevtiń isi kemshilikterdi joıý úshin Aqtaý garnızonynyń áskerı prokýratýrasyna qaıtaryldy.

Uqsas jańalyqtar
Qyzylordada kólikteri qar qursaýynda qalǵan alty ańshy qutqaryldy Aqtaýda jaıaý júrginshini kólik qaǵyp ketti Gvıneı shyǵanaǵynda túrik kemesine qaraqshylar shabýyldap, 15 teńizshi tutqynǵa alyndy

Qorǵaý tarapynyń ótinishin qanaǵattandyrý týraly qaýly búgin shyǵyp, Aqtóbedegi áskerı sotta oqyldy, dep habarlaıdy QazAqparat tilshisi.

Ótken jyldyń 17 shildesinde Mańǵystaý oblysy Beıneý kentiniń 99116 áskerı bólimindegi oqý-jaqttyǵý kezinde merzimdi áskerı qyzmetshi Sergeı Koshalev granatanyń jarylýynan zardap shekken edi. Osynyń saldarynan sarbazdyń kózi kórmeı qalyp, oń qolynan jaraqattandy.

Aqtóbedegi áskerı sotta aıyptalýshy retinde úsh áskerı qyzmetshi jaýapqa tartylyp jatyr. Sergeı Koshalev pen 99116 áskerı bóliminiń reaktıvti-artıllerııalyq qarýlaný qyzmetiniń aǵa ofıtseri Ábdishahımov QR Qylmystyq kodeksiniń 462-baby (qorshaǵan ortaǵa qaýip týdyratyn qarýlardy, zattar men qurylǵylardy ustaý erejesin buzý) boıynsha qylmystyq jaýapqa tartylǵan.

Al áskerı bólimniń komandıri Rınat Qalıev QR Qylmystyq kodeksiniń 453-baby 2-bóligi boıynsha (aýyr saldarǵa ákep soqqan nemquraılylyq) zań aldynda jaýap berýde.

Alaıda keshe Qalıev eleýli zańbuzýshylyqtardy joıý úshin óziniń jáne basqa da áskerı qyzmetshilerdiń ústinen qozǵalǵan qylmystyq isti prokýratýraǵa qaıtarý týraly sotqa ótinish berdi. Qalıevke 2019 jyldyń 8 jeltoqsanynda berilgen aıyptaý qujatynyń kóshirmesine sáıkes, ol Qylmystyq kodekstiń 453-baby 2-bóligi boıynsha qylmystyq jaýapqa tartylǵan. Alaıda bul aıyptaý aktisiniń túpnusqasynda onyń is-áreketteri Qylmystyq kodekstiń 453-baby 4-bóligi 2-tarmaǵy boıynsha saralanǵan.

Aqyry sot Qalıevtiń ótinishin qanaǵattandyrdy.

«Sot eleýli zańbuzýshylyqtardy joıý úshin isti prokýratýraǵa qaıtarady. Jol berilgen zańbuzýshylyqtarǵa baılanysty sot naqty aıyptaý shegin bekite almaı, Qalıevtiń qandaı bap boıynsha jaýap berý kerektigin anyqtaı almaı otyr», - dedi sot Shynbolat Qadyrov.

Aryz túsken jaǵdaıda másele Nur-Sultan qalasyndaǵy QR áskerı sotynda qaralady.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT