+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Beıbit jıyndar týraly zańǵa qandaı ózgerister engizgeli jatyr

2020 jylǵy 18 aqpan 17:38
Bólisińiz:
Beıbit jıyndar týraly zańǵa qandaı ózgerister engizgeli jatyr

NUR-SULTAN. QazAqparat – QR Aqparat jáne qoǵamdyq damý mınıstrliginiń Azamattyq qoǵam isteri jónindegi komıtetiniń tóraıymy Álııa Ǵalymova «QR-da beıbit jıyndardy uıymdastyrý jáne ótkizý tártibi» týraly zań jobasy usynyp otyrǵan negizgi ózgerister týraly aıtyp berdi, dep habarlaıdy QazAqparat tilshisi.

Uqsas jańalyqtar
Beıbit jınalystarǵa qatysýshylar biregeı múmkindik alady - Marat Qoǵamov Beıbit jınalystar úshin arnaıy oryn belgilengenin jaqtaımyn - Marat Bashımov Jańa zań jobasynda jýrnalısterdiń mártebesi men quqyqtary eskerilgen - Ashat Sadyrbaı

«Bul – múlde jańa zań jobasy. 1995 jyly qabyldanǵan zańǵa qaraǵanda bári túsinikti. Beıbit jıyndardyń barlyq túrine, atap aıtqanda mıtıngiler men sherýlerdiń, demonstratsııalar men pıketterdiń bári de zań jobasynda túsindirile jazylǵan. Ekinshiden beıbit jıyndardy ótkizýdiń reglamenttelip, eskertý tártibi engizilip jatyr. Beıbit jıynǵa ótinish berýshini óz uıymyn nemese qoǵamdy alańdatqan máseleler boıynsha suraqtar mazalasa, ol jergilikti atqarýshy organǵa mıtıngi týraly ótinim berip, ótinishinde jıyndy ótkizýdiń orynyn, maqsatyn jáne merzimin belgilep, kórsete alady», - dedi Álııa Ǵalymova elordada zań jobasynyń tujyrymy talqylanǵan jıyn aldynda tilshilerge.

Onyń aıtýynsha, zań jobasynda beıbit jıynǵa qatysýshy barlyq taraptyń quqyqtary aıqyndalǵan.

«Beıbit jıyndy uıymdastyrýshy, oǵan qatysýshy, jýrnalıst – olardyń quqyqtary men ókilettigi naqty jazylǵan. Bul óte mańyzdy qadam. Burynǵy zańda bul bólik qarastyrylmaǵan edi. Sonymen qatar jergilikti atqarýshy organ árbir turǵylyqty jerde arnaıy (qala shetinde emes) oryndy aıqyndaıdy. Máslıhattardyń sheshimi boıynsha turǵylyqty jerde beıbit jıyn ótkizýge bolatyn birneshe alań beriledi», - dedi mınıstrlik ókili.

Álııa Ǵalymova arnaıy oryndardy aıqyndaý kezinde jergilikti atqarýshy organdar azamattardyń qaýipsizdigi men sol jerge jete alý jaǵdaıyn, kólik múmkindikteri men ınfraqurylymyn eskeretinin aıtyp ótti.

«Qoldanystaǵy zań jobasynda mundaı naqty forma joq. Máselen Nur-Sultan qalasynyń máslıhaty tek alańdar tizimin aıqyndady. Basqa turǵylyqty jerlerde máslıhattar beıbit jıyn erejeleriniń qosymsha sharttary týraly aıtyp jatyr. Bul tájirıbeni ortaq júıelilikke alyp keledi», - dedi ol.

Eske sala ketsek, QR Aqparat jáne qoǵamdyq damý vıtse-mınıstri Danııar Esın Ádilet mınıstrliginde ótken vedomstvoaralyq komıssııa otyrysynda «Qazaqstan Respýblıkasynda beıbit jıyndardy uıymdastyrý jáne ótkizý tártibi» týraly zań jobasynyń tujyrymyn tanystyrǵan bolatyn.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT