+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Beıbit jıyndar týraly zań jobasy bılik pen halyq arasyndaǵy baılanysty nyǵaıtady - Meırambek Qıyqov

2020 jylǵy 21 aqpan 18:44
Bólisińiz:
Beıbit jıyndar týraly zań jobasy bılik pen halyq arasyndaǵy baılanysty nyǵaıtady - Meırambek Qıyqov

KÓKShETAÝ. QazAqparat - Jańa zań jobasy bılik pen halyq arasyndaǵy baılanysty nyǵaıtady. Bul týraly Kókshetaýda ótken «Qazaqstan Respýblıkasynda beıbit jıyndar, sherý, pıketter, demonstratsııalyq jınalystardy ótkizý men uıymdastyrý tártibi týraly» zań jobasy talqylanǵan dıalogtyq alańda «Qazaq tili men mádenıeti» qoǵamdyq birlestiginiń tóraǵasy Meırambek Qıyqov aıtty, dep habarlaıdy QazAqparat tilshsi.

«Memleket basshysynyń «Halyq únine qulaq asatyn memleket» tujyrymdamasy qalyń el tarapynan qoldaý tapqan bolatyn. ıAǵnı, oǵan sáıkes, bılik buqaraǵa barynsha jaqyn bolýy kerek. Sheneýnikter aldyna kelgen adamǵa shekesinen qaramaı, qaıta máselesin sheship berýge umtylýy tıis. Bılik turǵyndardyń áleýmettik, turmystyq máselelerin qordalandyrmaı shuǵyl sheshýi kerek. Másele sheshilmegendikten halyqtyń kóshege shyǵýyna týra keledi», - dedi jıynǵa qatysqan «Qazaq tili men mádenıeti» qoǵamdyq birlestiginiń tóraǵasy Meırambek Qıyqov.

Sonymen qatar, ol demokratııalyq baǵyt ustanǵan el úshin halyq muń-muqtajyn bılikke zańdy jolmen jetkize alatyn beıbit jıyndar týraly zańnyń bolǵanyn qoldap otyr.

«Eger bılik halyqtyń áleýmettik, turmystyq máselelerin jedel sheship otyrsa, onda halyqtyń bılikke degen senimi artyp, mıtıngtiń de sany az bolar edi. Degenmen, el bolǵan soń másele bolmaı turmaıdy. Árıne, demokratııaǵa aıaq basqan el úshin mundaı zańnyń bolǵany durys. Osy zań arqyly bılik pen halyq arasyndaǵy baılanys nyǵaıa túsedi dep esepteımin», dep tolyqtyrdy Meırambek Qıyqov.

Aıta keteıik, búgin Kókshetaýda Qazaqstan Respýblıkasy Aqparat jáne qoǵamdyq damý mınıstrliginiń jaýapty hatshysy Janat Qojahmetovtiń qatysýymen beıbit jıyndar týraly zań jobasyn qoǵamdyq talqyǵa salǵan dıalogtyq alań uıymdastyryldy.

Sharaǵa jergilikti qoǵamdyq birlestik tóraǵalary, úkimettik emes uıymdar men partııa fılıaldarynyń belsendileri, kásipodaqtar jáne buqaralyq aqparat quraldary ókilderi qatysty.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT