+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Beıbit jınalystar týraly jańa zań ýaqyt talabyna tolyqtaı saı - sarapshy

2020 jylǵy 20 mamyr 20:43
Bólisińiz:
Beıbit jınalystar týraly jańa zań ýaqyt talabyna tolyqtaı saı - sarapshy

NUR-SULTAN. QazAqparat - Beıbit jınalystar týraly zań azamattyq sektor pikiri eskerile otyryp tyńǵylyqty ázirlengen. Mundaı pikirdi QR Prezıdenti janyndaǵy Qazaqstannyń strategııalyq zertteýler ınstıtýty áleýmettik-saıası zertteýler bóliminiń ǵylymı qyzmetkeri Aıdana Akesına bildirdi, dep habarlaıdy QazAqparat tilshisi.

«Osydan biraz ýaqyt buryn QR Parlamenti Senatynyń «Qazaqstan Respýblıkasynda beıbit jınalystar uıymdastyrý men ótkizý tártibi týraly» zań jobasyna túzetýler engizip, Májiliske qaıtarǵany belgili bolǵan edi. Bul rette senatorlar azamattyq sektor men sarapshylyq qoǵamdastyq eskertpeleriniń basym bóligin nazarǵa alǵan-dy. Aıtalyq, túzetýlerde beıbit jınalystardy uıymdastyrýshylardyń mindetinen qatysýshylarǵa bet-álpetin jasyrmaý, onyń ishinde adam júzin tanýǵa kedergi keltiretin zattardy qoldanýǵa tyıym salý talaptary alynyp tastalǵan. Bir qaraǵanda vırýstyń jańa túriniń taralýymen baılanysty kórinetin bul túzetý shyndyǵyna kelgende belsendiniń jasyryn qalý quqyǵynyń tanylýy sanalady. Óıtkeni, beıbit jınalystarǵa qatysý barysynda maska taǵý qoǵamdyq tártip pen qaýipsizdikke qater tóndirmeýi tıis», - dedi sarapshy.

Onyń atap ótýinshe, mundaı uqsas ádisti Avstrııanyń zańnamasynan da baıqaýǵa bolady. Al 2019 jyly maska taǵýǵa tyıym salý Gonkongtegi aýqymdy narazylyq sharalarynyń ýshyǵa túsý sebebine aınaldy.

« Azamattyq qoǵam, Úkimet jáne jeke sektor arasynda kózqaras qarama-qaıshylyǵy bolatyndyǵyna qaramastan, qoǵamnyń ózara baılanystylyǵynyń kúrdeli sıpatyna baılanysty yntymaqtastyq barynsha qajettilikke aınalyp keledi. Al beıbit jınalystar týraly zań jobasynyń azamattyq sektor pikirin eskere otyryp sońyna deıin ázirlengendi. Bul búgingi tańda memlekettiń mańyzdy qoǵamdyq problemalardy sheshimin izdeýde árbir sektormen ózara is-qımylǵa basymdyq berýge tyrysatyndyǵyn kórsetedi. Jańa zań - ýaqyt talabyna tolyqtaı saı keledi», - dedi Aıdana Akesına.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT