+7 (701) 759 90 19
USD 447.60 EUR 489.41
RUB 5.71 CNY 63.05
Jańalyqtar

Beıbit jınalystar týraly Zań jobasynyń tujyrymdamasy qoǵam talqysyna shyǵaryldy

2020 jylǵy 7 aqpan 18:34
Bólisińiz:
Beıbit jınalystar týraly Zań jobasynyń tujyrymdamasy qoǵam talqysyna shyǵaryldy

NUR-SULTAN. QazAqparat – «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» Zań jobasynyń tujyrymdamasy qoǵam talqylaýyna shyǵaryldy. Bul týraly QR Aqparat jáne qoǵamdy damý mınıstri Dáýren Abaev Facebook-te jazdy.

Uqsas jańalyqtar
Naǵyz kásipkerler men alypsatarlardyń aıyrmashylyǵy kórindi – mınıstr Dáýren Abaev koronavırýspen kúresip jatqan mamandarǵa alǵys aıtty Mınıstr: Úkimettiń jańa ókilettikteri – qajetti shara

«Qurmetti dostar! Ózderińizge málim, Memleket basshysy Ulttyq qoǵamdyq senim keńesi otyrysynda beıbit jınalystar týraly jańa Zań ázirleýdi tapsyrdy. Búgin bizdiń Mınıstrlik «Ashyq Úkimet» saıtynda osy normatıvtik-quqyqtyq akt tujyrymdamasynyń jobasyn ornalastyrdy. Kelip túsken usynystar men jetekshi halyqaralyq tájirıbeler negizinde birqatar jańa engizilimder usynylady», - dedi mınıstr.

Endi 10 jumys kúni ishinde ár azamat óz eskertpesi men túsiniktemesin saıtta qaldyra alady. Olar aldaǵy ýaqytta qarastyrylatyn bolady.

«Jýrnalısterdi, úkimettik emes sektordyń ókilderin, azamattyq belsendilerdi osy jumysqa qatysýlaryńyzdy suraımyn», - dedi D.Abaev.

Aıta keteıik, Prezıdent Q.Toqaev 2019 jyldyń qyrkúıeginde halyqqa jarııalaǵan Joldaýynda mıtıngter týraly zańnamany jetildirý qajettigin atap ótken bolatyn. «Konstıtýtsııaǵa sáıkes azamattarymyzdyń óz oıyn erkin aıtýǵa quqyǵy bar. Eger beıbit aktsııalar zańnyń sheńberinen shyqpaıtyn jáne azamattarymyzdyń tynyshtyǵyn buzbaıtyn bolsa, buǵan túsinistikpen qarap, jıyndardy ótkizý úshin arnaıy oryn bólý qajet. Mundaı oryndar qalanyń shetinde bolmaýy tıis. Alaıda, zańǵa qaıshy jáne buzaqylyq áreketterge shaqyratyn úndeýlerge zań sheńberinde tosqaýyl qoıylady», - dedi Memleket basshysy.

Al osy jyldyń jeltoqsanynda ótken Ulttyq qoǵamdyq senim keńesiniń 2-otyrysynda Qazaqstan Prezıdenti elimizde mıtıngterdi uıymdastyrýdyń aldyn ala eskertý prıntsıpin engizý kerektigin málimdedi.

«Mıtıngterdi uıymdastyrýdyń eskertý prıntsıpin engizýge kirisý kerek. Mıtıngterdi ótkizýge bolady, eger de olar zańdy, qoǵamdyq tártipti buzbasa jáne azamattardyń tynyshtyǵyna kedergi keltirmese. Bul - meniń túbegeıli ustanymym», - dedi Q. Toqaev.

Memleket basshysy atap ótkendeı, Prezıdent Joldaýyn júzege asyrý boıynsha jospardy oryndaý aıasynda «Beıbit jıyndar týraly» zań jobasy ázirlendi. Onda beıbit jıyndardyń barlyq formalary naqty aıqyndalyp, arnaıy oryndardy anyqtaý boıynsha máslıhattar quzyreti bekitiledi. Sonymen qatar, «uıymdastyrýshynyń mártebesi», «qatysýshy men baıqaýshy mártebesi» túsinikteri, olardyń quqyqtary men mindetteri qamtylady.

«Bul turǵyda qoldanystaǵy zańǵa ózgerister emes, kontseptýaldy jańa zań týraly aıtylyp otyr. Bul qujat beıbit jıyndardyń barlyq formalaryn uıymdastyrý men ótkizý máselelerin reglamentteıdi. Úkimet Parlament qaraýyna zań jobasyn engizýi kerek», - dedi QR Prezıdenti.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT