+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Bet-álpetti skanerleıdi, qyzýdy ólsheıdi: Astana mektepterine «aqyldy» týrnıket ornatyldy

2021 jylǵy 27 sáýir 13:23
Bólisińiz:
Bet-álpetti skanerleıdi, qyzýdy ólsheıdi: Astana mektepterine «aqyldy» týrnıket ornatyldy

NUR-SULTAN. QazAqparat – Elordanyń Esil aýdanyndaǵy №59 mektepke koronavıýrstan saqtanýǵa kómektesetin ІT baqylaý júıesi engizildi, dep habarlaıdy QazAqparat tilshisi.

Uqsas jańalyqtar
SQO-da vaktsına alǵandarǵa balalar attraktsıonyna tegin bıletter taratylýda Egý pýnktiniń dárigeri: Koronavırýsqa qarsy zamanaýı vaktsınalar – qaýipsiz Koronavırýs boıynsha ahýal nashar: Máskeýdegi QR Konsýldyǵy qabyldaýdy toqtatty

Startap-joba negizinde daıyndalǵan júıe eki aıdan beri Nur-Sultan qalasyndaǵy №22 jáne №59 mektepterde pılottyq joba retinde synaqtan ótip jatyr. Mektep kireberisine qoıylǵan kameraly týrnıketter kelýshiniń bet álpetin aqparattyq bazaǵa engizilgen derektermen salystyrady. Eger bazada sýreti engizilmegen adam bolsa, týrnıket ashylmaıdy. Kameraly qondyrǵy kelýshiniń betinde maska bolýyn da qadaǵalaıdy. Sonymen qatar, dene qyzýy bar adamdy da birden anyqtap, bazaǵa ol týraly málimet jiberedi. Osynyń arqasynda mektep ǵımaratyna bógde adamdardyń kirmeýin, aýrý sımptomdary bar oqýshylar men ustazdardyń ótpeýin qamtamasyz etedi.


Startap ıesi – Clokster kompanııasy. Al ıdeıanyń iske asýyna «Astana Innovations» AQ qoldaý kórsetken.

«Qazir mektepterge kirý úshin palstıkalyq kartalar qoldanylady. Bul, birinshiden, pandemııa jaǵdaıynda sanıtarlyq talaptardyń saqtalýyna kedergi keltiredi. Bári kartany bir tetikke basyp ótedi. Ekinshiden, bala bolǵan soń kartasyn joǵaltýy múmkin nemese qasyndaǵy balaǵa bere salady. Al bizdiń júıe balalardyń bet álpeti men dene qyzýyna qaraı ǵana eksheıdi. ıAǵnı, birizdendirý úshin qosymsha karta alyp júrýdiń qajet joq. Temperatýrany ólsheıtin adamnyń da qajeti joq. ıAǵnı, adamdardyń janasýy meılinshe azaıtylǵan. Sanıtarlyq talaptar boıynsha júıeniń osyndaı artyqshylyqtary bar», - deıdi Clokster kompanııasynyń ókili Arman Ernazarov.


Biraq bul ІT-júıe pandemııa kezinde ǵana qoldanylady degen sóz emes. Qalypty ómirge oralǵan kezde de osy júıeniń arqasynda mekteptegi qaýipsizdikti qadaǵalaýǵa bolady.

«Eń bastysy, derekter bazasynyń kólemi sheksiz. Mektepke kirýge ruqsaty bar adamdardyń sanyn bilim oshaǵynyń ákimshileri óz qalaýynsha retteıdi. Qalasa, ata-analardy da bazaǵa engize alady. Qazir pandemııa jaǵdaıynda olardyń kirýine shekteý qoıylǵan. Bul júıe ár balanyń mektepke kirgen jáne shyqqan ýaqytyn ata-anasyna habarlama retinde joldaı alady. Osynyń arqasynda ata-analar balasynyń ýaqytyn qadaǵalaı alady. Al mektep basshylyǵy ár muǵalimniń qashan kelip, qashan ketkenin bilip otyrady. Bul jaǵynan da yńǵaıly. Al eger balanyń dene qyzýy baıqalsa, ol aqparat ata-anasyna habarlama arqyly joldanady», - deıdi «Astana Innovations» AQ basqarma tóraǵasy Ádilet Nurǵojın.


Avtorlar pılottyq joba sátti aıaqtalsa, qaladaǵy ózge mektepterge de engizý týraly usynys aıtyp, Nur-Sultan qalasynyń ákimdigine shyqpaqshy.

Pılottyq jobanyń qorytyndysy endi bir aıdan keıin belgili bolmaq. Ákimdik ókilderi jobany ózge mektepterge taratý úshin áýeli ІT-júıe óziniń tıimdiligin dáleldeýi kerek dep otyr.

«Pılottyq joba bolǵandyqtan, ázirshe eki mektepke tegin ornatylyp jatyr. Taǵy bir aı qanshalyqty tıimdi ekenin, qanshalyqty kerekti ekenin zertteımiz. Sodan keıin avtorlar qarjylandyrý kólemin naqty eseptep, bizge usynys beredi. Ol usynysty máslıhat talqylaıdy, bıýdjettiń múmkindigi zerdelenedi. Múmkin ınvestıtsııalyq joba bolatyn shyǵar. Onyń bári ázirshe belgisiz. Ázirge joba mektep ujymdary úshin, oqýshylar men ata-analar úshin qanshalyqty qyzyqty ekenin baqylaýdamyz» , - deıdi Esil aýdany ákiminiń orynbasary Dármenııar Qydyrbekuly.

Aıta keteıik «Astana Innovations» AQ buǵan deıin de pandemııamen kúreske arnalǵan startap jobalardy el nazaryna usynǵan bolatyn. Sonyń biri - avtonomdy dezınfektsııa júıesi bar aıaldama.



Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT