+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Bes adam koronavırýs juqtyrǵan Jetisaı turǵyndary maska kıip júrýge mindetteldi

2020 jylǵy 1 sáýir 15:40
Bólisińiz:
Bes adam koronavırýs juqtyrǵan Jetisaı turǵyndary maska kıip júrýge mindetteldi

JETІSAI. QazAqparat – Túrkistan oblysynda bes turǵyn koronavırýs juqtyrǵan Jetisaı aýdanynda maskalyq rejım engizildi. Bul týraly Jetisaı aýdandyq ákimdigi málimet taratty, dep habarlaıdy QazAqparat tilshisi.

«Elimizde jarııalanǵan tótenshe jaǵdaıǵa baılanysty qurylǵan shtabtyń sheshimine sáıkes aýdan turǵyndarynyń qaýipsizdigin qamtamasyz etý jáne koronovırýs indetiniń aldyn alý maqsatynda Jetisaı aýdanyna maskalyq rejım engiziletinin habarlaımyz. Osyǵan oraı kóshege shyǵar kezde jalpy qoǵamdyq tártipti saqtaýǵa, meıilinshe kez kelgen jerge maskasyz barmaýǵa keńes beremiz. Tótenshe jaǵdaı kezinde tártipti buzǵanyńyz úshin zań aldynda jaýpkershilikke tartylyp, QR Ákimshilik quqyq buzý týraly kodeksiniń 476-baby boıynsha jaýapkershilikke tartylatynyńyzdy eskertemiz» delingen ákimdik habarlamasynda.

Aıta keteıik, aýdanda indettiń aldyn alý maqsatynda qaýipsizdik sharalary kúsheıtilgen. Arnaıy blok beketter qurylyp, polıtsııa ınspektorlary men medıtsına salasynyń mamandary táýlik boıy árbir kólikti toqtatýda. Arnaıy qurylǵymen azamattardyń dene qyzýyn ólshep, tekseristen ótkizýde.

Sonymen qatar, blokbekette tirkeýden ótken árbir azamatqa qaýipsizdik erejelerin qatań saqtap, oıyn-saýyq ortalyqtaryna barmaý men kópshilik oryndardan oqshaýlaný, sanıtarlyq-gıgıenalyq talaptardy saqtaý men betperdemen júrý kerektigi túsindirilýde.

Eske salaıyq, kesheden beri Jetisaı aýdanynda bes adamnyń koronavırýs jutyrǵany anyqtalyp otyr. Onyń tórteýi - bir otbasynyń músheleri bolsa, bir adam Almaty qalasyna issaparǵa barǵan bolyp shyqty.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT