+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Berik Imashev aldaǵy Májilis depýtattaryn saılaýǵa qatysty túsinik berdi

2020 jylǵy 21 qazan 14:41
Bólisińiz:
Berik Imashev aldaǵy Májilis depýtattaryn saılaýǵa qatysty túsinik berdi

NUR-SULTAN. QazAqparat - Ortalyq saılaý komıssııasynyń tóraǵasy Berik Imashev aldaǵy Májilis depýtattaryn saılaýǵa qatysty túsinik berdi, dep habarlaıdy QazAqparat tilshisi.

«QR Prezıdentiniń Jarlyǵyna sáıkes, búginnen bastap Májilis depýtattaryn saılaý boıynsha naýqan bastaldy. 2016 jylǵy 20 naýryzda saılanǵan Májilis depýtattarynyń konstıtýtsııalyq ókilettik merzimi 2021 jylǵy naýryzda aıaqtalady. Saılaý zańnamasyna sáıkes, Májilis depýttarynyń kezekti saılaýyn Prezıdent depýttardyń ókilettigi merziminiń aıaqtalýynan keminde bes aı buryn taǵaıyndaıdy jáne ol eki aıdan keshiktirmeı ótkiziledi. Osylaısha, Parlament Májilisi depýtattarynyń saılaý naýqany qatań túrde osy belgilengen konstıtýtsııalyq merzimderge sáıkes taǵaıyndalýda jáne kezekti bolyp sanaly», - dedi Imashev Ortalyq saılaý komıssııasynyń otyrysynda.

Osy oraıda ol joǵary ókildi organdarǵa saılaý eldegi eń mańyzdy qoǵamdyq-saıası oqıǵalardyń biri ekenin atap ótti.

«Dál osy zań shyǵarýshy organ memleket tetiginde basym orynǵa ıe jáne tek Parlament qana zań arqyly halyqtyń erkin bildirý quqyǵyna ıe. Májilistiń 98 depýtatyn saılaý partııalyq tizimder boıynsha jasyryn daýys berý arqyly jalpyǵa birdeı teń ári tóte saılaý quqyǵy negizinde júzege asyrylady. Májilistiń 9 depýtatyn halyq birligin, qoǵamdyq kelisim men turaqtylyqty nyǵaıtýdyń negizgi ınstıtýty bolyp sanalatyn Qazaqstan halqy Assambleıasy saılaıdy. Májilisti qalyptastyrýdyń birden bir prıntsıpi Assambleıanyń Parlament Májilisindegi ókildigi - ol bizdiń konstıtýtsııalyq ereksheligimiz. Assambleıa depýtattary 100-den astam etnos atynan barshanyń múddesin qorǵaıdy. Olardyń múddesi partııalyq kózqarastarmen baılanysty emes, sondyqtan ol joǵary zań shyǵarýshy organnyń keń aýqymdy qyzmeti aıasynda barlyq fraktsııalarmen tıimdi áreket etýge múmkindik beredi», - dedi OSK tóraǵasy.

Budan buryn habarlanǵandaı, Memleket basshysy Qasym-Jomart Toqaev QR Parlamenti Májilisi jáne máslıhat depýtattary saılaýyn taǵaıyndaý týraly úndeý jarııalady.

«Búgin men Parlament Májilisi depýtattarynyń saılaýyn taǵaıyndaý týraly Jarlyqqa qol qoıdym. Ortalyq saılaý komıssııasynyń qaýlysymen barlyq deńgeıdegi máslıhat depýtattarynyń saılaýy taǵaıyndalady. Aldaǵy saılaý konstıtýtsııalyq merzimge sáıkes, 2021 jyldyń 10 qańtarynda ótedi. Barlyq saıası partııalardyń bul saılaý naýqanyna qatysýǵa daıyndalýyna, saılaý aldyndaǵy platformasyn ázirleýine, partııalyq ınfraqurylymdardy jetildirýine ýaqyty jetkilikti boldy. Ortalyq saılaý komıssııasy men Bas prokýratýra saılaýdyń zańdylyǵyn, ashyqtyǵyn jáne ádildigin saqtaý úshin turaqty baqylaý júrgizip otyrady», - dedi Prezıdent.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT