Berik Asylov: Qańtar oqıǵasynyń ekstremızmge, dinı radıkalızmge ulasqanyn kórip otyrmyz
2022 jylǵy 14 naýryz 12:06

Berik Asylov: Qańtar oqıǵasynyń ekstremızmge, dinı radıkalızmge ulasqanyn kórip otyrmyz

NUR-SULTAN. QazAqparat – Qańtar oqıǵasynyń ekstremızmge, krımınalǵa jáne dinı radıkalızmge ulasqanyn kórip otyrmyz. Bul týraly Parlament Májilisiniń jalpy otyrysynda QR Bas prokýrory Berik Asylov málim etti, dep habarlaıdy QazAqparat tilshisi.

«Osy arqyly qańtar oqıǵasy birneshe tolqynnan turdy dep sıpattaýǵa bolady. Birinshi tolqynda beıbit mıtıng boldy. Olar polıtsııamen eshqandaı qaqtyǵysqa barǵan joq. Kerisinshe, bılik beıbit mıtıng ótkizýge barlyq múmkindikti jasady. Alaıda mıtıngige shyqqandardyń qataryna túrli ekstremıster kirip, olar narazylyqty radıkaldy arnaǵa buryp jiberdi. Olardyń arandatýshylyǵynan birinshi qaqtyǵystar bastaldy jáne ol ekinshi tolqyn boldy», - dedi Berik Asylov.

Onyń aıtýynsha, úshinshi tolqyn kezinde kópshilikke krımınaldy bandylar qosylǵan. Osynyń saldarynan tonaý men nysandardy órtteý bastaldy. Osy dúrbeleńdi qarýly radıkaldar paıdalanyp, naqty shabýyldardy uıymdastyrdy.

«Biz osydan oqıǵanyń ekstremızmge, krımınalǵa jáne dinı radıkalızmge ulasqanyn kórip otyrmyz. Eger memleket tarapynan naqty sheshim bolmasa, bul tolqyndardan keıin basqa da saldar bolýy múmkin edi. Sońǵy kezeńde bılikti kúshpen basyp alýǵa barar edi», - dedi Bas prokýror.


Seriktester jańalyqtary

Jańalyqtar

Úrdis

MURAǴAT