+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Bereshegi bar azamattardyń elden shyǵýyna shekteý alyna ma - UB jaýaby

2019 jylǵy 15 jeltoqsan 12:46
Bólisińiz:
Bereshegi bar azamattardyń elden shyǵýyna shekteý alyna ma - UB jaýaby

NUR-SULTAN. QazAqparat - Qazaqstan Respýblıkasynan shyǵýǵa ýaqytsha shekteý qoldanylatyn boryshker beresheginiń shekti somasy ulǵaıtylýy múmkin. Bul jaıynda Májilis depýtattarynyń resmı saýalyna oraı QR Ulttyq banki tóraǵasy Erbolat Dosaevtyń jaýabynda aıtylǵan, dep habarlaıdy QazAqparat tilshisi.

«Boryshker jeke tulǵalardy elden shyǵýǵa ýaqytsha shekteý týraly kez kelgen sheshim 20 AEK (50,5 myń teńge) astam bereshegi bolǵan kezde jáne sot sanktsııasy negizinde qabyldanady. Shekteý kredıtter boıynsha boryshkerlerge ǵana emes, salyqtar, alımentter jáne basqa da tólemder boıynsha bereshegi bar adamdarǵa da qoldanylady. Sonymen qatar, qazirgi kezde «Qazaqstan Respýblıkasyndaǵy bankter jáne bank qyzmeti týraly» Qazaqstan Respýblıkasynyń Zańymen bankti qaryz berer aldynda qaryz alýshynyń tólem qabilettigin jan-jaqty baǵalaýyn júrgizýdi mindetteıdi», - dedi Ulttyq bank tóraǵasy.

Onyń túsindirýinshe, bank qaryz bergenge deıin klıentke qaryzdyń talaptary, mólsherlemeler men tarıfter, qaryz sharty boıynsha mindettemeler oryndalmaǵan jaǵdaıda klıenttiń jaýapkershiligi men yqtımal táýekelderi týraly aqparat berýge tıis. Qamtamasyz etýsiz kredıt (blankilik kredıt) berý týraly sheshimdi bank klıenttiń kredıt tóleý múmkindigi joǵary jáne ol senimdi bolǵan jaǵdaıda ǵana qabyldaıdy. Bank shartty jasamas buryn klıentke sharttyń talaptarymen tanysýǵa qajetti ýaqyt beredi. Al shart jasaý kezinde qaryzdyń jalpy somasyn, valıýtasy men merzimin, tólem sanyn, syıaqy mólsherlemesiniń túri men mólsherin, ótelýge tıis jalpy somany, syıaqynyń jıyntyq somasyn, boryshty ýaqtyly tólemegeni úshin turaqsyzdyq aıybynyń (aıyppuldyń, ósimpuldyń) mólsherin qamtıtyn shartpen qosa beriletin jadynamany usynady. Qaryz alýshy merzimin ótkizip alǵan jaǵdaıda, bank merzimi ótkennen keıin 30 kún ishinde qaryz alýshyǵa merzimi ótken bereshektiń mólsherin kórsete otyryp, shart boıynsha tólemder engizý qajettiligi jáne qaryz alýshynyń óz mindettemelerin oryndamaýynyń saldary týraly habarlaıdy. Qaryz alýshy týyndaǵan bereshekti retteý úshin bankke júginýge quqyly. Boryshker tarapynan jaýap bolmaǵan kezde ǵana bank sońǵy sharalardy qabyldaıdy, onyń ishinde bereshekti óndirip alý týraly talap aryzben júginedi. Osylaısha, bank kredıtor bola otyryp, berilgen qarajatty qaıtarýǵa múddeli. Sebebi olaı bolmaǵan jaǵdaıda bankke óz aqshasyn senip tapsyrǵan salymshylardyń (depozıtorlardyń) múddeleri zardap shegýi múmkin.

«Sondyqtan da boryshkerdiń elden shyǵýyna ýaqytsha shek qoıý múmkindigi qaryz qarajatyn qaıtarý úshin zańnamada kózdelgen quraldardyń biri ǵana bolyp tabylady jáne qaryz berý týraly sheshimge áser etpeıdi. Osyǵan baılanysty kórsetilgen quraldan tolyǵymen bas tartý orynsyz. Bul rette Ulttyq bank múddeli memlekettik organdarmen birlesip boryshker bereshegi shekti somadan asyp ketken jaǵdaıda Qazaqstan Respýblıkasynan shyǵýǵa ýaqytsha shekteý qoldanylatyn shekti somany ulǵaıtý máselesin qarastyrýǵa bolady dep sanaıdy»,- dedi Erbolat Dosaev.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT