+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Berdibek Saparbaev jumys saparymen Jambyl oblysyna keldi

2019 jylǵy 24 shilde 18:57
Bólisińiz:
Berdibek Saparbaev jumys saparymen Jambyl oblysyna keldi

TARAZ. QazAqparat – QR Eńbek jáne halyqty áleýmettik qorǵaý mınıstri Berdibek Saparbaev jumys saparymen Jambyl oblysyna baryp, birqatar nysandardy aralady. Sondaı-aq, áleýmettik-eńbek salasyndaǵy kórsetkishter boıynsha jıyn ótkizdi, dep habarlaıdy QazAqparat tilshisi.

Uqsas jańalyqtar
Qazaqstandyqtarǵa shildede azyq-túlik pen ózge de qajettilikter úshin 5,4 mlrd teńge aýdaryldy 2,1 mln-nan astam qazaqstandyq 42 500 teńge birjolǵy tólemin aldy Koronavırýs juqtyrǵan 120 medıtsına qyzmetkerine ótemaqy tólendi

Jumys sapary barysynda mınıstr aldymen Taraz qalalyq jumyspen qamtý ortalyǵynda bolyp, ataýly áleýmettik kómektiń berilý barysyna qanyqty.

Sondaı-aq, Berdibek Mashbekuly «Barbershop» sulýlyq salonyna bas suqty. Salon jetekshisi Aıda Batyrbekova ótken jyly «Eńbek» baǵdarlamasy arqyly «Damý» qorynan 5 mıllıon teńge shaǵyn nesıe alyp, óz kásibin ashqan. Búginde ol bes adamdy turaqty jumyspen qamtyp, turǵyndarǵa shash úlgilerin jasaý, qyrqý sekildi sán áleminiń suranysyna saı qyzmetter kórsetýde. B.Saparbaev osyndaı óz kásibin ashyp, turmysyn tikteımin deýshilerge memleket jáne jergilikti bılik tarapynan barlyq qoldaý jasalýy kerektigin basa aıtty.

«Memleket basshysy aldymyzǵa halyqtyń ál-aýqatyn jaqsartý, masyldyqty boldyrmaý, áleýmettik tólemderdiń durys taǵaıyndalýyn jáne eńbek jaǵdaılarynyń saqtalýyn qamtamasyz etý boıynsha birqatar tapsyrmalar júktedi. Qazirgi ýaqytta ataýly áleýmettik kómek 291 myń otbasylarǵa, sonyń ishinde 1 446 myń adamǵa taǵaıyndaldy. Al, Jambyl oblysynda 32,5 myń otbasy nemese 162 myń adam ataýly áleýmettik kómek alýda. Bul otbasylardaǵy 1 332 adam jumyspen qamtý sharalaryna qatysa alady, 1 532 adammen áleýmettik kelisimshart jasalǵan. Statıstıkaǵa sáıkes, óńirde eń tómengi kúnkóris deńgeıiniń mólsherinen tómen 60,6 myńdaı halyq bar, al ataýly áleýmettik kómek 27,8 myń otbasyǵa taǵaıyndalǵan. Kemshilikter de joq emes»,- dedi B.Saparbaev.


Oblys ákimdiginde ótken basqosýda oblys ákiminiń mindetin atqarýshy Nurjan Kalenderov baıandama jasap, atqarylyp jatqan jumystarǵa toqtaldy. Onyń aıtýynsha, óńirdegi ataýly áleýmettik kómekke bıyl 21,2 mıllıard teńge qaralsa, onyń 1,2 mıllıard teńgesi jergilikti bıýdjetten bólingen. Ataýly áleýmettik kómek alýshylardyń arasynda jumyspen qamtýǵa járdemdesýdiń belsendi sharalaryna tartylǵandardyń úlesi - 16,5 paıyz.

Sondaı-aq, oblystaǵy 2346 kópbalaly otbasy úı kezeginde tur desek, osy jyldyń sońyna deıin onyń elý paıyzyn turǵyn úımen qamtamasyz etý kózdelgen. Ol ǵana emes, jergilikti bıýdjetten 2,6 mıllıard teńge bólinip, 12 jataqhana boı kóterýde. Bul jataqhanalardy osy sanattaǵy baspanaǵa muqtaj 612 otbasy turǵyn úı kezegi jetkenshe panalaıtyn bolady.


Berdibek Saparbaev áleýmettik-eńbek salasy árqashanda Úkimettiń nazarynda ekenin aıtyp, Memleket basshysy mindettemelerine toqtalyp ótti. Mınıstr saladaǵy birqatar baǵyttardaǵy sylbyr jumystardy synǵa alyp, jaýaptylardy tyńdady. Sondaı-aq, jıyn qorytyndysymen tıisti tulǵalarǵa halyqtyń ál-aýqatyn arttyrý, masyldyqty boldyrmaý, áleýmettik tólemderdiń durys taǵaıyndalýyn jáne eńbek jaǵdaılarynyń saqtalýyn qamtamasyz etý boıynsha birqatar naqty tapsyrmalar júktedi.

Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT