+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Berdibek Saparbaev jobalaý qujattamalarynyń 7 jylda daıyn bolmaǵanyn synady

2020 jylǵy 27 naýryz 08:44
Bólisińiz:
Berdibek Saparbaev jobalaý qujattamalarynyń 7 jylda daıyn bolmaǵanyn synady

TARAZ. QazAqparat – Jambyl oblysynyń ákimi Berdibek Saparbaevtyń tóraǵalyǵymen ótken keńeste óńirdegi jobalaý-smetalyq qujattamalardy sapaly jáne ýaqytyly daıyndaý máseleleri qaraldy, dep habarlaıdy QazAqparat oblys ákiminiń baspasóz qyzmetine silteme jasap.

Uqsas jańalyqtar
Qordaılyqtardyń máseleleri «Beıbitshilik pen kelisim» jobasy aıasynda sheshilýde Jalaqylaryna saı jumys istemeı otyr: Saparbaev «Taraz» ÁKK qyzmetin synady Berdibek Saparbaev Tarazdaǵy dárihanalar men sýpermarketterdi tekserdi

Búginde jahandyq pandemııa jaǵdaıynda Memleket basshysy ekonomıkany qoldaý boıynsha naqty sharalar qabyldaýda. Bul oraıda birinshi kezekte qurylys sektoryn jandandyrýǵa baǵyttalǵan túrli memlekettik baǵdarlamalarǵa ózgerister engizilýde. Qurylys sektory arqyly barsha qazaqstandyqtyń áleýmettik ahýalyna oń áser etetin túrli salalardy nyǵaıta túsý mańyzdy.

Jambyl oblysyna qosymsha qarajat bólinedi. Biraq olardy ıgerýge qanshalyqty daıynbyz? Bul rette jobalaý-smetalyq qujatty (JSQ) ýaqytyly daıyndaý jáne memlekettik saraptamadan ótkizý – bıýdjettik baǵdarlama ákimshileriniń qashannan beri qalyptasqan máselesi.

Oblystyq qurylys basqarmasynyń basshysy Jaıyqbaı Shaldarovtyń aıtýynsha, 2014-2018 jyldary bastalǵan 70 JSQ áli kúnge deıin ázirlenip bitpegen. Sondaı-aq, energetıka jáne TÚKSh basqarmasynyń basshysy Nurlan Aldamjarov ta sol sekildi 20 JSQ týraly baıandady.

«JSQ daıyndaý merziminiń sozylýynyń basty sebebi – jaýapty memlekettik organdar tarapynan baqylaýdyń bolmaýy. Nege tıisti sharalardy qabyldamaısyzdar? 2013 jyldyń jobalaý-smetalyq qujattamasy qazir kimge kerek? Óıtkeni, qurylys materıaldarynyń baǵasy, tehnologııasy men talaptary túbegeıli ózgerdi. Al memlekettiń aqshasy jelge ushýda. Taǵy bir másele – smetany daıyndaý kezinde baǵany negizsiz kóterý. «Túıe surasań – bıe alasyń» degen. Mundaı tásil durys emes. Bıýdjet qarajatyna uqypty qaraý kerek. Ol úshin jańa tehnologııalardy engize otyryp, jergilikti materıaldardy paıdalaný mańyzdy», - dedi B.Saparbaev.

Sondaı-aq, aımaq basshysy J.Shaldarovtyń jıynǵa daıyndyqsyz kelgenin synǵa alyp, N. Aldamjarovqa «Bıznestiń jol kartasy-2020» baǵdarlamasy sheńberinde jobalardy kóbeıtý boıynsha jumys júrgizý kerektigin alǵa tartty.

«Aýdandarǵa jumys saparymnyń barysynda kásipkerler qajetti ınfraqurylymdardy júrgizýge kómektesýdi suraıdy. Bul baǵyttaǵy jumystar álsiz atqarylýda», - dep atap ótti oblys ákimi.

Óńir basshysy qurylysqa kirispes buryn mindetti túrde geologııalyq barlaý jumystaryn júrgizý, jerasty sýlarynyń qoryn jáne olardyń sapasyn zertteý qajettigine kóńil bóldi.

Oblys ákimi qurylystardyń estetıkalyq kelbetine de nazar aýdardy.

«Qurylystyń qasbetteri qatparly nemese sur emes, aıryqsha tartymdy bolýy shart. Mektep – bul mádenı mekeme, balabaqsha nemese aýrýhana nysandary birden kózge kórinip turýy kerek. Qurylystardyń qasbetteri, jaǵymdy áser syılap turýy tıis», - dedi ol.

Jobalaý uıymdarynyń dırektorlary óńir basshysyna JSQ-ny daıyndaýdyń eń kóp merzimi jobanyń kúrdeliligine baılanysty 6-8 aıdy quraıtynyn jáne jıi árqıly málimettermen kezdesetindikterin jetkizdi. Óz kezeginde memlekettik saraptama basshysy jobalaýshylardyń qujattamany sapasyz daıyndaıtyndyqtaryn aıtyp shaǵymdandy.

«Bul oraıda ýaqytyly jáne tıimdi jumys júrgizý kerek. JSQ daıyndaýdyń mundaı qarqynyna qarap qarajatty ıgerýdiń tabystylyǵyna kúmán týady. Úlgi – jobalardy daıyndaýda jergilikti jerlerdiń erekshelikterin eskergen abzal. Jobalyq ınstıtýttardyń múmkindikterine taldaý jasaý kerek. Qurylys jumystaryna tartý úshin jumyssyzdar men ózin-ózi jumyspen qamtyǵandar tizimin qurý mańyzdy. Eki myńnan astam jobany júzege asyrý josparlanýda, sol úshyny jumys sáýir aıynan bastap qaınaýy tıis», – dep óńir basshysy jaýapty tulǵalarǵa mindetter júktedi.


Bizdiń kanalymyzǵa jazylyńyz:

Basty sózder: Jambyl oblysy, Ákim, Qurylys, Aımaq,
Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT