+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

Berdibek Saparbaev: jańa oqý jylyna daıyndyq álsiz júrgizilýde

2020 jylǵy 18 tamyz 18:52
Bólisińiz:
Berdibek Saparbaev: jańa oqý jylyna daıyndyq álsiz júrgizilýde

TARAZ. QazAqparat – Jambyl oblysynda jańa oqý jylyna daıyndyq jumystary óte álsiz júrgizilýde. Óńir basshysy Berdibek Saparbaev oblys ákimdiginde ótken jıynda tıisti basqarmalardyń jumysyna osyndaı baǵa berdi, dep habarlaıdy QazAqparat oblys ákimdiginiń resmı saıtyna silteme jasap.

Uqsas jańalyqtar
Aqtóbelik kásipker 9 oqýshysy bar aýylǵa mektep salyp berdi Prezıdent tapsyrmasy: Almatyda segiz mektep salynyp jatyr JOO-lardy baqylaý sapasyn arttyrý úshin analıtıkalyq platforma qajet – Sergeı Pen

«Jańa oqý jylyna daıyndyq sharalaryna baılanysty kóptegen tapsyrmalar berilgen bolatyn. Nátıjeler kórsetip otyrǵandaı, ol tapsyrmalar oryndalmaǵan. Óńirde mektepterdiń qurylysy men kúrdeli jóndeý jumystary júrgizilýde. Bul jumystarǵa jetkilikti qarjy bólingen. Josparǵa sáıkes kóptegen nysandardaǵy qurylystardy 25 tamyzǵa deıin aıaqtaý qajet. Degenmen, meniń baıqaýymsha, nysandardyń qurylysy kúzde, oqýshylar mektepke barýǵa májbúr bolǵan kezde ǵana aıaqtalmaq. Kóbisi oqý qashyqtan ótedi dep úmittenýde. Sondyqtan olar asa asyqpaıdy. Osy oraıda bilim berý salasyndaǵy jumystardyń óte nashar júrgizilip jatqanyn aıta ketý kerek. Bul oqýlyqtarmen jáne kompıýterlermen qamtamasyz etýge de qatysty», - dedi oblys ákimi.


Bilim basqarmasynyń basshysy Gúlnár Qojabergenova atap ótkendeı, qazirgi tańda oblysta 22 bilim berý nysanynyń qurylysy júrgizilýde, olardyń toǵyzy bıyl salynyp bitýi kerek. Qurylys jumystaryna 10,1 mıllıard teńge bólindi. 7,7 mlrd teńgege 42 mektep kúrdeli jóndeýden ótýde. Onyń 32-indegi jóndeý jumystary 30 tamyzǵa deıin, al alty mektepte kúrdeli jóndeý tek 30 qyrkúıekte aıaqtalmaq.

«Nelikten jumys keshiktirilip jatyr, nege aýdan ákimdikteri tarapynan baqylaý joq? Aýdan ákimderi, ákimdikterdiń qurylys bólimderiniń basshylary qaıda qarap júr! Meniń túsinýimshe, merdigerlerge asyǵar emes. Jańa oqý jylyna az ýaqyt qalǵan kezde nege tıisti sharalar qabyldanbaıdy?», - dedi B.Saparbaev.


Bilim basqarmasynyń basshysy nysandardyń qurylysy men jóndeý jumystarynyń sozylýyn jumysshylardyń jetispeýshiligimen túsindirdi.

Bilim berý salasyndaǵy taǵy bir mańyzdy másele – syrttaǵy mektep dárethanalaryna qatysty. Oblys ákiminiń tapsyrmasy boıynsha, olardyń bári 1 qyrkúıekke deıin mektep ǵımarattaryna engizilýi kerek edi. Bul úshin 1,1 mıllıard teńge bólingen. Belgili bolǵandaı, osy ýaqytqa deıin 285 dárethananyń teń jartysy ǵana kóshirilgen. Bul oraıda Baızaq, Qordaı, Merki, Shý aýdandary aıtarlyqtaı artta qalyp otyr.

Óńir basshysy jyly sanıtarlyq toraptarmen jabdyqtaýdaǵy sylbyr jumystar boıynsha qatań eskertýler jasady.

«Bul bizdiń ózimizdiń balalarymyz. Nege qurylys kezinde osy týraly eshkim oılamaıdy? Nelikten dárethanalar arasynda bólikter jasalynbaǵan? Ár dárethanaǵa kem degende eki mıllıon teńge jumsalady. Bul qarapaıym dárethana salý úshin shynymen jetkiliksiz be? Oqý jylynyń bastalýyna nebári 10 kún qaldy, al jumys aıaqtalǵan joq. Men aýdan ákimderiniń qalaı tynysh uıyqtaıtynyn túsinbeımin», - dedi óńir basshysy.

Sonymen qatar B.Saparbaev oblystaǵy barlyq mektepterde beınebaqylaý kameralaryn ornatýdy tezdetýdi tapsyrdy. Belgili bolǵandaı, beınekameralardyń 80 paıyzy eskirgen desek, olardy sandyq kameralarǵa aýystyrý kerek.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT