+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Berdibek Saparbaev jambyldyq turǵyndarmen kezdesti

2019 jylǵy 15 qarasha 01:38
Bólisińiz:
Berdibek Saparbaev jambyldyq turǵyndarmen kezdesti

TARAZ. QazAqparat – QR Premer-Mınıstriniń orynbasary Berdibek Saparbaev Jambyl oblysyna jumys sapary barysynda qoǵam ókilderimen, pedagogtar jáne densaýlyq salasynyń mamandarymen kezdesti, dep habarlaıdy QazAqparat tilshisi.

Uqsas jańalyqtar
Berdibek Saparbaev: Balalarymyzdyń qaýipsizdigi biz úshin árqashan birinshi orynda Úkimet basshysy EO-ǵa múshe elder dıpmıssııalarynyń basshylarymen kezdesý ótkizdi Asqar Mamın «Rosatom» korporatsııasynyń basshysyn qabyldady

Aldymen, vıtse-premer bastaǵan úkimettiń jumysshy toby oblystyq qazaq drama teatrynda jambyldyq túrli salanyń mamandary men qoǵam belsendileri men úkimettik emes uıymdardyń ókilderimen kezdesti. Onda B. Saparbaev memlekettiń áleýmettik-ekonomıkalyq saıasatyndaǵy aıryqsha mán berilip otyrǵan basymdyqtarǵa toqtaldy. Óz sózinde búginde Taraz qalasynyń shyn mánisinde kún sanap tarıhı kelbeti aıshyqtalyp, jańǵyryp kele jatqanyn aıtyp ótken Premer Mınıstrdiń orynbasary el Úkimeti aldyndaǵy aýqymdy mindetterdi tilge tıek etti.

Turǵyndardyń turmys sapasyn jaqsartýdyń bir joly - medıtsınalyq qyzmettiń qoljetimdi bolýy ekeni belgili. Halyq densaýlyǵyn saqtaýda alǵashqy dárigerlik kómekti tıimdi uıymdastyrýdyń mańyzy zor. Bul rette Jambyl óńiri jumysty júıeli júrgizip, respýblıka boıynsha alǵa shyǵyp otyr. Osyny basa aıtqan Berdibek Saparbaev densaýlyq saqtaý mınıstri Eljan Birtanovqa eldi mekenderdi ambýlatorııalar jáne medpýnkttermen qamtýda ózgeshe úlgi kórsetip, memlekettik-jekeshelik áriptestik tetigin tıimdi paıdalanyp otyrǵan Jambyl oblysynyń tájirıbesin ózge óńirlerge taratýdy tapsyrdy.

Kezdesýde vıtse-premer keler jyldan bastap engizýge usynylyp otyrǵan ataýly áleýmettik kómektiń jańa júıesi týraly da aıtyp ótti.


«Shyn muqtaj azamattardy áleýmettik turǵyda qorǵaý úshin ári masyldyq pıǵyldy órshitip almaý maqsatynda Úkimet ataýly áleýmettik kómekti tóleýdiń mehanızmin ózgertýdi usynyp otyr. Biz bir nárseni túsinýimiz kerek. Bul - aty aıtyp turǵandaı, ataýly kómek. Jyl boıy tólenetin jalaqy emes. Ol qoldaýǵa zárý otbasylarǵa áleýmettik jaǵdaıyn túzep alý úshin belgili bir merzimge taǵaıyndalady. Ekonomıkany turaqtandyrýdyń joly - eńbek», - dedi Berdibek Máshbekuly.

Úkimet basshysynyń orynbasary sondaı-aq múmkindigi shekteýli jandardy ońaltý maqsatynda beriletin arnaıy qurylǵylarmen qamtý júıesin jaqsartý úshin arnaıy portal ashylǵanyn da tilge tıek etti. Tıisti qural-jabdyqtarǵa tapsyrys berýge tender eń tıimdi jol emes ekenin, sonyń saldarynan buǵan deıin qoldaýdy qajet etetin azamattardy kerek qurylǵymen qamtýda kedergi týyndaǵanyn sóz etti. Arnaıy portal endi osy túıtkilderden qutylýǵa múmkindik bermek. Jıynda jumyspen qamtý, biryńǵaı áleýmettik qor jáne biryńǵaı áleýmettik tólem týraly da aıtyldy.

Vıtse-premerdiń Jambyl jurtshylyǵymen júzdesýi erkin formatta ótkenin aıta ketken jón. Turǵyndar Berdibek Saparbaevqa kókeıde júrgen suraqtaryn qoıyp, ózekti máselelerdi alǵa tartty.


Sondaı-aq, QR Premer-Mınıstriniń orynbasary Berdibek Saparbaev óńirdiń pedagog qaýymymen júzdesip, salaǵa qatysty birqatar máselelerdi saralady. Taraz qalasyndaǵy №30 mektep-gımnazııasynda ótken kezdesýge oblys ákimi Asqar Myrzahmetov, Bilim jáne ǵylym mınıstriniń orynbasary Sholpan Karınova qatysty. Basqosýda alǵash bolyp sóz alǵan Bilim jáne ǵylym mınıstriniń orynbasary Sholpan Karınova saladaǵy ózekti máselelerdi ortaǵa salyp, olardy sheshý baǵytynda atqarylyp jatqan jumystardy tilge tıek etti.

«Qazir respýblıkadaǵy barlyq mektepteri 10-synypqa deıin jańartylǵan bilim berý júıesin kóshti. Pedagogter bul júıe boıynsha biliktiligin arttyrý kýrstarynan da ótti. Ózderińizge málim, bilim salasyndaǵy eń ózekti másele «Pedagogter mártebesi týraly» Zańnyń qabyldanýy bolyp otyr.Qazir bul zań jobasy Qazaqstan Respýblıkasynyń Parlamentiniń qaraýynda jatyr.

Sondaı-aq bıyl pedagogterdiń biliktilik sanatyn anyqtaý testi ustazdar qaýymynyń usynysyna saı elektrondy formatta óte bastady», –dedi Sholpan Qanatqyzy.

Vıtse-mınıstr óz sózinde mektepke deıingi bilim berý mekemelerin baǵalaýdyń jańa júıesi, dýaldy bilim berýdi jetildirýdiń jaı-japsary týraly da aıtyp ótti.

Óz kezeginde Berdibek Saparbaev ustazdarǵa otandyq bilim berýdegi ózekti máselelerdi sheshýge Úkimet tarapynan tıisti jumystardyń qolǵa alynǵanyn jetkizip, bul iste birlese áreket etýge shaqyrdy. Al kezdesýdi qorytyndylaǵan oblysy ákimi Asqar Myrzahmetov oqýshylardyń rýhanı tanym-túsinigin damytýdy arnaıy pándi oqytý arqyly jolǵa qoıý usynysyn jetkizdi.

Vıtse-premerdiń oblysqa jumys sapary oblystyq balalar aýrýhanasynda túıindeldi. Onda B. Saparbaev jambyldyq dárigerler men medıtsına qyzmetkerlerimen kezdesti. Basqosý barysynda elimizdiń densaýlyq saqtaý mınıstri Eljan Birtanov baıandama jasap, mindetti medıtsınalyq saqtandyrý bastamasyna qatysty atqarylǵan jumystardy tilge tıek etti. Sondaı-aq mınıstr mindetti medıtsınalyq saqtandyrý baǵdarlamasyn buqaraǵa túsindirýde Jambyl oblysy aldyńǵy qatarda kele jatqanyn jetkizip, óńirdegi jumysqa oń baǵasyn berdi. Baıandama tyńdalǵannan keıin jıynǵa qatysýshylar mınıstrge mindetti medıtsınalyq saqtandyrýǵa qatysty birqatar saýaldaryn qoıdy. Ol barlyq saýaldarǵa tuymdy jaýap berip, aımaq dárigerlerin bul baǵytta jumyla jumys jasaýǵa shaqyrdy.

Kezdesýdi qorytyndylaǵan Berdibek Máshbekuly Jambyl oblysynda atqarylyp jatqan jumystarǵa kóńili tolatyndyǵyn aıtyp, alaıda áleýmettik jelilerde dárigerler tarapyna baǵyttalǵan syndarǵa aımaqtyń aq halatty abzal jandary der kezinde jaýap bermeıtindigine qynjylys bildirdi. Sol sebepti Premer-Mınıstrdiń orynbasary dárigerlerge syn men min taǵylyp jatsa, bul tutas el medıtsınasyna aıtylǵan dúnıe dep qabyldap, judyryqsha jumylý qajettigin tapsyrdy.

Bizdiń kanalymyzǵa jazylyńyz:

Bólisińiz:

Avtor:

Ǵıbrat Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT