+7 (701) 759 90 19
USD 447.60 EUR 489.41
RUB 5.71 CNY 63.05
Jańalyqtar

Berdibek Saparbaev Jambyl oblysyndaǵy birqatar mektep dırektorlaryn synǵa aldy

2020 jylǵy 23 aqpan 10:00
Bólisińiz:
Berdibek Saparbaev Jambyl oblysyndaǵy birqatar mektep dırektorlaryn synǵa aldy

TARAZ. QazAqparat – Bilim berý salasynyń qyzmetkerlerimen kezdesken Jambyl oblysynyń ákimi Berdibek Saparbaev mektep dırektorlaryn synǵa aldy, - dep habarlaıdy QazAqparat.

- Oqý oryndarynyń keıbir basshylary «Meniń mektebim», «meniń ustazdarym», «meniń shákirtterim» degen sııaqty tirkesterdi qoldanyp, ózderin uıymdastyrýshy emes, menshik ıesi sekildi sezinedi. Mektep-memlekettiki, al dırektor – aýysyp otyratyn basqarýshy tulǵa bolýy tıis, - dep atap ótti aımaq basshysy. Bul týraly oblys ákiminiń baspasóz qyzmeti habarlady.

Ákim osy kezde sybaılas jemqorlyq áreketterine boı aldyryp otyrǵan mektep dırektorlardyń az emestigin aıtty.

- Jumysqa ornalastyrǵany úshin dırektor muǵalimnen aqy alsa, odan sapaly jumysty qalaı talap etedi? Ol muǵalim óz shyǵyndaryn ata - analar arqyly qaıtara bastaıdy, sybaılas jemqorlyq tizbegi osylaı jalǵasa beredi, - dedi oblys ákimi.

Eger dırektor adal jumys istep, mekteptegi bilim berýdiń tártibi men joǵary deńgeıin qamtamasyz etip otyrsa, bul jaǵdaıda basshyny aýystyrý máselesin kóterilmeıdi.

Tárbıe negizi otbasy jáne mektepten bastalady, alaıda sońǵy ýaqytta osy áleýmettik ınstıtýttar arasyndaǵy ózara baılanys úzilgendigi jıi aıtylyp júr.

- Ata-analar komıteti is júzinde jumys istemeıdi, al pedagogtar ınertti ustanymǵa ıe. Bala tártip buzǵan jaǵdaıda ata-analarǵa shaǵymdana almaıdy, - dedi Berdibek Saparbaev óz sózinde.

Oblystyq ata-analar komıtetiniń jetekshisi Elmıra Myrza-Ǵalı ártúrli reıdter boıynsha aýdandardy aralap shyqqandaryn jetkizýge tyrysqanymen, aımaq basshysy nátıjesiz jumystyń eshkimge kerek emestigin eskertti.

«Bir mektepte bir jyl ishinde jasóspirimder arasyndaǵy sýıtsıdtiń eki deregi tirkelgen. Buǵan qalaı jol berýge bolady?» Aımaq basshysynyń bul suraǵyna T. Rysqulov aýdandyq bilim berý bóliminiń basshysy: «Dırektor jumystan bosatyldy, túsindirý jumystary júrgizilýde» degen taptaýryn jaýappen qutyldy. Sonymen qatar, ata-analardyń osy aýdannyń mektepterindegi muǵalimderge qatysty shaǵymdary tolastamaı turǵany nazar aýdararlyq dúnıe.

Oblystyń 40 myń pedagogynyń aldyndaǵy basty úsh mindetti ataǵan aımaq basshysy bilim, tárbıe jáne tártip berý jumystaryn kúsheıtýdi tapsyrdy.

Aıta ketý kerek, bul sala boıynsha jetistikter de joq emes, ol týraly salalyq basqarma basshysynyń m.a. Jámılıa Bekbatyrova baıandady. Aıtalyq, 1891 muǵalim respýblıkalyq jáne halyqaralyq konkýrstardyń jeńimpazy atansa, oblys oqýshylary pándik olımpıadalarda 132 medalǵa qol jetkizgen. Osy oraıda óńirdiń 10 mektebi respýblıka boıynsha 100 úzdik mektep qataryna enip otyr.

Oblys ákimi Masanshy aýylyndaǵy mektepterdiń birinen on jyl boıy birde-bir «Altyn belgi» nemese Úzdik attestat ıegeri shyqpaǵanyn, tek bir ǵana túlektiń JOO-na grantqa qol jetkizgenine nazar aýdartty. Mine, Qordaı oqıǵanyń túpki sebebin osydan izdeý kerek. Bul sapaly bilim men jas urpaqty tárbıeleý, ulttyq dástúrlerden alshaqtaý, mádenı-buqaralyq is-sharalardy uıymdastyrý deńgeıiniń tómendigin kórseteri sózsiz.

- Keıingi kezderi muǵalim úshin eń basty maqsat – kóp saǵat alý. Tezirek sabaǵyn berip, úıge ketýge asyǵady. Al balalardyń sapaly bilim alýy úshin kim jaýapty? Durys tárbıe men bilimge den qoımaǵan jetkinshekter túrli quqyq buzýshylyqtar jasaıdy! Biz bul oraıda ulttyq dástúrlerdi, dala fılosofııasyn, Abaı men Shákárim eńbekterin negizge alý kerekpiz, - dedi bilim berý ardageri Kamılash Ahmetova.

Óz kezeginde J. Bekbatyrova negizgi másele retinde pedagogtardyń biliktiliginiń tómendigin atap ótip, syrttaı bólimde oqý oqyp, dıplom alatyndardyń jaıyna nazar aýdartty. Sonymen qatar, óńirdegi oqý oryndarynda 100-den astam mektep ınspektorlary jetispeıtindigi aıtyldy.

Berdibek Saparbaev memleket muǵalimderdiń áleýmettik jáne eńbek jaǵdaıyn jaqsartý boıynsha mańyzdy qadamdar jasap jatqanyn, al olardan qoǵam sapaly bilim berýdi talap etip otyrǵanyn taǵy da atap ótti. Mektep reıtıngterin qurýdyń mańyzdylyǵy, muǵalimderdiń kásibı ósýge deń qoıýy, zamanaýı ádistemelerdi engizý, jahandaný jaǵdaıynda jańasha oılana bilý jaıy aıryqsha eskerildi.

Aımaq basshysy sport zaldary men bilim berý jáne Mádenıet nysandary barlyq jergilikti turǵyndar úshin, ásirese jastar úshin qoljetimdi bolý kerektigin basa aıtty.

Sondaı-aq, Nazarbaev Zııatkerlik mektepteriniń tájirıbesi aımaqtyń barlyq oqý oryndaryna taralýy tıis, al tehnıkalyq jáne kásiptik bilim berý uıymdary kásiporyndardyń ótinimderi boıynsha tek eńbek naryǵyndaǵy suranysqa ıe mamandardy ǵana daıyndaýǵa mindettelýi qajet.

Kezdesýdi qorytyndylaǵan Berdibek Saparbaev jaýapty tulǵalardy BAQ pen áleýmettik jelilerdegi synı eskertýlerge jedel ári muqııat den qoıýǵa shaqyrdy.



Bizdiń kanalymyzǵa jazylyńyz:

Basty sózder: Jambyl oblysy,
Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT