+7 (701) 759 90 19
USD 447.67 EUR 491.36
RUB 5.74 CNY 63.07
Jańalyqtar

Berdibek Saparbaev Jambyl oblysyndaǵy aýyldardyń tynys-tirshiligimen tanysty

2020 jylǵy 23 aqpan 09:04
Bólisińiz:
Berdibek Saparbaev Jambyl oblysyndaǵy aýyldardyń tynys-tirshiligimen tanysty

TARAZ. QazAqparat – Jambyl oblysynyń ákimi Berdibek Saparbaevtiń aýdandardaǵy jumys sapary Jambyl aýdanynan bastalyp, T.Rysqulov aýdanynda jalǵasyn tapty. Bul týraly oblys ákiminiń baspasóz qyzmeti málimdedi, - dep habarlaıdy QazAqparat.

Jambyl oblysynyń ákimi Berdibek Saparbaev T.Rysqulov aýdanyndaǵy jumys sapary barysynda mektep, aýrýhana, mádenıet úıi, turǵyn úı-kommýnaldyq sharýashylyq nysandaryn aralap, jergilikti turǵyndarmen kezdesip, ózekti máselelerge nazar aýdaryp, óńirdiń odan ári damýyna qatysty josparlarǵa kóńil bóldi.


Aldymen Qumaryq aýylyndaǵy Boltaı Batyr atyndaǵy mektepke at basyn burǵan aımaq basshysyna aýdannyń bilim berý salasyndaǵy atqarylyp jatqan jumystarynyń jaıy baıandaldy. Aýdandaǵy 39 mektepte barlyǵy 19,5 myń oqýshy bilim alýda. Aǵymdaǵy jyldyń qyrkúıek aıyna deıin olardyń barlyǵy sanıtarlyq toraptarmen qamtamasyz etilmek. Alaıda, óńirdegi mektepterdegi 700 orynnyń tapshylyǵy basty máselelerdiń birine aınalyp otyr.

Pedagogtarmen erkin dıalog barysynda oblys ákimi memleket tarapynan ustazdardyń áleýmettik jaǵdaıyn jaqsartý, mártebesin kóterý, jalaqylaryn arttyrý boıynsha barlyq tıisti sharalar atqarylyp jatqandyǵyn aıta kele, soǵan saı bilim sapasyn arttyrýǵa da asa den qoıylý kerektigin aıryqsha atap ótti.


Atalǵan aýyldyń Mádenıet úıinde qumaryqtyqtarmen júzdesken Berdibek Saparbaev moraldyq-adamgershilik tárbıe turǵysyndaǵy jumystardy kúsheıtý kerektigin basa aıtty. Sondaı-aq, aýdandaǵy alty eldi mekende jańa Mádenıet nysandary salynatynyn, tórteýine kúrdeli jóndeý jumystary júrgiziletinin jetkizdi. Aımaq basshysy jergilikti jurtshylyqty Abaı, Ál-Farabı, Altyn Orda, Uly Jeńistiń mańyzdy datalaryn óz deńgeıinde atap ótýge barynsha atsalysýǵa shaqyrdy.

Qumaryq aýyldyq okrýgi oblys turǵyndarynyń turmystyq tabysyn jaqsartý jobasyna engen 11 okrýgtiń biri bolyp tabylady. Onda búgingi tańda kooperatıv qurylyp, qajetti tehnıkalar satyp alynǵan. Sharýalar 250 mıllıon teńgeden astam qarjyǵa mal alyp úlgergen. Bul jobaǵa atalǵan okrýgke qarasty Qumaryq, Qarakemer jáne Alǵabas aýyl turǵyndary qatysýda.

«Bul joba aıasynda belsendi eńbek etýlerińiz kerek. Sizderdiń eńbekterińizdiń jemisti bolýy atalǵan qanatqaqty jobanyń tek oblys qana emes, respýblıkaǵa da keńinen taralýyna múmkindik bermek. Bul óz turmystaryńyzdy ońaltýǵa úlken kómek», - dep atap ótti aımaq basshysy.

Kezdesýde shopan Jandos Jabyqov jaıylymnyń joqtyǵyna shaǵymdanyp, jerdi alyp alyp, paıdalanbaıtyndardyń máselesin kóterdi.

«Jerdi tıimdi paıdalaný kerek. Aýdan, aýyl ákimderi árbir sotyq jerdiń esebin júrgizýi tıis. Eger jer paıdalanýsyz jatsa, biz ony alyp, basqa sharýaǵa beremiz. Jer memleketke tıesili jáne halyq úshin jumys isteýi kerek», - dedi oblys ákimi.

Sondaı-aq, jıynda Qarakemer aýylynda balabaqsha salý máselesi kóterildi. «Bekzat» sharýa qojalyǵynyń basshysy Áldibek Ámireev bul máseleni óz moınyna alyp, mektepke deıingi mekeme salý jumysy osy kóktemde bastalatynyn málimdedi.


Oblys ákimi Qulan joǵary agrotehnıkalyq kolledjiniń dırektory Saıasat Eseev arnaıy orta bilim berýdi damytý qıyndyqtarymen bólisti. Munda toǵyz mamandyq boıynsha 639 stýdent bilim alýda, negizgi baǵyttar – agronomııa jáne veterınarııa. Óz jataqhanasy bar, jergilikti sharýa qojalyqtarynan arnaıy shákirtaqy taǵaıyndalǵan, olarmen tájirıbe ótýge kelisimsharttar jasalǵan. S. Eseev óńir basshysyna tigin jáne aspazdyq is sııaqty baǵyttardy damytý úshin qoldaý kórsetýdi surady. Aýdanda osy mamandyqtardy meńgergisi keletin qyzdar kóp.

Rysqulov aýdany kóptegen qazaqstandyq chempıondardyń, sonyń ishinde Ermahan Ibraımov, Islam Baıramýkov, Aqjúrek Tańatarov, Eldos Smetov jáne t.b. sport sańlaqtarynyń týǵan topyraǵy ekeni belgili. Bul el maqtanyshtarynyń fotosýretteri Qulan aýylyndaǵy jańa sport saraıynyń qabyrǵasyna ilingen.

Jalpy aýdannyń jappaı sportpen qamtylý deńgeıi 30,7 paıyzdy quraıdy. Keshen zaldary kúndiz de, keshke de bos turmaıdy.

«Jastardyń bos ýaqytyn uıymdastyrýǵa erekshe kóńil bólý kerek», - dep atap ótti B. Saparbaev.

Aýdandyq bilim bólimine qarasty «Balapan» bóbekjaı-baqshasy eń úzdik mektepke deıingi mekemelerdiń biri bolyp tabylady. Al aýdannyń eń úzdik mektebi – 1600 bala oqıtyn Álıhan Bókeıhanov atyndaǵy oqý orny. Oqytýshylar quramynyń biliktiligi túlekterdiń joǵary oqý oryndaryna túsý kezinde jaqsa nátıjege qol jetkizýge múmkindik berip otyr.


Aýdan ákimi Erbolat Sadyrqulovtyń jańa «Araı» alqabynda jańa mektep salý týraly usynysyna Berdibek Saparbaev jaýap berip, bul boıynsha demografııalyq jaǵdaıdy jáne bilim berý protsesiniń sapasyn eskere otyryp, jan-jaqty taldaýdy talap etetinin aıtty.

Óńirdegi negizgi problemalardyń biri aýyz sý máselesi. Oǵan aımaq basshysy Qulan aýylyndaǵy sý tartý qurylystarynyń basyna barǵan kezde kóz jetkizdi. 2003 jylǵy jer silkinisinen keıin rezervýarlar jarylyp, sodan beri irkilispen jumys isteýde. Quny 434 mıllıon teńge turatyn sorǵy qurylǵy stantsııasy men rezervýarlardy qaıta jańǵyrtý jobasy aǵymdaǵy jyly iske asyryla bastaıdy.

Sondaı-aq, aıta keteıik aýdandyq ortalyq aýrýhananyń jeti bóliminde barlyǵy 107 tósek-orny bar. Emdeý mekemesine ótken jyly 169 mıllıon teńgege qural - jabdyqtar satyp alynǵan. Qazirgi tańda, onda kardıolog, otolarıngolog, anestezıolog-reanımatolog dárigerleriniń oryndary bos. MÁMS júıesine 734 adam enbegen desek, bul turǵydaǵy jumystar jalǵasyn tabýda.

«Kelýshilerdi tıisti qolaıly emdeý jaǵdaılarymen tolyq qamtamasyz etý úshin barlyq jaǵdaı jasalýy qajet. Emdelýshilermen qarym-qatynasta dárigerler meıirimdilik pen sypaıylyqqa asa kóńil bólý kerek», - dedi B. Saparbaev.

Jumys sapary sońynda aýdan ortalyǵynyń Mádenıet úıinde aýdan aktıvimen kezdesý ótti. Kezdesý barysynda oblys ákimi sapardan alǵan áserlerimen bólisip, negizgi kórsetkishterge toqtalyp ótti.

«Sizderdiń aýdandaryńyz óte tıimdi aımaqta ornalasqan. Bul jerdi halyqaralyq trassalar kesip ótedi. Turǵyndar logıstıkalyq múmkindikterdi paıdalaný, shaǵyn bıznesti damytý, jylyjaılar salý, memlekettik baǵdarlamalarǵa qatysýda belsendilik tanytýy qajet. Men aýylda jumys joq degenge kelispeımin. Eńbek etkisi kelmeıtin adam sebep izdeıdi, al jumys istegisi keletin adam múmkindik izdeıdi», - dep atap ótti Berdibek Saparbaev.



Bizdiń kanalymyzǵa jazylyńyz:

Basty sózder: Jambyl oblysy, Ákim, Ekonomıka, Qoǵam,
Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT