+7 (701) 759 90 19
USD 437.20 EUR 475.32
RUB 5.79 CNY 61.94
Jańalyqtar

Berdibek Saparbaev Talas aýdanynyń turǵyndarymen kezdesti

2020 jylǵy 26 aqpan 13:20
Bólisińiz:
Berdibek Saparbaev Talas aýdanynyń turǵyndarymen kezdesti

TARAZ. QazAqparat – Jambyl oblysynyń ákimi Berdibek Saparbaev Talas aýdanyndaǵy birqatar áleýmettik, turǵyn úı-kommýnaldyq sharýashylyq nysandaryn jáne óndiris oryndaryn aralap, ınfraqurylym jumystarymen tanysty, dep habarlaıdy QazAqparat ákimniń baspasóz qyzmetine silteme jasap.

Uqsas jańalyqtar
Berdibek Saparbaev dinı joralǵylarda ysyrapshylyq jasamaýǵa shaqyrdy

Oblys ákimi jergilikti turǵyndarmen kezdesip, olardyń aıtqandaryna qulaq túrip, tolǵandyrǵan ózekti máselelerine kóńil bóldi

Óńir basshysy aýdandaǵy jumys saparyn Qasqabulaq aýylynan bastady. Atalǵan shaǵyn aýylda 1937 jyldan beri kúrdi dıasporasy bar. Olar negizinen mal sharýashylyǵymen aınalysady.

Aıta ketý kerek, bul aýylda sońǵy jyldary birde-bir qylmys bolmaǵan. Ataýly áleýmettik kómek alýshylar tirkelmeýi, aýyl dúkenderinde ishimdik satylmaýy osy eldi mekenniń ereksheligi deýge bolady. Qasqabulaqtyqtar bastamashyl ári eńbekke beıim. Ondaǵy ár otbasynda shamamen 5-6 baladan bar desek, aýyl turǵyndarynyń deni jastar.

Berdibek Saparbaev aýyldaǵy 2018 jyly paıdalanýǵa berilgen orta mekteptiń jumysymen tanysty. Onda 135 oqýshy bilim alady.

Ákim jergilikti klýbta aýyl turǵyndarymen kezdesti.

«Biz bárimiz – Qazaqstan Respýblıkasynyń azamattarymyz. Talaı syndarly kezeńderdi birge keship, soǵys jyldaryndaǵy aýyr sátterdi birge eńserdik. Búginde bizdiń basty baılyǵymyz – qoǵamdaǵy beıbitshilik pen berik dostyǵymyz ekenindigine eshkim kúmán keltire almaıdy. Osy oraıda óskeleń urpaqty ulttyq bolmys pen úlkenderdi qurmetteý sekildi asyl qasıetter aıasynda tárbıeleýge asa kóńil bólý qajet», - dep atap ótti Berdibek Saparbaev.

Sondaı-aq, aýyl turǵyndarynyń ótinishine qulaq asqan aımaq basshysy aýyldy ekige bólip aǵatyn «Tamdy» ózenine kópir salýǵa kómektesýge ýáde berdi.

Sondaı-aq, aımaq basshysy Qarataý qalasyndaǵy «Igilik» kommýnaldyq qazynalyq kásiporny, «Talas ınvestment kompanı» jáne «Qarataý PRO» jaýapkershiligi shekteýli seriktestikteriniń jumysyna da qanyqty.

Aıta ketý kerek, Talas aýdany ortalyǵynyń basty máseleleriniń biri – qańyrap bos turǵan nysandar. Qarataý qalasynda ótken ǵasyrdyń 90-shy jyldary turǵyndary tastap ketken bos turǵyn úıler paıda bola bastady desek, olardyń sany 15-ke jetken. Búginde onyń 10-y jeke menshikke ótip ketken. Qalǵan 5 úı kommýnaldyq menshikte desek, olardy qalpyna keltirý sharalaryna kóńil bólgen aımaq basshysy joba qunyna alańdaýshylyq tanytty.

«40 jyldan asqan úılerdi satyp alý nemese jóndeý qanshalyqty tıimdi? Bul arqyly bıýdjet qarajatyń qanshalyqty únemdeı alamyz? Eger bul úılerdi jańǵyrtý qurylysynyń quny jańa turǵyn úı salýmen birdeı bolsa, onda ne aıyrmashylyq bar?» – degen aımaq basshysy bul baǵyttaǵy sharalardy barynsha zerdeleý kerektigin jetkizdi.

Sonymen qatar burynǵy aýdan ortalyǵy bolǵan Aqkól aýylyna arnaıy barǵan B.Sapabaev birqatar nysandardy aralap, turǵyndarmen kezdesti. Kezdesý barysynda kuny 2,8 mıllıard teńge bolatyn Aqkól-Qoıgeldi jolynyń qurylysy týraly másele kóterildi. B.Saparbaev atalǵan joba qunynyń az emestigin aldyǵa tartyp, bul oraıda muqııat zerdeleý jumystaryn júrgizip, sodan keıin ǵana naqty sheshim qabyldanatynyn atap ótti. Sý qoımasyn salý máselesi de osy taqylettes.

Budan soń oblys ákimi arnaıy Talas aýdany aktıviniń jıynyna qatysty. Jıynda aýdan ákimi Baqyt Qazanbasov óńirdiń áleýmettik-ekonomıkalyq damý qorytyndylary men aldaǵy josparlary týraly qysqasha baıandady. Sondaı-aq, basqosýda turǵyn úılerdi tez arada qalpyna keltirý, kásipkerlerge shaǵyn nesıe berý máseleleri kóterildi.

Berdibek Saparbaev aýdannyń ónerkásip salasyndaǵy jetistikterin oń baǵalap, alaıda shaǵyn jáne orta kásipkerlikti damytýda «Eńbek» memlekettik baǵdarlamasynyń tıimdiligin barynsha paıdalana bilý kerektigin atap ótti. Oblystyq ákimdik tarapynan jerlerdi tıimdi paıdalaný boıynsha júıeli tekserý jumystary uıymdastyrylyp, egistikterdi sýarý júıesin qalpyna keltirý jáne sýarmaly alqaptardy ulǵaıtý sharalary qolǵa alynatynyn basa aıtty. Sonymen qatar, bıyl oblys sý qoımalaryna jınalǵan ylǵaldyń kólemi ótken jylǵy mólsherden úsh esedeı az ekendigin eskersek, ol tıisti kezeńde sýarmaly alqapty barynsha sýmen qamtýǵa óz kedergisin keltirýi múmkin. Atalǵan jıynda óńirdi óz azyq-túligimen qamtamasyz etý máselesi de qozǵaldy.

«Oblysta bar-joǵy 32 gektar ǵana jylyjaı bar. Bul – óte az. Kásipkerlik negizdegi bastamalardy jetildirip, monoqalalardy damytý baǵdarlamasynyń múmkindikterin barynsha paıdalaný qajet», - deı kele B. Saparbaev bala ólimi faktileriniń artýyna qatysty alańdaýshylyq bildirdi.

Óziniń qorytyndy sózinde oblys ákimi qoǵamdaǵy beıbitshilik pen kelisimniń mańyzdylyǵyn aıryqsha atap ótip, turaqtylyq bar jerde ǵana ekonomıkanyń ósýi men ómir súrý sapasynyń artýyna qol jetkizýge bolatynyn basa aıtty.


Bizdiń kanalymyzǵa jazylyńyz:

Basty sózder: Jambyl oblysy, Ákim,
Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT