+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Berdibek Saparbaev Prezıdenttiń tapsyrmalaryn júzege asyrý boıynsha keńes ótkizdi

2020 jylǵy 11 shilde 17:32
Bólisińiz:
Berdibek Saparbaev Prezıdenttiń tapsyrmalaryn júzege asyrý boıynsha keńes ótkizdi

TARAZ. QazAqparat – Jambyl oblysynyń ákimi Berdibek Saparbaevtyń tóraǵalyǵymen ótken selektorlyq keńeste Prezıdent Qasym-Jomart Toqaevtyń Úkimettiń keńeıtilgen otyrysynda bergen tapsyrmalaryn júzege asyrý sharalary qaraldy, dep habarlaıdy QazAqparat tilshisi.

Uqsas jańalyqtar
Endigi málimetter naqty bola túspek - Elektrondy densaýlyq saqtaý ortalyǵynyń basshysy Sarapshy: Biriktirilgen COVID-19 statıstıkasy - óte durys sheshim Dáriger koronavırýs pen pnevmonııanyń birikken statıstıkasyna qatysty pikir bildirdi

Keńesti ashqan Berdibek Saparbaev Memleket basshysy koronavırýspen kúres jáne qazaqstandyqtardyń tabysy men ómir súrý sapasyn arttyrý jóninde birqatar mindetter júktegenin atap ótti.

«Prezıdent Qasym-Jomart Toqaev koronavırýstyń taralýyna jol bermeý jáne naýqastardy emdeýde aıtarlyqtaı nátıjelerge qol jetkizýdi tapsyrdy. 9 shildedegi málimet boıynsha, koronavırýs ınfektsııasynyń 1971 jaǵdaı tirkelgen. Eń kóp naýqastar Taraz, Qordaı, Baızaq, Jambyl aýdandarynda. Karantın rejımin qatań saqtaý jáne túsindirý jumystaryn kúsheıtý qajet», - dedi Berdibek Saparbaev.

Taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Berik Jarqynbekovtiń aıtýynsha, mobıldi toptar qyzmetiniń nátıjeleri boıynsha bizdiń oblys reıtıngide kósh bastap tur. Karantın rejımin saqtamaǵany úshin QR Ákimshilik quqyq buzýshylyq týraly kodeksiniń 462-babynyń 3-bóligi boıynsha 79 hattama toltyryldy. Sondaı-aq, monıtorıng toptarynyń músheleri dárilerdi zańsyz satý faktilerin anyqtap, is materıaldary sotqa joldanǵan.

Berdibek Saparbaev mobıldi toptardyń densaýlyq saqtaý salasyndaǵy jumysynyń mańyzdylyǵyna toqtaldy.

«Polıtsııa men sanıtarlyq dárigerler bir-birimen tyǵyz baılanysta jumys jasap, karantındik rejımdi buzǵandarǵa jaýapkershilikke tartý kerek», - dedi aımaq basshysy.

Oblys ákimi koronavırýstyń taralýymen baılanysty jaǵdaıdyń boljamyn jasap, aldyn-ala medpersonal, qosymsha tósek-oryn daıyndap, dári-dármekter men medıtsınalyq jabdyqtar satyp alýdy tapsyrdy.

Densaýlyq saqtaý basqarmasynyń basshysy Marat Jumanqulovtyń aıtýynsha, búginde 70 ottegi kontsentratory bar. Birneshe kún buryn demeýshiler esebinen qosymsha 11 ottegi kontsentratory satyp alyndy, olardyń 5-i gýmanıtarlyq kómek kezinde jetkizildi, al taǵy 4-ýi jergilikti bıýdjet qarajaty esebinen satyp alynǵan.

Oblystyń medıtsınalyq mekemelerinde barlyǵy 146 ókpeni jasandy jeldetý apparaty bar. Jaqynda jergilikti jáne respýblıkalyq bıýdjetten satyp alynǵan 62 ÓJJ qondyrǵysyn jetkizý josparlanýda.

Marat Jumanqulov jeke qorǵanys quraldarymen jetkilikti deńgeıde qamtamasyz etilgenine sendirdi. Aýrýhanalarda 900-den astam bos tósek bar.

Barlyǵy 214 mobıldi top ambýlatorııada em alyp jatqan COVID-19 naýqastaryn, sımptomsyz tasymaldaýshylardy jáne úı karantınindegi adamdardy qashyqtyqtan baqylaýdy júrgizýde.

Oblys ákiminiń 41 buıryǵymen memlekettik mekemelerdiń qyzmettik mashınasy medıtsınalyq mekemelerge ýaqytsha paıdalanýǵa berildi.

Qaýipti vırýspen kúresý úshin qosymsha 80 zeınetker, 25 rezıdent jáne medıtsınalyq oqý oryndarynyń túlekteri jáne qysqa daıyndyq kýrsynan ótken júzden astam jas mamandar tartyldy.

Baıandamashynyń baıandamasyn muqııat tyńdaǵan Berdibek Saparbaev osy baǵyttaǵy jumystardy jalǵastyrýdy jáne medıtsınalyq nysandardyń tolyqtaı daıyndyqta bolýy úshin barlyq resýrstardy paıdalanýdy tapsyrdy.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT