+7 (701) 759 90 19
USD 387.14 EUR 428.18
RUB 6.06 CNY 55.23
Jańalyqtar

Berdibek Saparbaev Pavlodar oblysyndaǵy bilim sapasyn joǵary baǵalady

2019 jylǵy 8 qarasha 16:50
Bólisińiz:
Berdibek Saparbaev Pavlodar oblysyndaǵy bilim sapasyn joǵary baǵalady

PAVLODAR. QazAqparat - Pavlodar oblysyna jumys saparymen kelgen QR Premer-Mınıstriniń orynbasary Berdibek Saparbaev pen Bilim jáne ǵylym vıtse-mınıstri Sholpan Karınova M. Kataev atyndaǵy oqýshylar saraıyn aralady, dep habarlaıdy pavlodarnews.kz.

Uqsas jańalyqtar
Aqtóbelik ólketanýshy vıtse-premerden Kókjıde sý qoryn qorǵaýdy surady Berdibek Saparbaev Shıeli jáne Jańaqorǵan aýdandarynda boldy Ustaz ben dárigerdiń jalaqysy eldegi ortasha aılyqtan joǵary bolýy tıis - Berdibek Saparbaev

Úkimettiń jumys tobyna oqýshylar saraıynda atqarylyp jatqan jumystar tanystyryldy. Sonyń biri – 2018 jyldyń mamyr aıynda ashylǵan balalar tehnosaıabaǵy.


- Tehnosaıabaqta 500-den astam bala bar, - dedi oqýshylar saraıynyń basshysy Alma Erýbaeva. – Barlyǵy tegin bilim alady. Olarmen 14 pedagog jumys isteıdi. Tehnosaıabaq Elbasy Joldaýyn júzege asyrý aıasynda ashylǵan bolatyn. Balalardyń jan-jaqty bilim alýy úshin zamanǵa saı tehnıkamen, 3D prıntermen jabdyqtalǵan. Munda daıyndalǵan jas órender ózderiniń túrli jobalarymen respýblıkalyq baıqaýlarǵa qatysyp turady.

«Tsıfrly Qazaqstan» baǵdarlamasy aıasynda qurylǵan saıabaqta IT-synyp, Start-Up Academy, 3D-modeldeý jáne robotkeshendi zerthanalary, astrozerthana, telestýdııa jumys isteıdi.


- Bilimniń sapaly bolýy birinshiden - ata-anaǵa, ekinshiden – muǵalimge, úshinshiden – bılikke baılanysty, - dep atap ótti Berdibek Saparbaev pedagogtar qaýymymen kezdesýinde. – Sol úsh tarmaq birigip jumys jasasa, bilim sapasy jaman bolmaıdy. Jalpy, Pavlodar oblysynyń bilim sapasyn bilemiz, qarap otyramyz. Sapasy jaqsy. Onyń ústine sońǵy málimet boıynsha, Pavlodar oblysynyń bilim salasy qazirgi tańda birinshi orynda. Bul – óte jaqsy. Birinshiden, tańnyń atysynan, kúnniń batysyna deıingi sizderdiń eńbekterińiz jáne jergilikti bıliktiń qoldaýynyń nátıjesi.


Aıta keteıik, 2018-2019 oqý jylynyń І jarty jyldyǵynda oqýshylar saraıynyń shyǵarmashylyq ujymdary halyqaralyq, respýblıkalyq jáne oblystyq deńgeıdegi 15 baıqaýǵa qatysyp, 39 marapatqa ıe boldy. M. Kataev atyndaǵy oqýshylar saraıynda barlyǵy 3 myńnan astam oqýshy men 152 pedagog bar.

Eske sala keteıik, ótken jyly oqýshylardy jańa zaman talabyna saı jańashyldyqqa úıretip, tárbıelep júrgen oqýshylar saraıy 40 jyldyq mereıtoıyn atap ótti.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT