+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Berdibek Saparbaev: Memleket múmkindikterin tıimdi paıdalaný qajet

2019 jylǵy 22 qarasha 23:37
Bólisińiz:
Berdibek Saparbaev: Memleket múmkindikterin tıimdi paıdalaný qajet

QOSTANAI. QazAqparat – QR Premer-Mınıstriniń orynbasary Berdibek Saparbaev Qostanaıdyń jastar aktıvimen kezdesti, dep habarlaıdy QazAqparat tilshisi.

Uqsas jańalyqtar
Úkimet basshysy EO-ǵa múshe elder dıpmıssııalarynyń basshylarymen kezdesý ótkizdi Asqar Mamın «Rosatom» korporatsııasynyń basshysyn qabyldady Asqar Mamın mobıldik qurylǵy arqyly qoljetimdi memqyzmetter tizbesin keńeıtýdi tapsyrdy

Berdibek Saparbaev Qostanaıdaǵy «Jastar saraıynda» belsendi jastarmen kezdesti. Qostanaılyqtar vıtse-premerge ózderiniń alǵashqy tabystary jáne óńirdegi jastar bastamalary týraly aıtyp berdi. Oblystyq jastar resýrstyq ortalyǵynyń jetekshisi Aıgú
l Abdýllınanyń sózinshe, jastarǵa qyzmet etý ortalyǵy birneshe baǵytta jumys isteıdi.

«Oblystyq jastar resýrstyq ortalyǵynan basqa 19 aýmaqtyq jastar mekemesi óz qyzmetin júzege asyrady. Onyń ishinde 3 qalalyq jáne 16 aýdandyq ortalyq bar. Jastardyń bastamalaryn aqparattyq-ádistemelik, konsýltatsııalyq súıemeldeý jáne qoldaý – bizdiń basty mindetimiz. Jastar ortasyndaǵy jaǵdaıǵa monıtorıng júrgizý jáne taldaý jasaý da bizdiń jumysymyz. Osy negizde jyl boıy praktıkalyq jáne ádistemelik kómek kórsetý boıynsha kóshpeli semınarlar uıymdastyrylady», - dep málimet berdi ortalyq jetekshisi.

A. Baıtursynov atyndaǵy QMÝ Ekonomıka jáne quqyq ınstıtýty dırektorynyń orynbasary Abylaı-Han Kákenov B. Saparbaevqa Qostanaı jastarynyń reseılik áriptesterimen yntymaqtastyǵy týraly baıandady. Jaqynda ǵana qostanaılyq stýdentter Ombyda bolyp, XVI aımaqaralyq yntymaqtastyq forýmyna qatysty. Kákenovtiń sózinshe, reseıliktermen týrızm, volonterlik jáne basqa da baǵyttar boıynsha birlesken jobalar talqylanǵan. Mysaly, Jeńistiń 75 jyldyǵyna oraı izdestirý jasaqtaryn uıymdastyrý josparlandy.

Nazarbek Ómirzaq esimdi jas kásipker memlekettik baǵdarlama arqyly nesıe alyp sharýasyn dóńgeletip otyr.

«Jaqynda áskerden kelip, jeke kásip ashýǵa bel býdym. Negizi, Nur-Sultan qalasyndaǵy kolledjdi támamdadym. «Jas kásipker» baǵdarlamasyna qatysyp, 5 mln teńge nesıe aldym. Tańdaýym evakýator qyzmetine tústi. Tabysym da jaman emes – aıyna 300 myń teńge paıda túsiremin», - deıdi jas kásipker.

Berdibek Saparbaev jastardyń ıdeıalaryn barynsha qoldaý kerektigin atap ótti.

«Nazarbek sııaqty jastardyń kóbeıýi úshin kreatıvti bastamalar kóbirek qajet. Senderdiń bastamalaryńa memleket barynsha qoldaý kórsetedi.

Jastar jyly, aldaǵy eriktiler jyly jáne Prezıdenttik kadrlyq rezervke qabyldaý – bular elimizde jastar ózderiniń maqsattaryn júzege asyra alatynyn kórsetedi. Prezıdent Qasym-Jomart Toqaev bul máselege úlken nazar aýdarady. Biz erekshe jobalardy memleket basshysyna aıtyp otyramyz. Sol sebepti, naqty jospar jasap, iske kirisýden qoryqpańyzdar. Mynadaı «Jastar saraıynyń» elimizde balamasy joq. Oblystyń ákimi múmkindik jasap otyr. Osyny tıimdi paıdalanýdy oılanyńyzdar», - dedi QR Premer-Mınıstriniń orynbasary.

Eske salsaq, búgin Berdibek Saparbaev bastaǵan Úkimettik delegatsııasy Qostanaı oblysyna keldi. Aldymen, Qostanaıdaǵy jas fýtbolshylarmen kezdesti.

Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT