+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Berdibek Saparbaev: Karantın jeńildegenimen, bosańsýǵa jol berilmeıdi

2020 jylǵy 15 tamyz 21:04
Bólisińiz:
Berdibek Saparbaev: Karantın jeńildegenimen, bosańsýǵa jol berilmeıdi

TARAZ. QazAqparat –Jambyl oblysy ákimi Berdibek Saparbaevtyń tóraǵalyǵymen ótken jedel shtab otyrysynda koronavırýspen kúres jospary talqylandy, dep habarlaıdy QazAqparat tilshisi.

Uqsas jańalyqtar
Almatyda sanıtarlyq talapty buzǵan kásipkerlerdiń sany 62 paıyzǵa artty Qaraǵandy oblysynda karantın jeńildetildi Aqtóbede merekelik shara ótkizgen dámhanalarǵa 7 mln teńge aıyppul salyndy

Otyrysta baıandama jasaǵan oblys ákiminiń orynbasary Erjan Jylqybaev naqtyly kezeńde aýrý kórsetkishi tómendep kele jatqanyn jetkizdi.

«Búgingi tańda aýyr jaǵdaıdaǵy naýqastar sany – 16, jan saqtaý bóliminde jatqandar – 31 adam. 214 mobıldik top óz jumysyn jalǵastyryp jatyr. Alaıda olardyń jumysynda keıbir jaǵdaılarda tómendeý bar. Olarmen búgingi tańda 544 hattama toltyrylyp, 28 mıllıon teńgege aıyppuldar salyndy. Eń az aıyppul Jýaly, Sarysý, T.Rysqulov, Moıynqum aýdandary men Taraz qalasynda salynǵan. Halyqtyń áli de maskasyz júrýi, keıbir meıramhana, toıhanalardyń astyrtyn jumys isteý faktileri kezdesedi. Aldaǵy ýaqytta karantındik sharalar jeńildetiledi. Alaıda halyq arasynda túsindirý jumystaryn belsendi jalǵastyrý qajet», – dedi ol.

Sondaı-aq, E. Jylqybaev medıtsınalyq qyzmetkerlerge ústemeaqy tóleýdi uıymdastyrý úshin birneshe ret komıssııa otyrysy ótkenin atap ótti. Óńirde 304 medıtsına qyzmetkeri KVI-men aýyrsa, olardyń árqaısysynyń ınfektsııany juqtyrý jaǵdaılary zerdelenip, anyqtalýda. Olarǵa tıesili ústemeaqy tóleý jónindegi usynystar joldanǵan.

Sonymen qatar, azamattardyń densaýlyǵyn jaqsartý men medıtsına mekemelerin qajetti qural-jabdyqtarmen qamtamasyz etý jumystary jalǵastyrýda. Mysaly, jaqyn kúnderi 4 dana tsıfrly rentgen apparaty, aýyr dárejedegi naýqastarǵa arnalǵan 2 dana EKMO qurylǵysy, 7 kompıýterlik tomograf, 14 ókpeni jasandy jeldetý apparaty jáne basqa jabdyqtar alynbaqshy. Sondaı-aq «Samuryq-Qazyna» arqyly taǵy 8 jedel járdem avtokóligi, 5 ókpeni jasandy jeldetý qurylǵysy men 50 ottegi kontsentratory, «KazTrans Oıl» kompanııasy arqyly taǵy 4 ókpeni jasandy jeldetý apparaty jetkizilmek.

Kelesi kezekte oblys ákiminiń orynbasary Almas Mádıev karantındik rejimdi satylap jeńildetý sharalaryn baıandady. Ol 17-shi tamyzdan bastap barlyq sanıtarlyq-epıdemıologııalyq normalardy qatań saqtaı otyryp ashylatyn shaǵyn jáne orta kásipkerlik nysandaryn tizip shyqty. Naqtyraq aıtsaq, olardyń qatarynda saýda jáne oıyn-saýyq ortalyqtary, saýda jelisi kásiporyndary, bazarlar, sulýlyq salony, shashtaraz, SPA ortalyqtary, kosmetıkalyq qyzmet kórsetetin obektiler, monshalar men saýnalar, fıtnes-ortalyqtary bar. Barlyǵy 477 ShOB nysany jumysyn qaıta bastaıdy desek, onda 6 690 adam eńbek etedi.

Shtab otyrysyn aımaq basshysy Berdibek Saparbaev qorytyndylady.

«Qazirgi tańda KVI-men aýyrý kórsetkishi ósýi áli de bolsa Taraz qalasynda, Qordaı aýdanynda baıqalady. Sondaı-aq Jýaly, T.Rysqulov, Sarysý, Moıynqum aýdandary men Taraz qalasyndaǵy mobıldik toptardyń jumysy óte nashar. Birneshe tekserý júrgizgenmen, eshqandaı zań buzýshylyq anyqtalmady dep esep beredi. Al naýqastardyń tirkelip jatqany bar. Mysaly, Taraz qalasynda keshegi bir túnniń ózinde 8 naýqas tirkeldi», – dedi aımaq basshysy.

Óz kezeginde Taraz qalasynyń ákimi Aıtqazy Qarabalaev bul baǵyttaǵy jumystar júıeli júrgizilip jatqanyna sendirdi. Sondaı-aq osy baǵyttaǵy jumystary nashar dep baǵalanǵan birqatar aýdan ákimderi de jaýap berip, aldaǵy ýaqytta jumysty jandandyrýǵa ýáde berdi.

Oblys ákimi túsindirý jumystaryn kúsheıtý kerektigin eskertti.

«Karantın rejımin kezeń-kezeńimen jeńildetý azamattardy óz densaýlyǵyna jáne aınalasyndaǵylardyń densaýlyǵyna jaýapkershilikpen qaraýdan bosatpaıdy. Epıdemııanyń jańa órshýine jol bermeý úshin biz sanıtarlyq qaýipsizdik erejelerin qatań saqtaýdy jalǵastyrýymyz kerek. Halyq arasynda túsindirý jumystarynyń tıimdiligin arttyrý úshin buqaralyq aqparat quraldarynyń, áleýmettik jelilerdiń múmkindikterin barynsha paıdalaný qajet»,- dedi ol.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT