+7 (701) 759 90 19
USD 389.81 EUR 430.27
RUB 6.06 CNY 54.91
Jańalyqtar

Berdibek Saparbaev elordanyń birqatar sport jáne medıtsınalyq nysandaryn tekserdi

2019 jylǵy 10 qazan 10:06
Bólisińiz:
Berdibek Saparbaev elordanyń birqatar sport jáne medıtsınalyq nysandaryn tekserdi

NUR-SULTAN. QazAqparat - QR Prezıdenti Qasym-Jomart Toqaevtyń tapsyrmalaryn iske asyrý aıasynda QR Premer-Mınıstriniń orynbasary Berdibek Saparbaev Nur-Sultan qalasyndaǵy birqatar sport jáne medıtsınalyq nysandardy aralady. Bul týraly QazAqparat primeminister.kz saıtyna silteme jasap habarlaıdy.

Uqsas jańalyqtar
Óskemende balalarǵa arnalǵan aýrýhananyń qurylysy aıaqtaldy Nur-Sultan men Óskemende ǵana bar: Vıtse-premer robottalǵan hırýrgııa kabıneti jaıynda Mektep baǵdarlamasyna «Ekologııa saǵaty» páni engiziledi - Saparbaev

Vıtse-premerdiń nysandardy aralaýy qalanyń eski medıtsınalyq mekemesi ‒ ortalyq temir jol aýrýhanasyn aralaýdan bastaldy. Onyń korpýstary 60 jyl buryn salynǵan ári qatty eskirgen. Osy ýaqytta aýrýhanada bir ret te jóndeý jumystary júrgizilgen joq. Sonymen qatar, medıtsınalyq mekemede elordanyń halyq kóp ornalasqan aýdandarynyń biri — Saryarqa aýdanynyń turǵyndaryna qyzmet kórsetiledi.

Ákimdik pen Densaýlyq saqtaý mınıstrligi bul máseleni 600 orynǵa arnalǵan jańa medıtsınalyq keshen salý arqyly sheshýdi josparlap otyr. Bolashaq qurylystyń ýchaskesi anyqtaldy. Memlekettik-jekeshelik seriktestik jobasyn iske asyrý úshin Túrkııadan ınvestor tartý josparlanýda.

Vıtse-premer sondaı-aq qaterli isik aýrýlaryn emdeýge joǵary mamandandyrylǵan kómek kórsetetin Kópbeıindi medıtsınalyq ortalyqta boldy. Aldyńǵy jyldary onkologııalyq ortalyq «SQ-Farmatsııa»-ǵa 1,3 mlrd teńge kóleminde qaryz bolyp qaldy. Bul jaǵdaıdy sheshý úshin arnaıy komıssııa quryldy.

Premer-Mınıstrdiń orynbasary jaýapty memlekettik organdarǵa medıtsınalyq ortalyqty naýqastardy emdeýge qajetti dári-dármektermen tolyqtaı qamtamasyz etýdi tapsyrdy.

Sonymen qatar, Berdibek Saparbaev «Qazaqstan» sport kesheninde jáne «Tolqyn» olımpıadalyq rezervtegi mamandandyrylǵan balalar-jasóspirimder mektebinde boldy.

«Qazaqstan» SK 2001 jyly salynǵan, kúrdeli jóndeý jumystaryn júrgizý qajet. Búginde muz arenasy jumys isteıdi, biraq basseınniń apattyq jaǵdaıyna baılanysty jabyq tur. Jalpy, nysan tolyq jańǵyrtýdy qajet etedi. Memlekettik-jekeshelik seriktestik aıasynda sheteldik ınvestordy tartý josparlanýda. Búginde qajetti rásimder oryndalyp jatyr. Kelesi jyly jumystar bastalady. Qurylysty 2023 jyly aıaqtaý josparlanyp otyr», — dedi elorda ákiminiń orynbasary Baqtııar Máken.

«Tolqyn» sport mektebiniń shatyry kúrdeli jóndeý jumystaryn talap etedi.

«Jobalyq-smetalyq qujattamany ázirleýge jergilikti bıýdjetten qarajat bólindi. Konkýrstyń jeńimpazy anyqtalǵannan keıin biz jumysqa kirisemiz. Jóndeý jumystaryn kelesi jyldyń qyrkúıegine deıin aıaqtaýǵa tyrysamyz», — dep sendirdi B. Máken.

Jumys saparynyń qorytyndysy boıynsha Berdibek Saparbaev Densaýlyq saqtaý mınıstrligi men qala ákimdigi aldyna birqatar mindetter júktep, Memleket basshysynyń tapsyrmalaryn oryndaý Úkimettiń erekshe baqylaýynda ekenin atap ótti.

Aıta ketý kerek, Memleket basshysy jaqynda ótken elordany damytý jónindegi keńeste sporttyq nysandardyń qoljetimdiligin arttyrý jáne medıtsınalyq qyzmetterdiń sapasyn jaqsartý jóninde birqatar tapsyrmalar bergen bolatyn.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT