+7 (701) 759 90 19
USD 376.42 EUR 417.41
RUB 6.09 CNY 54.54
Jańalyqtar

Berdibek Saparbaev dári-dármek baǵasynyń qymbattaý sebebin aıtty

2019 jylǵy 23 qarasha 18:02
Bólisińiz:
Berdibek Saparbaev dári-dármek baǵasynyń qymbattaý sebebin aıtty

QOSTANAI. QazAqparat – QR Premer-Mınıstriniń orynbasary Berdibek Saparbaev Qostanaıdyń qoǵam belsendilerimen kezdesýi barysynda medıtsına salasyna qatysty suraqtarǵa jaýap berdi, dep habarlaıdy QazAqparat tilshisi.

Uqsas jańalyqtar
Úkimet basshysynyń orynbasary Qostanaıda dúken aralap, baǵalarmen tanysty Saparbaev: Sheteldik jáne otandyq mamandardyń eńbekaqysynda aıyrmashylyq bolmaýy tıis Mindetin oryndaı almaıtyn JOO-lar men kolledjder qysqartylýy múmkin - Saparbaev

Jıynda sóz alǵan Serik esimdi jergilikti turǵynnyń sózinshe, sońǵy jyldary Qostanaı oblysynyń medıtsınalyq mekemelerine jaqsy jaǵdaı jasalǵan. Shalǵaı aýyldardaǵy emhanalar jas mamandarmen qamtyldy. Alaıda, qajetti dári-dármekter quny aıtarlyqtaı ósip ketken. Ásirese, zeınetkerler osy máselege alańdaýly.

«Oblys ortalyǵyndaǵy dárihanalarda dári-dármekterdiń baǵasy aı saıyn ózgeredi. Men Reseı memleketine jıi baryp turamyn. Ol jaqta baǵany bizdiń eldegimen salystyrýǵa múldem kelmeıdi. Densaýlyq saqtaý mınıstrligi nege aı saıyn monıtorıng jasap turmaıdy? Shymkenttegi farmatsevtıka zaýyty qashan damıdy? Úkimet bul turǵyda qandaı sharalar jasaıdy?», - dep surady ol.

Berdibek Saparbaevtyń sózinshe, medıtsına salasynyń 2025 jylǵa deıingi Damý baǵdarlamasy daıyndaldy. Dári baǵasy Úkimettiń tikeleı baqylaýynda.

«Dári-dármek baǵasynyń sebepsiz ósýi týraly bizge shaǵymdar kelip jatady. Bul máselemen jaqsy tanyspyn. Esterińizde bolsa, osydan eki jyl buryn Memleket basshysy dári-dármek baǵasyn memlekettik retteý jáne farmatsevtıka salasyndaǵy sybaılas jemqorlyqpen kúres júrgizý boıynsha tapsyrma berdi. Elimizde dári-dármektiń 7800 túri bar. Onyń ishinde 3200 dári nomenklatýrasynyń baǵasy memleket tarapynan baqylanady. Jaýapty sala mamandary bul jaǵdaıdy nazarda ustaıdy. Aldaǵy ýaqytta bul dárilerge bir ǵana baǵa qoıylady. Ókinishke qaraı, Qazaqstan dáriniń 70 paıyzǵa jýyǵyn shetelden satyp alady. Sondyqtan otandyq farmatsevtıkanyń tamyryna qan júgirtý úshin arnaıy jospar da qurylǵan. Al Shymkent zaýytyna qatysty aıtarym bar. Ol zaýytqa shamaly ýaqyt qajet. Jaqynda Úkimet basshysymen atalǵan zaýytta boldyq. Memleket barynsha qoldaý kórsetedi», - dep jaýap berdi Berdibek Saparbaev.

Jıynda belgili bolǵandaı, aldaǵy jyldary oblystyń aýdandyq, qalalyq aýrýhanalary zaman talabyna saı qondyrǵylarmen jabdyqtalady.

«Bizdiń maqsatymyz – densaýlyq saqtaý salasynda memlekettik-jekeshelik áriptestikti bir jolǵa qoıý. Bul materıaldyq-tehnıkalyq bazany nyǵaıtyp, turǵyndarǵa sapaly qyzmet kórsetýge jol ashady. Elimizdiń birqatar óńirleri úshin ótkir turǵan ońaltý ortalyqtarynyń máselesi de sheshimin tabady», - dedi Berdibek Saparbaev.

Aıta ketsek, QR Premer-Mınıstriniń orynbasary Berdibek Saparbaev búgin Qostanaı oblysynyń jurtshylyǵymen kezdesti.

Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT