+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Berdibek Saparbaev blokposttardaǵy jumystardyń álsizdigin synǵa aldy

2020 jylǵy 7 sáýir 06:05
Bólisińiz:
Berdibek Saparbaev blokposttardaǵy jumystardyń álsizdigin synǵa aldy

TARAZ. QazAqparat – Jambyl oblysy ákimdiginde beıneselektorlyq rejıminde ótken oblystyq jedel shtab otyrysynda koronavırýstyń taralýyna jol bermeý baǵytynda atqarylyp jatqan jumystar barysy saralandy, - dep habarlaıdy QazAqparat Jambyl oblysy ákimdiginiń resmı saıtyna silteme jasap.

Uqsas jańalyqtar
Karantın kınobıznes salasyna qalaı áser etip jatyr Almatyda sanıtarlyq talapty buzǵan kásipkerlerdiń sany 62 paıyzǵa artty Qaraǵandy oblysynda karantın jeńildetildi

Jıyn barysynda Taraz qalasynda karantın engizilýine baılanysty qabyldanǵan is-sharalar barysy týraly shahar basshysy Aıtqazy Qarabalaev málimdedi.

- Oblys ortalyǵynda karantın engizilýine baılanysty jedel shtab quryldy, onyń quramyna polıtsııa, sanıtarlyq-epıdemıologııalyq qadaǵalaý jáne basqa da qyzmetterdiń ókilderi kirdi. Qala perımetri boıynsha 7 Blokpost ornatyldy, olar qajetti baılanys quraldarymen qamtamasyz etilgen. Karantın kezinde barlyq avtokólik túrleri men azamattardyń qozǵalýy, qoǵamdyq kólik qozǵalysy shektelýde, - dep atap ótti qala basshysy.

Jıyn barysynda oblys ákimi memlekettik aýmaqtyq jáne oblystyq organdar basshylaryna birqatar naqty mindetter júktedi.

- Eń aldymen, halyq arasynda túsindirý jumystaryn kúsheıtý kerek. Bul maqsatta gazetter men telearnalardy ǵana emes, sonymen qatar áleýmettik jelilerdi, basqa da múmkindikterdi paıdalaný qajet. Infektsııanyń aldyn alý boıynsha broshıýralar men jadnamalar shyǵaryp, jappaı taratý kerek, - dep atap ótti ol.

Berdibek Saparbaev tıisti sala basshylaryna blokposttardyń jumysyn kúsheıtýdi, olardyń materıaldyq-tehnıkalyq bazasyn nyǵaıtýdy tapsyrdy. Beketter beınebaqylaý kameralarymen, tıisti ǵımarattarmen jabdyqtalýy tıis. Olarda kez-kelgen adamdar emes, túrli jaǵdaılarda jedel ári oń sheshim qabyldaı biletin, durys áreket alatyn biletin mamandar kezekshilik etýi tıis.

- Statıstıka kórsetkendeı, óńirdegi atalǵan dertke shaldyqqandardyń basym bóligi oblysqa ózge óńirlerden kelgender. Osyǵan oraı blok-beketterdegi jumysty kúsheıtý qajet. Keshe men keıbir blok-beketterde bolyp, ondaǵy jumystardyń óte álsiz uıymdastyrylǵanyna kóz jetkizdim. Kólik pen azamattardyń qozǵalysyn baqylaý nashar júrgizilýde, kóbine salǵyrt qaralýda. Mundaıǵa jol berýge bolmaıdy. Ásirese, Qyrǵyz Respýblıkasymen shekaradaǵy Qarasý jáne Aısha bıbi ótkizý pýnktteriniń jumysyn barynsha shıratý tıis, - dedi aımaq basshysy.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT