+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

Berdibek Saparbaev BQO pedagogtaryna kásiptik bilimge erekshe kóńil bólýge keńes berdi

2019 jylǵy 14 qazan 18:28
Bólisińiz:
Berdibek Saparbaev BQO pedagogtaryna kásiptik bilimge erekshe kóńil bólýge keńes berdi

BATYS QAZAQSTAN OBLYSY. QazAqparat - Batys Qazaqstan oblysyna jumys sapary barysynda QR Premer-Mınıstriniń orynbasary Berdibek Saparbaev pedagogıkalyq qoǵamdastyqpen kezdesý ótkizdi, onda bilim berý salasyn damytý máseleleri talqylandy.

Uqsas jańalyqtar
Úkimet jumys tobynyń Aqmola oblysyna sapary: MÁMS tıimdi tustary túsindirildi Vıktorovka aýylynyń turǵyndary Saparbaevtan aýyz sý máselesin sheshýdi surady - Aqmola oblysy Asqar Mamın Ystanbulda Qazaqstan–Túrkııa Úkimetaralyq komıssııasynyń otyrysyna jáne bıznes-forýmǵa qatysady

Bul týraly QR Úkimetiniń baspasóz qyzmeti habarlady.

Vıtse-premer muǵalimderge Prezıdenttiń Joldaýda alǵa qoıǵan mindetterin júzege asyrý sharalary týraly aıtyp berdi, bilim berý salasyn qoldaý, pedagogtardyń quqyqtaryn qorǵaý jáne jalaqysyn kóterý baǵytynda atqarylyp jatqan aýqymdy jumystarǵa nazar aýdardy.

«Baqytymyzǵa oraı, bizdiń elde daryndy balalar óte kóp. Olar ‒ bizdiń bolashaǵymyz. Biz olardy qoldaýǵa tıispiz. Muǵalimderge úlken jaýapkershilik júktelgen, eger sizder óz mindetterińizdi shyn kóńilmen atqarsańyzdar, bizdiń balalar úlken bıikterge jetedi. Kóp nárse sizderge baılanysty», — dedi B. Saparbaev.

Ol muǵalimder men ata-analar arasyndaǵy ózara baılanystyń álsiz ekenin atap ótti, ony túzetý qajet. Sonymen qatar, oqýshylardy adamgershilikke tárbıeleýge, olardyń ispen shuǵyldanýyna jáne eńbekke tartylýyna kóp kóńil bólý kerek.

«Biz balalardy eńbekke úıretýimiz kerek. Balalar bos ýaqyttaryn barynsha tıimdi ótkizýi kerek. Eger balalar sportpen, ónermen aınalyssa, túrli úıirmeler men sektsııalarǵa qatyssa, olardyń denderi saý, tárbıeli, bilimdi bolady, eń bastysy, olar quqyq buzýshylyq áreketterin jasamaıdy. Bizde kóptegen sport jáne mádenı nysandar bar. Úkimet olardy balalarǵa qoljetimdi etý úshin jumys istep jatyr. Jastardy salaýatty ómir saltyna jappaı tartý kerek. Buǵan ata-analar da óz úlesterin qosýy kerek. Mektep dırektorlary men synyp jetekshileri ata-analarmen tyǵyz baılanys ornatyp, balalarmen kásiptik baǵdarly jumystar júrgizýi abzal», - dedi vıtse-premer.


Sondaı-aq, ol elimizdegi orta arnaýly oqý oryndarynyń orynsyz jumysyna toqtaldy.

«Bizdiń kolledjder olardaǵy jumyspen qamtylý deńgeıi 90% jáne odan joǵary degen statıstıka beredi. Shyndyǵynda, bul nólge teń. Biz ár túlektiń jumysqa ornalasýy zeınetaqy jarnalary týraly anyqtamamen rastalatyn tájirıbeni engizdik, biraq budan da shyǵýdyń jolyn tapty. Bir aıǵa jumysqa turady, aýdarymdar túsken soń, qaǵaz alyp keldi jáne sonymen máseleni jaýyp qoıady. Sondyqtan bizde barlyq jerde kadr tapshylyǵy bar. Bizde bos jumys oryndary suranysqa qaraǵanda kóbirek. Bundaı jaǵdaı oryn almaýy kerek», - dedi Berdibek Saparbaev.

Sondaı-aq, ol kásiptik bilimniń sapasyna erekshe nazar aýdarý qajet ekenin aıtty, kompanııalarda jas mamandarǵa suranys týdyrý úshin onyń deńgeıin arttyrý qajet.

Óńirge jumys sapary barysynda vıtse-premer jurtshylyqpen, belsendi jastarmen, eńbek ardagerlerimen, densaýlyq saqtaý salasynyń qyzmetkerlerimen kezdesýler ótkizdi, sondaı-aq birqatar áleýmettik nysandardy aralap kórdi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT