+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Berdibek Saparbaev birqatar medıtsınalyq nysannyń jumysymen tanysty

2020 jylǵy 21 qańtar 17:34
Bólisińiz:
Berdibek Saparbaev birqatar medıtsınalyq nysannyń jumysymen tanysty

NUR-SULTAN. QazAqparat - Premer-Mınıstrdiń orynbasary Berdibek Saparbaev Nur-Sultan qalasyndaǵy Medıtsınalyq psıhıatrııalyq densaýlyq ortalyǵynyń jumysymen tanysty, dep habarlaıdy QR Úkimetiniń baspasóz qyzmeti.

Uqsas jańalyqtar
Soltústik Qazaqstanda 25 blokpost qoıyldy Nur-Sultan qalasynda taǵy bir adam koronavırýstan emdelip shyqty Asa qajettilik týyndamasa, úıden shyqpańyzdar – Almaty ákimi

Medıtsınalyq mekemede psıhıkalyq aýytqýshylyqtary bar adamdarǵa jáne múgedek jandarǵa densaýlyǵyn qalpyna keltirip, qoǵamǵa oralýyna kómek kórsetiledi. Osy maqsatta eńbek arqyly ońaltý kýrstary uıymdastyrylǵan, onda patsıentter jumysshy mamandyqtaryn ıgere alady. Jyl saıyn 500-den asa adam ońaltý emsharasynan ótedi.

«Biz sondaı-aq áleýmettik beıimdelýge kómektesemiz, konsýltatsııalar, áleýmettik daǵdylar trenıngterin ótkizemiz, psıhologııalyq bilim, otbasylyq keńes berýmen aınalysamyz. Kómekti bilikti mamandar kórsetedi. Osylaısha, biz ońaltýdyń keshendi máselelerin sheshemiz», -dep atap ótti ortalyq dırektory Erbol Nurqatov.

2015 jyldan bastap atalǵan medıtsınalyq ortalyqtyń bazasynda «GreenTAL» áleýmettik sheberhanasy tabysty jumys istep keledi, onda áleýmettik jaǵynan álsiz sanattaǵy azamattardy: múgedektigi bar adamdardy, kópbalaly jáne áleýmettik jaǵdaıy tómen otbasylardan shyqqan azamattardy, burynǵy sottalǵandardy oqytady jáne odan ári jumysqa ornalastyrady. Munda medıtsınalyq ortalyqta ońaltýdan ótken patsıentter de jumys taba alady.

Joba jetekshisi Emın Askerovtyń aıtýynsha, bes jyl ishinde sheberhanada 700-den astam adam oqytyldy. Ortasha jalaqy 100-150 myń teńgeni quraıdy.

«Bizdiń negizgi maqsatymyz – aqsha tabý emes, áleýmettik turǵydan álsiz azamattardy jumysqa ornalastyrý úshin jaǵdaı jasaý. Búgingi tańda bizdiń sheberhanada 42 adam jumys isteıdi, olardyń 16-y – densaýlyǵynda mentaldyq kemshiligi bar azamattar. Degenmen, ózderiniń erekshelikterine qaramastan, olar eńbek etip, jalaqy alady, olardyń ómir súrýge jáne jumys isteýge degen yntasy joǵary», - dedi E. Askerov.

Berdibek Saparbaev áleýmettik sheberhananyń jumysyn joǵary baǵalap, Eńbek jáne halyqty áleýmettik qorǵaý mınıstrligine osyndaı tájirıbeni elimizdiń basqa da óńirlerinde taratý máselesin qarastyrýdy tapsyrdy.

Aralanǵan kelesi nysan «DAYR» qoǵamdyq qory boldy, ony І-top múgedegi Ámir Súleımenov ashqan bolatyn. Bir jylǵa jeter-jetpes ýaqytta qorda jumyssyzdar, múgedektigi bar azamattar, tolyq emes jáne kópbalaly otbasylar qatarynan 200-den astam adam AT jáne SMM daǵdylaryna oqytýdan ótti. Olardyń 80%-y jumysqa ornalasty.

«Sizder kópshilikke úlgi bolarlyq ispen aınalysyp júrsizder. Óıtkeni, ómirlik qıyndyqtarǵa qaramastan, sizder ózderińizben tulǵalyq jumys istep qana qoımaı, ózderińizdi jan-jaqty damytyp, óz qabiletterińizdi arttyryp júrsizder, sonymen qatar basqa adamdarǵa belgili bir daǵdylardy ıgerýge jáne jumysqa ornalasýǵa kómektesip júrsizder. Eńbek jáne halyqty áleýmettik qorǵaý mınıstrligi men ákimdik osyndaı jobalardy qoldap, taratýy kerek», - dep atap ótti B. Saparbaev.

Sonymen qatar, vıtse-premer iri saýda jelisiniń gıpermarketine bardy. Elorda ákimdigi saýda kompanııasymen birlese otyryp, turmysy tómen otbasylardan shyqqan balalardy kepildik berilgen áleýmettik pakettermen qamtamasyz etý jobasyn júzege asyrýdy josparlap otyr.

«AÁK alatyn otbasylarǵa plastıkalyq kartalar beriletin bolady. Olardyń kómegimen azyq-túlik ónimderi men gıgıenalyq jıyntyqtardy tikeleı dúkenderden alýǵa bolady. Bıyl ataýly áleýmettik kómekpen jáne áleýmettik pakettermen 4 200-ge jýyq áleýmettik jaǵdaıy tómen otbasylardy qamtýdy josparlap otyrmyz. Atalǵan maqsatqa 2 mlrd teńgeden astam qarjy bólindi» , - dedi qala ákiminiń orynbasary Baqtııar Máken.

Jobany osy jyldyń naýryz aıynda iske qosý josparlanýda.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT