+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

Berdibek Saparbaev: Basty mindet – jańa jumys oryndaryn ashyp, jalaqyny kóbeıtý

2020 jylǵy 3 naýryz 05:43
Bólisińiz:
Berdibek Saparbaev: Basty mindet – jańa jumys oryndaryn ashyp, jalaqyny kóbeıtý

TARAZ. QazAqparat – Jambyl oblysynyń ákimi Berdibek Saparbaevtyń tóraǵalyǵymen ótken apparattyq keńeste ónerkásipti, shaǵyn jáne orta bıznesti damytý máseleleri qaraldy, dep habarlaıdy QazAqparat oblys ákiminiń baspasóz qyzmetine silteme jasap.

Uqsas jańalyqtar
Almatyda birqatar óndiristik tseh modernızatsııadan ótti Almatylyqtardyń ⅔  qatań shekteý sharalary kezinde jumys oryndaryn saqtap qalady Almaty aýyr mashına jasaý zaýyty karantın jaǵdaıynda qalaı jumys istep jatyr

Oblys ákiminiń orynbasary Nurjan Kalenderov habarlaǵandaı, qańtar-aqpan aılaryndaǵy ónerkásip óndirisiniń naqty kólem ındeksi ótken jyldyń kórsetkishinen 84 paıyzǵa joǵary deńgeıde qalyptasady dep boljanýda. Degenmen, hımııa ónerkásibindegi kórsetkish kóńil kónshitpeıdi. Oǵan «Qazfosfat» JShS bir peshiniń isten shyǵýy jáne «Talas Investment Company» JShS zaýytyndaǵy birqatar jóndeý jumystary sebep bolyp otyr. Al, azyq-túlik salasyndaǵy kórsetkishtiń tómendeýi reseılik arzan qanttyń quıylýyna baılanysty Taraz jáne Merki qant zaýyttarynyń jumysynyń turalaýymen túsindirildi. Bul oraıda máseleni sheshý úshin zańnamalyq deńgeıde tıisti sharalar qabyldaý qajettigi aıtyldy.

Sondaı-aq, búginde «Amangeldi GÓZ» JShS óziniń jalpy qýatynyń bar-joǵy 20 paıyzynda jumys istep otyr. Osy turǵyda kezdesip otyrǵan kedergini energetıka mınıstrligimen birlesip sheshý, qajetti shıkizatpen qamtamasyz etý máselesi kóterildi. Al «Jambylgıps» JShS qoımasyna jınalǵan eki myń tonna daıyn ónimdi satýda qıyndyq týyp otyr. 2018 jyldyń maýsym aıynda jumysyn toqtatqan «Hantaý» tsement zaýyty Qazaqstannyń ınvestıtsııalyq qoryna ótken. Búginde jańa ınvestorlar izdestirilýde.

Sonymen qatar, jıynda tıisti erejeniń ózgerýinen qorǵanys mınıstrligi úshin daıyndalatyn 80 myń jup aıaq kıim daıyndaý týraly ındýstrııa jáne ınfraqurylym mınıstrligi men «TarazKojObýv» JShS arasyndaǵy kelisimshart óz kúshin joıǵany aıtyldy.

Bıyl jalpy quny 88 mlrd teńge bolatyn 18 ınvestıtsııalyq jobany iske asyrý kózdelgen desek, onyń 11-i ındýstrıaldyq kartaǵa engizilgen. «Qarapaıym zattar ekonomıkasy» baǵdarlamasy aıasynda «Qazfosfat», «Talas Investment Company», «Sýper farm», «Merke irimshik zaýyty», «Agrospetsstroı» jáne «Mark of Perfection»JShS kásiporyndarynda óndiristi keńeıtý josparlanǵan.

- Ónerkásip ekonomıkany damytý jolynda negizgi kúshke ıe. Árbir basshy kabınette otyrmaı, kásiporyndarmen tyǵyz jumys jasap, olardyń máselelerin zerdeleı otyryp, sheshýge kómek kórsetý qajet. Qant zaýyttarynyń jumysyn jandandyrý boıynsha usynystardy ázirleńizder olardyń sharýalar aldyndaǵy boryshtaryn óteý jospar-kestesiniń oryndalýyn baqylaýdy kúsheıtý qajet. Mınıstrliktermen tyǵyz baılanysta jumys istep, aıaqkıim tigýshi kásáporynmen kelisimshart ornatý kerek. Basty mindet – adamdardyń tabysyn arttyrý, jańa jumys oryndaryn ashý jáne jalaqyny arttyrý, - dep atap ótti aımaq basshysy.

Qazirgi tańda shaǵyn jáne orta kásipkerlik salasynda óńirde belsendi 70,1 myń sýbekt tirkelgen desek, onda 125 myń adam jumys isteýde. Olarmen 2019 jyly shyǵarylǵan ónimniń boljamdyq kórsetkishi 500 mlrd.teńgeni qurap otyr. Aǵymdaǵy jyly belsendi sýbektiler sanyn 76 myńǵa deıin jetkizý kózdelýde desek, al olardyń óńirlik jalpy óndiristegi úlesin qazirgi 20,5-ten 23 paıyzǵa deıin arttyrý josparlanyp otyr.

Oblys ákimi jaýapty tulǵalarǵa «Bıznestiń jol kartasy-2020» jáne «Eńbek» baǵdarlamalary aıasynda ótken jyly berilgen granttardyń tıimdi ıgerýine taldaý jasaýdy tapsyrdy. Aǵymdaǵy jyly osy oraıda bólingen qarajat kólemin arttyrý jaıyn qaıta qaraý qajet.

Sondaı-aq óńirlik úılestirý keńesi maquldaǵan 11 jobany ınfraqurylymmen qamtamasyz etý de mańyzdy.

Basqosý barysynda B.Saparbaev sýbsıdııa alǵan aýyl sharýashylyǵy taýaryn óndirýshilerdiń 20 paıyzyn jergilikti qaıta óńdeý kásiporyndaryna nemese 10 paıyzdan aspaıtyn ústeme baǵamen tikeleı naryqqa jiberýi týraly usynysty qoldady. Bul áleýmettik mańyzy bar taýarlardyń baǵasyn olardyń negizsiz ósýine jol bermeı retteýge múmkindik bermek.

Sondaı-aq, Berdibek Saparbaev Doing Business bıznes júrgizý jeńildigi boıynsha reıtıngtegi oblystyń kórsetkishterin jaqsartý boıynsha naqty sharalar qabyldaýdy tapsyrdy.



Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT