+7 (701) 759 90 19
USD 380.19 EUR 419.01
RUB 6.08 CNY 54.81
Jańalyqtar

Berdibek Saparbaev: Balalarymyzdyń qaýipsizdigi biz úshin árqashan birinshi orynda

2019 jylǵy 29 qarasha 12:04
Bólisińiz:
Berdibek Saparbaev: Balalarymyzdyń qaýipsizdigi biz úshin árqashan birinshi orynda

NUR-SULTAN. QazAqparat - 28 qarashada QR Premer-Mınıstriniń orynbasary Berdibek Saparbaev memlekettik jáne quqyq qorǵaý organdary basshylarynyń, oblystardyń, Nur-Sultan, Almaty jáne Shymkent qalalary ákimderiniń orynbasarlarynyń qatysýymen balalar qaýipsizdigin qamtamasyz etý máseleleri boıynsha selektorlyq keńes ótkizdi, dep habarlaıdy QazAqparat primeminister.kz-ke silteme jasap.

Uqsas jańalyqtar
2019 JYLY 2,2 MLN AZAMATQA 80 MLRD TEŃGEGE KÓMEK KÓRSETІLDІ - SAPARBAEV Halyq kún saıyn 37 mlrd teńgege 4 mıllıonnan astam tranzaktsııa jasaıdy - Ulttyq bank tóraǵasy 2020 jyly Qazaqstanda 15 mln sharshy metr turǵyn úı salynady

QR bilim jáne ǵylym vıtse-mınıstri Sholpan Karınovanyń bergen málimetine sáıkes, osy jyldyń 10 aıynda respýblıkada kámeletke tolmaǵandarǵa qatysty 1931 qylmys tirkelgen, bul ótken jyldyń sáıkes kezeńindegi deńgeımen birdeı. Ósim Almaty qalasynda – 46,6%, Jambyl – 27,8%, Atyraý – 23% oblystarynda baıqalady.

Vıtse-mınıstr balalardyń qaýipsizdigin qamtamasyz etý sharalarynyń biri — bilim berý mekemelerin beınekameralarmen jabdyqtaý ekenin atap ótti. Osylaısha, mektepke deıingi mekemelerdiń 74,5%-y jáne mektepterdiń shamamen 80%-y beınebaqylaý júıelerimen jabdyqtalǵan. Qamtamasyz etýdiń tómen paıyzy Soltústik Qazaqstan oblysynda, Aqmola jáne Qostanaı oblystarynda baıqalady.

Sonymen qatar, mektepterdiń 33% astamynda aýla dárethanalary bar. Atap aıtqanda, Túrkistan oblysynda mpektepterdiń 60,3%, Jambyl oblysynda — 59,7%, Almaty oblysynda — 54,6%. Balalardy tasymaldaý úshin qosymsha 186 mektep avtobýsy qajet.

Sonymen birge, Sholpan Karınova balalar sýıtsıdi, balalardyń qazasy men jaraqattanýy týraly birqatar suraqtarǵa toqtaldy. Osy problemalardy sheshý úshin kámeletke tolmaǵandardyń quqyǵyn qorǵaýdy kúsheıtý, turmystyq zorlyq-zombylyqpen kúresý jáne jasóspirimder arasyndaǵy sýıtsıdtik máselelerin sheshý boıynsha Jol kartasy jasalyp jatyr.

Atap aıtqanda, ata-analardyń jaýapkershiligin jáne mekteptegi psıhologııalyq qyzmettiń jaýapkershiligin arttyrýdy, áıelder men balalarǵa qatysty zorlyq-zombylyq úshin jaýapkershilikti qataıtýdy, bilim berý mekemeleri men balalar jappaı baratyn oryndardyń janynda jol qozǵalysy erejelerin buzýshylyqty foto jáne vıdeoǵa túsirýdiń statsıonarlyq júıelerin qamtamasyz etýdi qarastyrady.

Sondaı-aq, balalar attraktsıondary men batýttaryn ornatý, paıdalaný jáne olardyń tehnıkalyq jaǵdaıy úshin jaýapkershilikti arttyrý kútilýde.

Іshki ister mınıstriniń orynbasary Arystanǵalı Zapparov kámeletke tolmaǵandardyń jynystyq qol suǵylmaýshylyǵyna qarsy qylmystar 4%-ǵa, onyń ishinde zorlaý 40%-ǵa jáne seksýaldyq sıpattaǵy zorlyq-zombylyq 24%-ǵa óskenin atap ótti.

Kámeletke tolmaǵandarǵa qatysty zorlyq-zombylyq qylmysynyń artýy BQO-da 140%, Pavlodar oblysynda — 75%, Qostanaı oblysynda — 54%, Almaty oblysynda — 49%, Jambyl oblysynda — 28%, Aqmola oblysynda — 17% qurap otyr.

«Mundaı qylmystardyń 75%-ǵa jýyǵyn jaqyn-jýyqtary jasaıdy: ógeı ákeleri, ákeleri, birge turyp jatqan adamy, týystary, kórshileri men tanystary. Al ata-analar bolsa quqyqtyq saldarynan qashyp, bul faktiler týraly quqyq qorǵaý organdaryna habarlamaıdy», — dedi A. Zapparov.

Onyń aıtýynsha, jasóspirimder arasyndaǵy qylmys jyl saıyn orta eseppen 6%-ǵa tómendep keledi, al bıylǵy jyldyń ótken kezeńinde 9%-ǵa azaıǵan.

«Barlyq qylmystardy derlik mektepter men kolledjderdiń oqýshylary jasaıdy – 88%. Oqýshylardyń jasaǵan qylmystarynyń ósýi Jambyl oblysynda 30%, Mańǵystaý oblysynda — 18%, Qyzylorda oblysynda — 13% tirkeldi. Oqý mekemeleriniń qabyrǵasynda 15 qylmys jasaldy», — dep atap ótti QR Іshki ister mınıstriniń orynbasary.

Sonymen qatar A. Zapparov oqý mekemelerinde qaýipsizdik deńgeıin arttyrý qajettigine nazar aýdardy.

«Elimiz boıynsha mektepterdiń tek 8% nemese 535 mektep kúzet fırmalarymen kelisimshart jasasqan. Qalǵan mektepterde kúzet qyzmetin vahterler, al kóp jaǵdaıda olar – zeınetkerler, atqarǵan. Aqtóbe, Almaty, Atyraý, Jambyl, Qaraǵandy, Qyzylorda, Mańǵystaý, Pavlodar, Soltústik Qazaqstan oblystary jáne Shymkent qalasynda kúzet fırmalarymen birde-bir kelisimshart jasalmaǵan», — dedi ol.

Mektep aýmaǵynda quqyqtyq tártipti saqtaý úshin mektep polıtsııa ınspektorlary birligi engizilgen, qazir olardyń sany 2 myńnan asady. Biraq taǵy sonsha maman jetispeıdi.

Sóz óılegenderdiń baıandamalaryn tyńdaǵan soń Berdibek Saparbaev balalarǵa qatysty bul qaıǵyly jaǵdaılardyń jaýapty memlekettik organdardyń úılesimdi, aldyn alý jáne júıeli jumystardyń júrgizbeýiniń saldary ekenin aıtty.

«Bizdiń balalarymyzdyń qaýipsizdigi biz úshin árqashan birinshi orynda. Másele mynada, biz órt sóndirý komandasy sııaqty jumys isteımiz, qaıǵyly jaǵdaı oryn alǵan soń baryp qarbalasamyz. Eń qolaıly jaýap – aqsha joq. Biraq, bizdiń problemalarymyzdy sheshkisi kelmeıtin basshylar ǵana osylaı jaýap beredi. Barlyq ákimderge kelesi jyldyń 1 qyrkúıegine deıin mektepterdi jyly dárethanalarmen jáne beınebaqylaý júıesimen jabdyqtaý, mamandandyrylǵan arnaıy kúzetpen qamtamasyz etý tapsyryldy», — dedi B. Saparbaev.

Sonymen qatar 2020 jyldyń 1 naýryzyna deıin Іshki siter, bilim jáne ǵylym mınıstrlikterine, sonymen qatar jergilikti atqarýshy organdarǵa mektepterdi ishki rezervter esebinen polıtsııa ınspektorlarymen qamtamasyz etý máselesin sheshý tapsyryldy. Vıtse-premer elektr jelileri men transformatorlardy qorshaý, bilim berý mekemeleriniń perımetri boıynsha qorshaýlar ornatý, joldardaǵy balalar qaýipsizdigi sharalaryn kúsheıtý, azamattardyń áleýmettik álsiz sanattaryndaǵy turǵyn úılerdiń gaz analızatorlary men gaz datchıkterimen jaraqtandyrý jáne t.b. máselelerge nazar aýdardy.

Sonymen qatar, keńeste jalaqy boıynsha bereshekti óteý, áleýmettik aýdarymdardy ýaqytyly qamtamasyz etý, medıtsınalyq qyzmetter men dári-dármekterdiń sapasy máseleleri qaraldy.

Bizdiń kanalymyzǵa jazylyńyz:

Basty sózder: QR Úkimeti, Qaýipsizdik,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT