+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Berdibek Saparbaev: Ataýly kómektiń ortasha mólsheri 105 myń teńgeni quraıdy

2019 jylǵy 24 maýsym 10:32
Bólisińiz:
Berdibek Saparbaev: Ataýly kómektiń ortasha mólsheri 105 myń teńgeni quraıdy

NUR-SULTAN. QazAqparat - Ataýly áleýmettik kómektiń ortasha mólsheri 105 myń teńgeni qurady. Bul týraly búgin halyqpen eseptik kezdesý ótkizip jatqan Eńbek jáne halyqty áleýmettik qorǵaý mınıstri Berdibek Saparbaev aıtty, dep habarlaıdy QazAqparat tilshisi.

«2019 jylǵy 1 sáýirden bastap Elbasynyń tapsyrmasy boıynsha AÁK kórsetý sharttary ózgerdi, oǵan kómek taǵaıyndaý krıterııin arttyrý, ár balaǵa eń tómengi kúnkóris deńgeıinen 70 paıyz nemese 20 789 teńge kóleminde kepildik berilgen aı saıynǵy kómek, otbasynyń jıyntyq tabysynan keıbir járdemaqy túrlerin alyp tastaý kiredi. Nátıjesinde búgingi kúni AÁK 277 myńnan astam otbasyǵa nemese 1,3 mln astam adamǵa tólendi. Jyl basynan beri 67,7 mlrd teńge somasynda AÁK tólendi, tólemniń ortasha mólsheri 105 myń teńgeni qurady», - dedi mınıstr.

Onyń aıtýynsha, ákimdiktermen birlese otyryp, kómektiń 11 túrin qamtıtyn qyzmetterdiń biryńǵaı paketi men áleýmettik qoldaý sharalary ázirlendi. Onyń ishinde 1-4 synyp oqýshylaryn tegin ystyq tamaqpen, mektep formasymen, oqýlyqtarmen jáne kerek-jaraqtarmen, balalar men analarǵa arnalǵan qoǵamdyq kólikte jeńildikti jol júrýmen, balalar lagerlerinde tegin demalýmen jáne taǵy basqalarmen qamtamasyz etý bar.

Eńbek mınıstri óz sózinde, balaly otbasylardy qoldaý sharalaryna nazar aýdardy. Máselen, ana men balany qoldaý maqsatynda bala týýǵa, 1 jasqa deıingi balany kútýge jáne júktiligi men bosanýy boıynsha áleýmettik tólemderge 243 mlrd.teńgeden astam qarajat bólinetin bolady. Zeınetaqylardyń jetkilikti mólsherin qamtamasyz etý úshin dekrettik demalysta júrgen áıelderge zeınetaqy jarnalary sýbsıdııalanady. Aǵymdaǵy jyly osy maqsattarǵa 5,8 mlrd teńge kózdelgen. Qazirgi ýaqytta Qazaqstanda alty jáne odan da kóp balasy bar 237 myńǵa jýyq kópbalaly ana bar, olarǵa járdemaqy tóleýge jyl saıyn 45 mlrd teńge bólinedi.

«Sonymen qatar, QR Prezıdenti Ákimshiligi basshysynyń tapsyrmasy boıynsha biz múddeli memlekettik organdarmen, qoǵam ókilderimen, belsendi azamattarmen birlese otyryp, «Baqytty bala - baqytty ana - baqytty otbasy - baqytty el» Jol kartasynyń jobasyn ázirledik», - dedi B.Saparbaev.

null

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT