+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Berdibek Saparbaev Altyn Ordanyń 750 jyldyǵyna arnalǵan halyqaralyq konferentsııaǵa qatysýda

2019 jylǵy 14 qarasha 10:26
Bólisińiz:
Berdibek Saparbaev Altyn Ordanyń 750 jyldyǵyna arnalǵan halyqaralyq konferentsııaǵa qatysýda

TARAZ. QazAqparat – Tarazda Altyn Ordanyń 750 jyldyǵyna oraı «Talas quryltaıy: tarıh pen taǵlym» atty ǵylymı-tájirıbelik konferentsııa ótýde, dep habarlaıdy QazAqparat.

Halyqaralyq is-sharaǵa Qazaqstan Respýblıkasy Premer-Mınıstriniń orynbasary Berdibek Saparbaev, Mádenıet jáne sport vıtse-mınıstri Órken Bısaqaev pen Jambyl oblysynyń ákimi Asqar Myrzahmetov, Halyqaralyq Túrki akademııasynyń prezıdenti Darhan Qydyráli, ǵalymdar, mádenıet jáne bilim salasynyń qyzmetkerleri, JOO oqytýshylary men BAQ ókilderi qatysýda.

«Bıyl 24 tamyzda «Ulytaý – 2019» halyqaralyq týrıstik forýmy kezinde Prezıdent Qasym-Jomart Toqaev Ulytaýda halyqaralyq deńgeıdegi etnografııalyq týrızm ortalyǵyn qurýdy tapsyrǵan edi. Atalǵan jospardy júzege asyrý maqsatynda 2020 jyly Altyn Ordanyń 750 jyldyǵy atap ótiledi. Osy oraıda daıyndalǵan keshendi josparǵa sáıkes ortalyq deńegeıinde 50-den astam merekelik is-shara ótedi. Bul qatarda otandyq jáne sheteldik ǵalymdardyń qatysýymen halyqaralyq ǵylymı konferentsııa ótkizý, Altyn Ordanyń tarıhyna arnalǵan monografııalar men kitaptar shyǵarý, Ulytaý óńiriniń týrıstik áleýetin ilgeriletý, arheologııalyq qazba jumystaryn júrgizý, derekti fılm shyǵarý qarastyrylýda. Sondaı-aq, Joshy han, Alasha han kesenesine ǵylymı-restavratsııalaý jumystaryn júrgizý, Altyn shoqy taýynyń tóbesindegi Ámir Temir jazýy bar memorıaldyq taqtanyń aýmaǵyn abattandyrý kózdelip otyr. Osy is-sharalar nátıjesinde elimizdiń mádenı murasyn jańǵyrtý úshin platforma qurylyp, Altyn Ordanyń tarıhı-mádenı murasyn nasıhattaýdy UNESCO men UNWTO-nyń halyqaralyq baǵdarlamasyna engizýge alǵyshart jasalmaq»,-dedi B. Saparbaev.

Konferentsııa barysynda Talas quryltaıynyń jáne Altyn Orda memleketiniń 750 jyldyǵy, Júsip Balasaǵunnyń áıgili «Qutadǵý bilik» kitabynyń 950 jyldyǵyna oraı mazmundy baıandamalar jasalyp, qatysýshylar paıymdy pikirlerimen bólispek.

Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT