+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Berdibek Saparbaev: Áleýmettik sala - memlekettiń basym baǵyty

2019 jylǵy 11 qazan 21:16
Bólisińiz:
Berdibek Saparbaev: Áleýmettik sala - memlekettiń basym baǵyty

ATYRAÝ. QazAqparat - Búgin QR Premer- Mınıstriniń orynbasary Berdibek Saparbaev pen Atyraý oblysynyń ákimi Nurlan Noǵaev aımaq jurtshylyǵymen kezdesti, dep habarlaıdy QazAqparat tilshisi.

Uqsas jańalyqtar
Vıktorovka aýylynyń turǵyndary Saparbaevtan aýyz sý máselesin sheshýdi surady - Aqmola oblysy Asqar Mamın Ystanbulda Qazaqstan–Túrkııa Úkimetaralyq komıssııasynyń otyrysyna jáne bıznes-forýmǵa qatysady Densaýlyq saqtaý jáne bilim berý júıeleriniń sapasyn arttyrý: Úkimettik jumys toby Pavlodar oblysyna baryp qaıtty

Úkimet basshysynyń orynbasary óz sózinde el Prezıdentiniń Qazaqstan halqyna arnaǵan Joldaýyndaǵy qoıylǵan mindetterdi sheshýge baǵyttalǵan sharalar týraly baıandady. Negizgi maqsattardyń biri- otandastarymyzdyń ómir súrý deńgeıin kóterý. Jyl saıyn áleýmettik salany qarjylandyrý ósip keledi. Aǵymdaǵy jyly memleket bıýdjetiniń 45% densaýlyq saqtaý, bilim berý, mádenıet pen sportty qarjylandyrýǵa jumsaldy. Taǵy bir mańyzdy maqsat- jalaqy deńgeıin kóterý. Bul másele ókimettiń jyl saıynǵy kún tártibinen túspeı keledi. «Az qamtylǵan, kóp balaly otbasylardy qoldaý kún tártibinen túspeıdi. Osy sanattaǵy otandastarymyzdy qoldaý úshin búginde bıýdjetten 147 mlrd teńge jumsaldy. Bul baǵytta 2 mln adam qamtyldy», - dedi Berdibek Saparbaev.

Osyndaı otbasylarǵa óz isin ashyp, áleýmettik jaǵdaıyn jaqsartyp alý úshin memleket barlyq jaǵdaılardy jasaýda. Esepteýler boıynsha, 8 myń adam óz isin bastap, 7 myń adam ataýly áleýmettik kómekti jeke sharýashylyǵyn damytýǵa jumsaǵan. 3,5 myńǵa jýyq kópbalaly otbasy granttar aldy. Bul da áleýmettik jaǵdaıdy durystap, qoǵamdaǵy ahýaldy qalyptastyrýǵa septigin tıgizedi.

B. Saparbaev ataýly áleýmettik kómek berý týraly aıta kelip, qoldaý kórsetý masyldyq pıǵyldyń órshýine soqtyrmaý kerektigin de atap ótti. Sonymen qatar, daryndy balalardy qoldaý kartasy men 2030 jylǵa deıin jasaqtalǵan balalardyń múddesine arnalǵan Qazaqstan Respýblıkasynyń saıasaty týraly tujyrymdamasy jóninde de bólek áńgime qaýzady. Áleýmettik jaǵynan az qamtylǵan toptarǵa qarjylyq salmaqty azaıtýǵa baǵyttalǵan biraz sharýa atqaryldy. 500 myń otandasymyzdyń tutyný nesıeleri azaıtyldy.

Azamattyq qoǵamdy damytý da ózekti taqyryptardyń biri. Úkimet basshysy orynbasarynyń sózine qaraǵanda, eki tujyrymdama jasaqtalýda: biri- «Eleńdeıtin memleket» jáne 2025 jylǵa deıingi azamattyq qoǵamdy damytý. Bul qujattar jyldyń sońyna deıin daıyn bolýy kerek. « Memlekettik qyzmetkerler óz jurtshylyǵyna eleńdeýi kerek. Azamattardyń birde-bir ótinishi men shaǵymy qaraýsyz nemese jaýapsyz qalmaýy tıis»,- dep atap ótti Berdibek Saparbaev.

Sondaı-aq ol bilim berý salasyndaǵy, pedagogtardyń quqyǵyn qorǵaýǵa jónindegi atqarylǵan jumystarǵa da toqtalyp ótti. Materıaldyq jaǵdaılarynyń jaqsarýyna, jalaqynyń ósýine de qatysty birqatar jumystar jalǵasyn taýyp keledi. «Bizde daryndy balalar óte kóp. Bul- eldiń bolashaǵy. Olardy qoldaýymyz kerek»,- dedi óz sózinde Premer-Mınıstrdiń orynbasary.




Bizdiń kanalymyzǵa jazylyńyz:

Bólisińiz:

Avtor:

Abaı Abylaıuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT