+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Berdibek Saparbaev: Ákimderdiń esebi qurǵaq baıandama, bos ýádemen ótpeýi kerek

2020 jylǵy 26 aqpan 23:30
Bólisińiz:
Berdibek Saparbaev: Ákimderdiń esebi qurǵaq baıandama, bos ýádemen ótpeýi kerek

TARAZ. QazAqparat – Sarysý aýdanyndaǵy eki kúndik jumys sapary barysynda Jambyl oblysynyń ákimi Berdibek Saparbaev birqatar mádenı-áleýmettik nysandardyń, ónerkásip jáne kommýnaldyq kásiporyndarynyń jumysymen tanysty.

Uqsas jańalyqtar
Memleket basshysy ekonomıkany reformalaý jáne jańǵyrtý baǵdarynan aınymaıtyndyǵyn kórsetti - sarapshy pikiri Qazaqstan ekonomıkalyq ósimdi qashan qalpyna keltire alýy múmkin – sarapshy pikiri

Sondaı-aq, jergilikti turǵyndarmen kezdesýler ótkizdi, - dep habarlaıdy QazAqparat oblys ákiminiń baspasóz qyzmetine silteme jasap.

Oblys basshysynyń aýdandaǵy jumys sapary Saýdakent aýylynan bastaldy. Atalǵan aýyldaǵy emhana ǵımaratyna kúrdeli jóndeý jumystaryn júrgizý máselesine nazar aýdarǵan B.Saparbaev ondaǵy emdelýshilerdiń jaı-kúıinen habardar boldy.

Tehnıkalyq-shyǵarmashylyq mektebinde ótken aýyl turǵyndarymen kezdesýde B.Saparbaev áleýmettik salany damytý, aldaǵy basymdyqtardy anyqtaý, jerdiń tıimdi paıdalanylýyn zerdeleý, sýarmaly alqaptardy keńeıtý, sharýa qojalyqtaryn irilendirý, mal basyn kóbeıtý, shaǵyn nesıe men granttar berý arqyly shaǵyn jáne orta kásipkerlikti damytý isine aıryqsha kóńil bóldi.


Aımaq basshysy barǵan kelesi nysan – Jańatas qalasy mańynda ornalasqan qýaty 100 megavatt, quny 130 mıllıon AQSh dollaryn quraıtyn jel elektr stantsııasy boldy. Qurylysy qyzý júrip jatqan JES-tiń búginde 20 jel qondyrǵysy ornatylyp úlgerilgen. Aldaǵy ýaqytta olardyń sany 40-qa jetpek. Qazirgi tańda joǵarǵy voltty elektr ótkizý jelilerin tartý, KEGOC biryńǵaı operatorymen tıisti shart jasasý sharalary aıaqtalǵan. Nysan iske qosylǵan kezde 30 adam turaqty jumyspen qamtylmaq. Sondaı-aq, aýdandaǵy jumys sapary barysynda oblys basshysy reseılik «Evrohım-Tyńaıtqysh» kompanııasy mıneraldy tyńaıtqyshtar shyǵaratyn zaýyt qurylysyn jalǵastyrýda. Bul oraıda salynatyn ınvestıtsııa kólemi 1 mlrd. AQSh dollaryn qurasa, joba júzege asqanda 900-den asa turaqty jumys orny ashylmaq.

Aıta keteıik, Sarysý aýdanyndaǵy apatty jaǵdaıdaǵy jáne úsh aýysymdy mektepterdiń máselesi tolyǵymen sheshilgen. Alaıda, pedagog kadrlardyń tapshylyǵy joq emes desek, Túrkistan aýylyndaǵy M.Áýezov atyndaǵy mektepke at basyn burǵan oblys ákimi 23 shtattyq birliktiń bos turǵanynan habardar boldy.

«Oblysymyzda pedagogıkalyq joǵary oqý orny bola tura, aýdandar muǵalim tapshylyǵy máselesin bastan keshýi orynsyz», - dedi B.Saparbaev.

Budan soń, oblys ákimi basqa da kásiporyndar men aýdanda júzege asýy josparlanyp otyrǵan jobalarmen tanysty.

Oblys basshysynyń aýdandaǵy jumys sapary Jańatas qalasyndaǵy Mádenıet úıindegi aýdan aktıvimen kezdesýde túıindeldi. Basqosýda jergilikti turǵyndar óńirdegi hımııalyq óndiristerdiń qorshaǵan orta men adamdardyń densaýlyǵyna zııandy áseri, aýyz sýdyń sapasy, azyq-túlik baǵasynyń qymbattylyǵy, turǵyn úı qoryn qalpyna keltirý, múgedektigi boıynsha járdemaqy tóleý máselelerin kóterdi.

«Biz qolda bar áleýetti azamattardyń ál-aýqatyn jaqsartý, ekonomıkanyń ósýi men áleýmettik mindetterdi sheshý jolynda barynsha paıdalanýǵa tıispiz. Aýdannyń damýyna óz úlesin qosyp otyrǵan «Eýrohım Tyńaıtqysh« jáne «Qazfosfat« iri kásiporyndarynyń mańyzy erekshe.

Azyq-túlik baǵasy ósip otyrǵanyn jasyra almaımyz. Óıtkeni ózimizden óndiriletin ónim az. Osy oraıda aýyl turǵyndary birinshi kezekte ózin de, oblys halqyn da óz azyq-túligimen qamtamasyz etýge barynsha atsalysýy tıis.

Ártúrli memlekettik baǵdarlamalarǵa belsendi túrde qatysyp, tómen paıyzdy nesıeler arqyly óz kásipterin ashýǵa talpyný kerek.

Biz óndiris oryndarynyń ekologııalyq normalardy saqtaýyn, azamattardyń densaýlyǵyn qorǵaýdy qatań baqylaýda ustaımyz. Bul – bıliktiń negizgi mindetterniniń biri.

Men ákimderge halyqpen jıi kezdesýler ótkizip, azamattardyń saýaldaryna qulaq túrip otyrý kerektigin basa aıtqym keledi. Ákimderdiń esepteri qurǵaq baıandama, bos ýádemen ótpeý kerek. Ondaı jıyndarda mańyzdy máseleler kóterilip, ótkir suraqtarǵa tolyq jaýaptar berilýi tıis. Óz halqynan qorqatyn ákim – basshy bola almaıdy, – dep túıindedi aımaq basshysy óz sózin.


Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT