Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 371.56 EUR 422.43
RUB 5.56 CNY 53.51
Jańalyqtar

Benzınniń baǵasy sál-pál ózgerýi múmkin - Qanat Bozymbaev

2018 jylǵy 20 maýsym 16:37 90
Bólisińiz:
Benzınniń baǵasy sál-pál ózgerýi múmkin - Qanat Bozymbaev

ASTANA. QazAqparat - Qazirdiń ózinde elimizde janar-jaǵarmaı artyǵymen óndiriledi. Rezervtiń kólemi bir jarym esege kóp bolyp tur. Oǵan qosa, bir-eki aıda reseılik benzındi ımporttaýǵa tyıym salynady. Tórtinshi munaı óńdeý zaýytyn salý jospary da bar, dep xabarlaıdy QazAqparat tilshisi.

Uqsas jańalyqtar
«QazTransGaz Aımaq» AQ tutynýshylarǵa 268 mln. teńgeni qaıtarady Pavlodar oblysynda kómir arzandady

QR Energetıka mınıstri Qanat Bozymbaevtyń aıtýynsha, Pavlodar men Atyraý munaı óńdeý zaýyttaryn jańartqannan keıin joǵary oktandy benzındi óndirý kólemi artty. "Qazirgi kezde profıtsıt baıqalady. Búgin tańerteń maǵan túsken málimetke sáıkes, rezervte AI-92 markaly benzınniń 358 myń tonnasy boldy. Zaýyttar da benzınge lyq toly. Negizi, qaldyqtyń kólemi 200 myń tonnadan aspasa da jetetin edi. Demek, qazir bizde benzınniń kólemi bir jarym esege artyq bolyp tur. Qyrkúıekte Shymkent munaı óńdeý zaýytyn jańartý jumystary tolyǵymen aıaqtalady. Sol kezde benzınniń kólemi arta túsedi. Qazan aıynda qaldyqtyń mólsheri 500-600 myń tonnaǵa jetýi ábden múmkin", - dedi Q.Bozymbaev Astanada ótken baspasóz máslıxatynda.

Mınıstrdiń aıtýynsha, artyq ónim bolǵanda baǵa sál-pál ózgerýi ábden múmkin. Biraq ony óndirýshi jáne jetkizýshi kompanııalardyń ózderi retteıdi. Sebebi memlekettik retteý sharasyn alyp tastaǵan.

"Iá, usynys kóp bolǵanda ónimdi ótkizý qıyndaý. Sol kezde benzınniń baǵasy sál-pál ózgerýi múmkin. Men naqty boljam aıta almaımyn. Qazirgi kezde biz sol artyq benzındi eksportqa shyǵarý máselesimen aınalysyp jatyrmyz. Árıne, ondaıda benzınniń shetelge kóp ketip qalmaýyn baqylaý qajet. Áıtpese, tapshylyq týyndaýy ábden múmkin. Bizde munaı óńdeý salasynda pysyqaı jigitter kóp qoı. Olar kez kelgen ýaqytta baǵany kóterýge daıar turady. Sondyqtan ishki naryqtaǵy baǵany ustaý úshin eksport pen óz suranysymyzdyń tepe-teńdigin saqtaýymyz qajet. Al benzınniń eksportyn Ortalyq Azııa elderine, sondaı-aq, Kaspıı arqyly júrgizýge tyrysamyz", - dep atap kórsetti Q.Bozymbaev.

 

 

Bizdiń kanalymyzǵa jazylyńyz:

Bólisińiz:

Avtor:

Arman Asqarov

Zagrýzka...
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059
MURAǴAT