+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Belgili aıtysker Áselhan Qalybekova ómirden ozdy

2021 jylǵy 5 shilde 12:46
Bólisińiz:
Belgili aıtysker Áselhan Qalybekova ómirden ozdy

NUR-SULTAN. QazAqparat – Belgili aıtysker, «Halyq aqyny» Áselhan Qalybekova dúnıeden ótti, dep habarlaıdy QazAqparat.

Qaraly habardy Shymkent qalasy ákiminiń orynbasary Shyńǵys Muqan Facebook paraqshasynda málim etti.

«Tańmenen sýyt habar jetti. Áselhan apamyzdyń saǵaty soǵypty. Ótken aıtysta tórimizdi toltyryp, jarqyrap júr edi, jaryqtyq. Amal neshik. Apamyzdyń ımany joldas bolsyn. Halqymyz qazaqtyń dástúrli ónerin qaıta jańǵyrtqan, jańa lep alyp kelgen aıtýly aıtysker aqynnan aıyrylyp qaldy. Jatqan jerińiz jaıly, ımanyńyz joldas bolsyn, apa! Aldyńyzdan jarylqaǵaı.

Ózińizben birge bir dáýir kóshti. Ornyńyz tolsyn. Talaı aqyn qyzdarǵa úlgi bolyp, jol kórsetip, kósh bastap edińiz. Jaratqan aldyńyzdy peıish, artyńyzdy kenish etkeı», - dep jazdy Shyńǵys Muqan.

Áselhan Qalybekova 1950 jyly 22 sáýirde Túrkistan oblysy, Otyrar aýdany, Sháýildir aýylynda dúnıege kelgen. Belgili halyq aqyny Ergóbek Quttybaıulynyń urpaǵy.

1970 jyldary aýdandyq mádenıet bóliminde, aýdandyq gazet redaktsııasynda qyzmet etti.

1971-91 jyldary aralyǵynda aýdandyq aýa raıy mekemesinde baqylaýshy qyzmetin atqarǵan.

1981 – 1982 jyldary sýyryp salma aıtys aqyndarynyń dodasyna qatysa bastady.

Ulttyq ónerge qosqan úlesi men sińirgen eńbegi úshin birneshe marapatqa ıe bolǵan.

1989 jyly Qazaqstan jazýshylar odaǵynyń Jambyl atyndaǵy halyqaralyq syılyǵynyń tuńǵysh laýreaty atandy.

1990 jyly Qazaq KSR Joǵarǵy Keńesiniń 6 sáýirindegi jarlyǵy boıynsha «Qazaq KSRniń Halyq aqyny» qurmetti ataǵymen marapattaldy.

2001 jyly «Qazaqstan táýelsizdigine 10 jyl» medalimen, 2005 jyly Elbasynyń jarlyǵymen elimizdiń joǵarǵy memlekettik marapaty «Parasat ordenimen» marapattaldy.

Otyrar aýdanynyń Qurmetti azamaty qurmetti ataǵymen jáne de kóptegen medaldarmen syılyqtarmen marapattalǵan.


Bizdiń kanalymyzǵa jazylyńyz:

#Qoǵam  
Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT