Belgııada koronavırýsqa qarsy ekpe salý qaıta bastalmaq
2022 jylǵy 26 maýsym 02:07

Belgııada koronavırýsqa qarsy ekpe salý qaıta bastalmaq

NUR-SULTAN. QazAqparat – COVID-19 ınfektsııasyn juqtyrý dereginiń ósýine baılanysty Belgııa bıligi ımmýnıteti álsiz turǵyndardy qaýipti dertten saqtaný maqsatynda vaktsına saldyrýǵa shaqyrdy, dep habarlaıdy QazAqparattyń menshikti tilshisi.

Belgııa mamandary densaýlyǵy osal topqa jatatyn turǵyndar koronavırýsqa qarsy vaktsınanyń tórtinshi dozasyn alýy kerek dep sanaıdy. Qazir elde COVID-19-ben aýrý kóbeıip barady. Sonymen birge, BA.4 jáne BA.5 omıkron-shtamyna shaldyǵý basym.

Eýropa aýrýdyń aldyn alý jáne baqylaý ortalyǵy (ECDC) osy aptada búkil Eýropalyq Odaqta BA.4 jáne BA.5 nusqalary órshı túsetinin, bul naýqastar sanynyń kúrt ósýine ákelýi múmkindigin eskertken bolatyn.

Oksford ýnıversıtetiniń pandemııany baqylaýmen aınalysatyn «Bizdiń álem derekterde» jobasynyń (OWID) málimetterine sáıkes, koronavırýs juqtyrý jaǵdaılary birqatar elde ósip barady. Sonyń ishinde, Portýgalııa, Germanııa, Frantsııa, Gretsııa, Avstrııa, Italııa, Shveıtsarııa jáne Ispanııada.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT