Belgııada baǵanyń kóterilýine baılanysty gaz tutyný 18% kemidi
2022 jylǵy 29 maýsym 23:53

Belgııada baǵanyń kóterilýine baılanysty gaz tutyný 18% kemidi

BRıÝSSELЬ. QazAqparat – Tabıǵı gaz baǵasynyń kóterilýi jeke tulǵalardy da, Eýroodaq ónerkásibin de gaz tutynýdy kúrt tómendetýge ıtermeledi, dep habarlaıdy QazAqparat menshikti tilshisi.

Bıyl birinshi jartyjyldyqta Belgııadaǵy úı sharýashylyǵy men orta kólemdegi kompanııalar gazdy 20 paıyzǵa az tutynsa, iri ónerkásipter 12 paıyzǵa jýyq únemdegen .

Ásirese, elektr energııasyn óndiretin stantsııalarda tutynýshylyqtyń tómendeýi baıqaldy.

Ýkraınadaǵy jaǵdaı jáne odan keıingi baǵanyń kóterilýi gazdyń jeke tutyný kólemine áser etti. Kóptegen belgııalyq otbasylar gaz únemdeý úshin úıdegi jylytý temperatýrasyn tómendetken. Bul týraly Belgııanyń federaldyq energetıka mınıstri Tınne Van der Straten parlamentte sóılegen sózinde málimdedi.

Buǵan deıin Belgııa úkimeti úı jaǵdaıynda energııa tutynýdy azaıtýǵa keńes bergen bolatyn. Mundaı sharalardy kórshiles Germanııa men Frantsııa da qolǵa alyp jatyr. Máselen, Germanııanyń federaldyq ekonomıka mınıstri Robert Habek otandastaryn sý men energııany únemdeýge shaqyrdy.


Uqsas jańalyqtar

Jańalyqtar

Úrdis

MURAǴAT