Belgııada 1 lıtr benzınniń baǵasy alǵash ret 2 evrodan asty
2022 jylǵy 17 mamyr 07:30

Belgııada 1 lıtr benzınniń baǵasy alǵash ret 2 evrodan asty

BRıÝSSELЬ. QazAqparat – Belgııada benzın baǵasy taǵy da sharyqtap ketti. Ekonomıka jónindegi federaldyq qyzmet 17 mamyrdan bastap, janarmaı quıý stantsııalaryna qoıýǵa ruqsat etilgen baǵa arta túsetinin málim etti, dep habarlaıdy QazAqparat.

Belgııada alǵash ret 95 markili benzınniń 1 lıtri 2 evrodan asyp, 2,025 evroǵa jetedi (shamamen 1 lıtr benzın 902 teńge bolady).

Sondaı-aq 98 markili benzınniń eń joǵarǵy baǵasy 2,20 evrodan asady. Bul jolǵy baǵanyń ósimi osyǵan deıingi úkimet bekitken baǵadan 9,2 evrotsentke qymbat bolyp otyr. 98 (E5) benzıniniń baǵasy 16,1 evrotsentke qymbattaıdy.

Dızel otynynyń bir lıtriniń shekti baǵasy ózgerissiz qaldy – bıylǵy jyldyń 5 naýryzynda bir lıtr dızel otynynyń quny 2 eýrodan asqan. Belgııada benzın jáne dızel otynynyń baǵasy halyqaralyq naryqtaǵy munaı baǵasynyń aýytqýyna baılanysty bolyp otyr.

Ýkraınadaǵy qaqtyǵys bastalǵaly munaı baǵasy aıtarlyqtaı ósken. Belgııanyń federaldy úkimeti soqqyny jumsartý úshin janarmaıǵa salynatyn aktsızder deńgeıin ýaqytsha tómendetti. Bul shara kem degende bıylǵy jyldyń 30 qyrkúıegine deıin kúshinde bolady. Osyǵan qaramastan, kólik júrgizýshileri úshin janarmaı quny kóterilip keledi.


Uqsas jańalyqtar

Jańalyqtar

MURAǴAT