Bekshın KVI naýqastaryn ruqsatsyz emdep jatqan jekemenshik emhana týraly pikir bildirdi

ALMATY. QazAqparat – Almaty qalasynyń bas sanıtar dárigeri Jandarbek Bekshın koronavırýs juqtyrǵan naýqastardy ruqsat qujatynsyz emdep jatqan «Talant jáne K» jekemenshik emhanasyna qatysty túsinik berdi, dep habarlaıdy QazAqparat tilshisi.

Uqsas jańalyqtar

Atyraý oblysynda bir táýlikte 111 adam koronavırýsqa shaldyqty

Almatyda telemedıtsına ortalyǵy koronavırýs juqtyrǵan naýqastarǵa táýlik boıy kómek kórsetedi Koronavırýs: Nur-Sultanmen qatar 6 oblys áli de «qyzyl» aımaqta tur Qazaqstanda koronavırýstan emdelip jatqan 50 adamnyń jaǵdaıy óte aýyr

«Bizdiń mamandar jarnamada mynandaı habarlama oqyǵan. Jarnamada «Talant jáne K» medıtsınalyq ortalyǵy koronavırýspen aýyrǵan naýqastarǵa medıtsınalyq kómek kórsetedi dep jazylǵan. Kez kelgen medıtsınalyq kómek arnaıy lıtsenzııasy bar medıtsınalyq uıymdarda kórsetilýi tıis. Eger olarda negizgi lıtsenzııa bolsa jáne emhana qosymsha taǵy bir qyzmet túrin ashsa, onyń qosymshasy bolýy tıis. Qosymsha men lıtsenzııany qalalyq kásipkerlik basqarmasy beredi», - dedi Bekshın.

Onyń aıtýynsha, lıtsenzııa alý úshin sanıtar dárigerler, órtke qarsy baqylaý qyzmeti, qoǵamdyq densaýlyq saqtaý basqarmasy ǵımarattyń barlyq qaýipsizdik talaptaryna saı ekendigin rastap, qorytyndy shyǵarýy kerek.

«Bul medıtsınalyq uıymda taza aımaq joq bolyp shyqty. ıAǵnı, qyzmetkerlerdiń densaýlyǵyna qaýip tónedi. Sanıtarlyq dálizder, fıltr kabınetteri uıymdastyrylmaǵan. Kireberiste temperatýra ólsheý kerek. Ol da emhanada joq bolyp shyqty», - dedi Bekshın.

Bas sanıtar dáriger «Talant jáne K» emhanasynda patsıentterdiń de, qyzmetkerlerdiń de qaýipsizdigi máselesi oń sheshilmegenin aıtty.

«Eger ondaǵy adamdar indetti qaıta juqtyratyn bolsa, olarǵa tipti qylmystyq jaýapkershilik qarastyrylýy ǵajap emes», - dedi ol.