+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Bekbolat Tileýhan: Buryn daýsy barlar ánshi bolatyn, qazir aýzy barlar ánshi

2020 jylǵy 24 aqpan 14:25
Bólisińiz:
Bekbolat Tileýhan: Buryn daýsy barlar ánshi bolatyn, qazir aýzy barlar ánshi

NUR-SULTAN. QazAqparat – Depýtat Bekbolat Tileýhan Qazaqstan aýmaǵynda sportty damytý úshin nasıhat sharalaryn qolǵa alý kerektigin aıtty, dep habarlaıdy QazAqparat tilshisi.

Búgin Parlament Májilisinde ótken Úkimet saǵatynda elimizde buqaralyq sportty damytý máselesi qaraldy.

«Jalpy, buqaralyq sport degen ne? Bul eń aldymen, halyqtyń densaýlyǵy. Jappaı el qımyldasa, sportpen shuǵyldansa – ol halyqtyń densaýlyǵy myqty bolady. Bul salany damytýǵa qarjy kerek dep jatyrmyz, ol túsinikti másele. Biraq ıdeologııa, nasıhattyń mańyzy da kem emes. Mysaly, telearnanyń aqparattyq yqpalynyń orasan nárse ekenin bilemiz ǵoı?! Nasıhattyń arqasynda qazir ánshi emes adam qalmady. Daýysynyń bar-joǵy báribir bolyp tur. Buryn daýsy barlar ánshi bolatyn, qazir aýzy barlardyń bári ánshi. Mýzykalyq kýltýrany qatyrdyq, fızıcheskıı kýltýra ońbaı tur», - dep toqtaldy depýtat.

Osy oraıda ol sportty nasıhattaýǵa aıryqsha nazar aýdarý qajettigin atap ótti.

«Qazaq oıyn balasy dep aıtady, 13 jasqa deıin onyń ómiriniń negizgi máni oıynda. Júgirgen balanyń densaýlyǵy myqty bolady... Semirip ketken, aýlany eki aınalsa entigip qalatyn balanyń maıyn sylyp, bulshyqetin qalyptastyrý úshin, sondaı-aq kompıýter nemese smartfonǵa shuqshıyp qalǵan balany dalaǵa alyp shyǵý úshin buqaralyq sportty jaqsylap nasıhattaýymyz kerek ekeni túsinikti. Bul úshin nasıhat kerek!», - dedi Bekbolat Tileýhan.

Depýtat elimizde at sportyn damytýǵa erekshe mán berý kerektigin, sondaı-aq jumys oryndarynda qyzmetkerlerdiń densaýlyǵyn nyǵaıtý jónindegi baǵdarlamany engize otyryp, kásiporyndar men uıymdarda dene shynyqtyrýdy damytý úshin jaǵdaı jasaý qajettigin atap ótti.

Budan buryn habarlanǵandaı, 2019 jyldyń qorytyndysy boıynsha elimizde dene shynyqtyrý jáne sportpen júıeli túrde shuǵyldanatyndar sany 5,7 mln adamǵa jetken. Bul jalpy halyqtyń 30,6 paıyzy.


Bizdiń kanalymyzǵa jazylyńyz:

Basty sózder: Parlament, Sport,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT