+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

«Bek Air» ústinen qaıtarylmaǵan bılet boıynsha taǵy aryz tústi - komıtet

2020 jylǵy 11 aqpan 14:08
Bólisińiz:
«Bek Air» ústinen qaıtarylmaǵan bılet boıynsha taǵy aryz tústi - komıtet

NUR-SULTAN. QazAqparat – Tutynýshylardyń quqyǵyn qorǵaý komıteti «Bek Air» áýekompanııasyna qatysty talap aryzdy tolyqtyrmaq, dep habarlaıdy QazAqparat komıtettiń baspasóz qyzmetine silteme jasap.

Aıta ketsek, 2020 jyldyń 31 qańtarynda Tutynýshylar quqyǵyn qorǵaý komıteti «Bek Air» áýekompanııasyna tutynýshylar quqyǵynyń buzylýyna baılanysty talap aryz bergen bolatyn. Talap aryzǵa satyp alynǵan avıabıletterge aqshasy qaıtarylmaǵan 20 tutynýshynyń ótinishi negiz bolǵan.

«Sotqa talap aryz bergen sátten bastap «Bek Air» áýekompanııasyna qatysty Tutynýshylardyń quqyǵyn qorǵaý komıtetiniń «shuǵyl jelisine» 100-den astam adam ótinish keldi. 57 tutynýshynyń buzylǵan quqyǵyn qalpyna keltirý boıynsha 32 ótinish tústi. 10 aqpanǵa deıin komıtet jalpy somasy 2 146 199 teńgege 77 tutynýshynyń buzylǵan quqyǵyn qalpyna keltirý úshin 44 ótinishti qabyldady», - dep habarlaıdy komıtetten.

Tutynýshylar QR Saýda jáne ıntegratsııa mınıstrliginiń Tutynýshylardyń quqyǵyn qorǵaý komıtetine «shuǵyl jeli» telefondaryna keńes alý úshin myna nómirge habarlasa alady: 74-98-32, 74-98-36. Osydan keıin ótinishter komıtetke (Nur-Sultan qalasy Máńgilik el dańǵyly, 8, «Mınıstrlikter úıi», 2 kireberis) joldanady.

Sonymen qatar, ótinishti «Elektrondyq úkimet» (egov.kz). portalyna jiberýge bolady.

Ótinishterdi belgilengen úlgide jiberý qajet. Ony «shuǵyl jelige» qońyraý shalyp nemese komıtettiń saıtyndaǵy siltemeden kóshirip alý qajet. Budan bólek, fıskaldyq chekterdiń nemese basqa da rastaıtyn qujattardyń, bıletterdiń jáne jeke basyn kýálandyratyn qujattardyń kóshirmelerin qosa berý kerek.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT