+7 (701) 759 90 19
USD 425.48 EUR 494.2
RUB 6.14 CNY 66.67
Jańalyqtar

Bek Air ushaǵynyń apaty: Jerdi zańsyz satqandar sottaldy

2021 jylǵy 12 mamyr 16:44
Bólisińiz:
Bek Air ushaǵynyń apaty: Jerdi zańsyz satqandar sottaldy

ALMATY. QazAqparat - Almaty oblysynyń Talǵar aýdandyq soty burynǵy sheneýnikter men rıeltorǵa Bek Air ushaǵy apat bolǵan Almaty áýejaıynyń janynan jerdi zańsyz bólip berý isi boıynsha úkim shyǵardy. Burynǵy úsh sheneýnikke 3 jyl bas bostandyǵynan aıyrý jazasy kesildi. Qalǵandary 2,5 jyldan 4 jylǵa deıin sottaldy, dep habarlaıdy QazAqparat tilshisi.

Uqsas jańalyqtar
Qaraǵandy ákimdigindegi jumysshynyń ólimi: Sot úkimi jarııalandy Jumys berýshi eńbek daýyn týyndatqan jumysshylardy qaı jaǵdaıda sotqa bere alady Atyraýda kúzet qyzmeti basqarmasy bastyǵynyń orynbasary 7 jylǵa sottaldy

2019 jyly jeltoqsanda Almaty áýejaıy mańynda Bek Air ushaǵynyń apatynan keıin áýejaıǵa tym jaqyn ornalasqan jer ýchaskeleriniń zańdylyǵy tekserilgen bolatyn. Tergeý barysynda 5 sheneýnik pen 1 rıeltor kúdikke ilindi. Atap aıtar bolsaq, Rýstam Turysbekov, Jaras Mashımbaev, Medeý Qalybekov, Berik Abdýllaev, Qaırat Altynbekuly, sondaı-aq deldal – rıeltor Nuraıym Aldanysh.

Búgin, 12 mamyrda sot úkimi shyqty.

Jer regıstri ǵylymı-óndiristik ortalyǵy Talǵar aýdandyq bóliminiń burynǵy bastyǵy Jaras Máshimbaevqa 4 jylǵa bas bostandyǵyn shekteý týraly úkim shyqty. Táýelsizdiktiń 25 jyldyǵyna arnalǵan raqymshylyqqa baılanysty onyń merzimi bir jylǵa deıin qysqartyldy. Nátıjesinde 3 jyl shartty jaza taǵaıyndaldy.

Talǵar aýdandyq jer qatynastary bóliminiń burynǵy bastyǵy Rýstam Turysbekov kináli dep tanylyp, memlekettik qyzmettegi laýazymdardy atqarý quqyǵynan 7 jylǵa aıyra otyryp, 5,6 jyl berdi. Qazaqstan Táýelsizdiginiń 25 jyldyǵyna arnalǵan raqymshylyqqa baılanysty onyń merzimi qysqartyldy. Nátıjesinde ol 4,1 jyldy qaýipsizdigi shekteýli kolonııada óteýi kerek bolady.

Burynǵy Jer kadastry ǵylymı-óndiristik ortalyǵy aımaqtyq bólimi bastyǵynyń mindetin atqarýshy Medeý Qalybekovke de 4 jylǵa bas bostandyǵyn shekteý týraly sot úkimi shyqty. Raqymshylyqqa baılanysty ol 3 jyl shartty jaza arqalady.

Basqarmanyń Jerge ornalastyrý sektorynyń burynǵy bastyǵy mindetin atqarýshy Berik Abdýllaevqa 4 jylǵa bas bostandyǵyn shekteý jazasy taǵaıyndaldy. Raqymshylyqtyń arqasynda oǵan 3 jyl shartty jaza qoldanyldy.

Talǵar aýdandyq jer qatynastary bóliminiń burynǵy bastyǵy Qaırat Altynbekuly kináli dep tanyldy. Sot ony 6 jyl merzimge memlekettik qyzmettegi laýazymdardy atqarý quqyǵynan aıyra otyryp, qaýipsizdigi shekteýli kolonııada 4 jylyn ótkizýdi buıyrdy. Raqymshylyqqa baılanysty onyń merzimi qysqaryp, kolonııadaǵy merzimi 3 jyl dep taǵaıyndaldy.

Rıeltor Nuraıym Aldanysh 5 jylǵa bas bostandyǵynan aıyrylyp, qaýipsizdigi ortasha kolonııaǵa jiberiletin boldy. Táýelsizdiktiń 25 jyldyǵyna arnalǵan raqymshylyqqa baılanysty onyń merzimi 2,6 jylǵa qysqardy.

Aıta keteıik, buǵan deıingi protseste prokýror eks-sheneýnikterdi, ıaǵnı, barlyq sottalýshylardy 4 jyldan 6 jylǵa bas bostandyǵynan aıyrý jazasyn suraǵan bolatyn.

Esterińizge sala keteıik, 2019 jyldyń 27 jeltoqsanyńda «Bek Air» áýe kompanııasynyń ushaǵy apatqa ushyrady.

Almaty - Nur-Sultan baǵytyndaǵy ushaq bıiktikti saqtaı almaı, beton qorshaýyn buzyp ótken.

Artynsha eki qabatty turǵyn úıge soǵyldy, 12 adam mert boldy, 69 adam zardap shekti. Onyń 51-i aýrýhanaǵa tústi.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT